- Tíðindi, mentan og ítróttur
Nón
- Tað var sum at koma í eina aðra verð, tá ið eg sum barn kom út í Mykines.
Steingrim Abrahamsen hevur alt sítt lív verið javnt og samt í Mykinesi, haðani foreldrini eru. So hóast hann hevur búð í Havn, síðan hann var smádrongur, rindar hann nú á ein hátt aftur við at skriva bókina "Staðarnøvn í Mykinesi".
Einaferð búðu útvið 200 fólk í Mykinesi, og eini 30 børn gingu í skúla har. Nú búgva 17 fólk í oynni. Hetta vísir, hvussu nógv gerandislívið er broytt í oynni. Og til gerandislívið hoyrdi staðarnøvn, sum eru fyri hóttafalli.
Steingrim Abrahamsen hevur nú við hjálp frá fólkum í Mykinesi staðsett og viðgjørt útvið 1500 staðarnøvn í Mykinesi. Hann viðger staðarnøvn innan- og uttangarðs, hann lýsir slóðarar og søgu hjá staðarnavnagransking, og hann viðger kort og annað.
Ein áhugaverd eygleiðing, sum Steingrim ger, er at 46 prosent av staðarnøvnunum eru natúrnøvn, og 54 prosent eru mentanarnøvn.
Bókin vendir sær bæði til fólk við tilknýti til Mykines og til fólk við áhuga fyri føroyskum staðarnøvnum, føroyskum máli og føroyskari náttúru.
Hoyr samrøðuna við Steingrim.