- Tíðindi, mentan og ítróttur
Nón
- Vit vilja gjarna geva okkurt aftur til øll tey, sum hava lurtað eftir okkum hesi árini.
Fyrsta útgávan hjá rappbólkinum Swangah, Belials synir, kom út fyri tíggju árum síðan, og í hesum sambandi hevur bólkurin givið út bók við øllum tekstunum umframt myndum.
- Vit hava 10 ára jubileum, Belials synir er okkara fyrsta fløga, so hví ikki feira hana. Vit hoyra, at fólk vilja gjarna hava tekstin, tí tað kann vera ringt at fylgja við og hoyra hvørt orð, tá vit rappa, og tí er tað gott at fáa tað út í bók.
Limirnir í Swangah, Steen Rói Lorenzen, Ragnar Davidsen og Eyðun Müller Thomsen, vita væl, at hetta eru óvanliga grovir tekstir, sum taka seg ógvusliga út á prenti. Men hóast teir eru vaksnir og hava fingið børn, so tora teir væl at standa inni fyri teimum.
- Um vit ikki gera tað á føroyskum, so finsta tað bara harúti í tonsavís á øðrum máli kortini.
Aftrat tekstunum og myndunum eru eisini heilsanir frá øðrum í bókini.
"Belials synir var tað nossasparkið, sum føroyski tónleikapallurin hevði brúk fyri," skrivar Uni Leitisstein Hansen, tónleikakønur millum annað.
Hoyr samrøðuna við Swangah-dreingirnar her.