Vit arbeiða við at gera framleiðsluna burðardyggari, og við 3D maskinum verður framleiðslan enn meira burðardygg, tí onki fer til spillis, og tí vit ikki framleiða ov stórar nøgdir, sigur Óli Kristian á Torkilsheyggi, stjóri í Navia, sum var ein av teimum fýra fyritøkunum, ið var við á sniðgevaraátaki í La Maison du Danemark í París um vikuskiftið.

Navia hevur havt fleiri spennandi verkætlanir seinastu tíðina, millum annað troyggjur til Trom, sum eisini eru komnar út í bindiuppskriftabók.

Sniðgevaraátakið er partur av stóra almenna mentanarátakinum "Un Éclat de soleil", sum fevnir um listaframsýning, og seinastu tvær vikurnar harumframt hevur havt føroyskan tónleik, bókmentir og film á skránni.

Lurtið efitr samrøðuni við Óla Kristian á Torkilsheyggi, sum greiðir frá virkseminum hjá Navia.