- Ítrótturin fyllir mest í mentanarpolitikkinum hjá kommunum, tí tað er best fyri flest.
- Mentanin skal helst ikki kosta.
- Færri átaka sær sjálvboðið arbeiði, og eldsálirnar fækkast og eldast.

Hetta eru nakrar av niðurstøðunum í masterritgerðini Mentanarpolitikkur í føroyskum kommunum, sum Elsa Maria Magnussardóttir Olsen og Heidi Neshamar Olsen hava skrivað á Fróðskaparsetrinum.

Tær hava kannað miðalstórar kommunur, og hava havt ítøkiligar samrøður við lyklapersónar, ávikavist forfólk og borgarstjórar, í trimum kommunum. Og fyri lyklapersónarnar fyllir ítróttur mest á mentanarøkinum, bæði tá tað kemur til luttøku og kommunala raðfesting.

Hoyr samrøðu við Elsu Mariu og Heidi her.