Er tað rætt at gera list, ið er á tremur við stavivillum? Og hevur tú rætt til at gera vart við teg á skrift, hóast tú ikki dugir at stava?

Tað eru spurningar, ið stinga seg upp, tá tú vitjar framsýningina hjá donsku listakvinnuni Gudrun Hasle, sum hevur ferinsering í Norðurlandahúsinum fríggjadagin. 

Gudrun Hasle er viðurkend listakvinna og orðblind, og hon hevur gjørt orðblindi til ein part av síni list. Í listini nýtir hon ofta brodering og tekst, og stavar og broderar orðini, soleiðis sum hon sjálv heldur, at tey stavast

- Við at vísa mítt egna sárbæri og sýna fram mítt persónliga stríð við skriftsmálinum, skapi eg eitt rúm, har tað er loyvt hjá menniskjum at gera mistøk og vera ófullkomin. Eg vil við list míni varpa ljós á, at tað at vera menniskja - eisini tungu síðurnar, og varpa ljós á rættin til at gera vart við seg, hóast ein ikki dugir at stava, sigur Gudrun Hasle.

Framsýningin "Jeg leder efter ordne" verður at síggja 3. juni - 14. august. Øll eru vælkomin til fernisering.

Um Gudrun Hasle
Gudrun Hasle (f. 1979) er útbúgvin á Det Kongelige Danske Kunstakademi og Det Fynske Kunstakademi, har hon tók endaligt prógv í 2008. Hon arbeiðir bæði við video, foto, performance, tekning og ikki minst brodering. Gudrun Hasle hevur sýnt fram á nógvum bólkaframsýningum og hevur m.a. havt stakframsýningar í Politikens Forhal, Keypmannahavn (2019), Nuuk Kunstmuseum (2019), Gallari Tom Christoffersen, Keypmannahavn (2019), Horsens Kunstmuseum (2016), Kunstmuseum Brandts, Odense (2015), Museet for Samtidskunst, Roskilde (2012) og Tranen, Gentofte (2011). Gudrun Hasle er við í søvnunum hjá Horsens Kunstmuseum, Statens Museum for Kunst og Det Nationale Fotomuseum