"Ingen vej tilbage" er heitið á nýggjari sjónvarpsrøð, sum Andrias Høgenni, føroyskur filmsleikstjóri, hevur leikstjórnað og skrivað saman við Anton Breum og Andrea Winding.

Røðin verður at síggja á DR3, á DRTV, fríggjadagin, og er í níggju pørtum, sum eru um 15 minuttir til longdar.

Higartil hevur røðin fingið góða móttøku, tí bæði Filmmagasinet Ekko og Soundvenue hava givið røðini 5 av 6 stjørnum, og skýra Andrias Høgenni at vera eitt "stortalent".

Ummælini kunnu lesast her: Filmmagasinet og Soudvenue

Føroysk mentan

Sjálvur fegnast Andrias um góðu móttøkuna higartil og er glaður um, at røðin, sum hann hevur arbeitt við í trý ár, skjótt verður at síggja.

Hóast røðin er donsk, spælir føroysk mentan í Keypmannahavn ein lut í nýggju røðini, og fleiri føroyskir sjónleikarar spæla við.

Lurtið eftir samrøðuni við Andrias Høgenni, har hann greiðir frá røðini.