- Tíðindi, mentan og ítróttur
Nón
Prinsurin Tamino, prinsessan Pamina, fuglafangarin Papageno, fuglagentan Papagena, tey trý gátuføru børnini, Náttardrotningin, tær tríggjar damurnar, Monostatos, prestarnir og Høvuðspresturin í Vísdómstemplinum, Sarastro.
Øll hesi verða at síggja í barnaoperu, ið verður frumframførd á Tjóðpallinum 1. apríl.
Talan er um navnframu Gandafloytuna eftir Wolfgang Amadeus Mozart, sum vanliga er hálvan triðja tíma til longdar, men sum í hesi útgávuni er stytt niður í ein tíma.
Tað er Birita Adela Davidsen sum eigur hugskotið, og hevur umskrivað operuna, og Annfinnur Heinesen er leikstjóri.
Verkætlanin er eitt samstarv millum Tórshavnar Kvøldskúla, Tjóðpall Føroya og Opera.fo, og 14 børn í aldrinum 8-12 ár spæla við.
Harumframt er Annfinnur Heinesen frásøgufólk, Birita Adela Davidsen og Douglas Yateseitt syngja opera.
Lurtið eftir, tá Nón vitjaði á Tjóðpallinum.