Síðst í oktober kom faldarí í allar postkassar í Runavíkar kommunu við skránni á Bókasavninum við Løkin og í Løkshøll komandi vikurnar.

Skráin ber boð um tveir virknar stovnar. Oyvør Dam Jacobsen, leiðari á Bókasavninum við Løkin, vísir á, at bókasavnið leggur seg eftir at hava eitt fjølbroytt virksemi, sum dregur fólk til og skapar eitt livandi bókasavn. Hon vísir á, at tað hevur nógvar fyrimunir við sær, at bókasavnið og Løkshøll liggja lið um lið. Tískil samstarva stovnarnir nógv og leggja seg eftir at vera eitt slag av mentanardepli.

"Bókasavnið við Løkin er lutfalsliga nýtt og lítið, og tí arbeiða vit áhaldandi fyri at gera bókasavnið viðkomandi fyri borgararnar. Fólk skulu kenna, at tey eiga ein lut í bókasavninum, og tí royna vit at bjóða fjølbroytt tiltøk til ymsar málbólkar", sigur Oyvør Jacobsen. Hon vísir eisini á, at tað hevur týdning, at tað er hugnaligt at koma á bókasavnið, og tað skal bera til at seta seg niður við einum drekkamunni.

Lurtið eftir samrøðuni við Oyvør Dam Jacobsen, leiðara á Bókasavninum við Løkin, har hon fortelur um virksemið á bókasavninum, og hvørjar visiónir hon hevur fyri eitt nýmótans og viðkomandi bókasavn.