Fríggjadagin 11. februar letur nýggja serframsýningin "Landslagið í broyting" upp á Listasavni Føroya.

Framsýningin varpar ljós á broytingar í føroyska landslagnum og í listini og setur spurningar, sum hava til endamáls at bjóða okkara fatan av, hvat eitt landslag er, av.

Føroyskir listamálarar hava søguliga havt eina sterka siðvenju við at mála landslagið á ein romantiskan og hugfarsligan hátt, meðan samtíðarlistin alsamt flytir seg til annað tilfar og onnur úttrykk.

"Landslagið í broyting" vil hava okkum at hugsað um, hvørja ávirkan vit menniskju hava á náttúruna og setur spurnartekin við, hvat eitt landslag er.

Samstundis kannar hon, á hvønn hátt samtíðarlistin endurspeglar broytingarnar í føroyska samfelagnum og náttúruni. 

Lurtið eftir samrøðu við Annu Mariu Dam Ziska, kurator á nýggju framsýningini.

Til ber at lesa meira um framsýningina á heimasíðuni hjá Listasavninum art.fo.

Listaframsýningin er opin til 15. juni og fevnir um listaverk eftir hesi listafólk:

Ruth Smith, William Heinesen, Frida Zachariassen, Elinborg Lutzen, Bent Restorff, Jógvan Waagstein, Tita Vinther, Bárður Jákupsson, Thomas Arge, Alda Mohr Eyðunardóttir, Anný Djurhuus Øssursdóttir, Tummas Jákup Thomsen, Peter Højlund Palluth, ORKA, Ingi Joensen, Ole Wich, Brandur Patursson, Ragnhild Hjalmarsdóttir Højgaard, Oggi Lamhauge, Marius Olsen, Guðrið Poulsen, Súsan í Jákupsstovu, Rúni Weihe, Jana Jonhardsdóttir.