- Tíðindi, mentan og ítróttur
Nón
- Eg havi frá tí eg minnist, altíð havt ein serligan áhuga fyri skipum í síni heild. Tað hevur vundið upp á seg, soleiðis at eg eri farin at festa tað á blað, so tað er tøkt til eftirtíðina.
90 ára gamli Sune Joensen hevur givið út stórverk um føroysku sluppina.
Sune Joensen setir við hesum verki ein sjaldsaman varða yvir seglskipini, ið løgdu lunnar undir føroyskan fiskiskap á fjarleiðum. Tann fyrsta sluppin varð keypt í 1872, og sostatt eru 150 ár liðin, siðan sjøtul varð settur á tað virksemið, sum seinni kollvelti bóndasamfelagið.
Sune Joensen viðger í bókini, hvussu riggað var til, hvussu siglt var tvørtur um høv við sluppunum, og hvussu arbeitt varð umborð. Hann hevur skrásett og teknað hvønn smálut og hvønn togenda, og hann greiðir frá, hvussu hvørt sprek í farinum varð nevnt og brúkt.
Hoyr samrøðuna við Suna Joensen.