Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Mouk, Elias og L fyri lomb.
"Snipp snapp" er hvørt mikukvøld, hóskvøld og um vkuskiftið.

Hey! er ein sending um djór, fyri børn og barnsligar sálir, her Jensina er vertur og Ljóðfílurin tekur upp, sum vanligt. Tey eru úti og uppliva mangt og hvat.
Hesaferð snýr tað seg um lundar, og Ljóðfílurin hevur verið sera djarvur fyri at fáa ein góðan film gjørdan um henda vakra fugl.
Tey vitja sjálvandi Eddi og hugna sær saman við honum. Jensina fer eisini at royna at gera ein lunda burturúr einum papptallerki. Man tað fara at lukkast henni?

Tríggjar gæs, ein dunna og ein moskusdunna skulu frá at vera partur av gerandisdegnum á Kastanjugarði til at verða partur av innihaldinum í frystaranum. Tað er Frank so vanur við. Hinvegin er hann óvanur at dyrka quinoa og amarant.

Bill er farin heim aftur til Svøríkis og hevur latið Mariu leiða byggingina. Men meir og meir verður at halda skil á, spurningurin er, um Maria fer at orka - samstundis sum hon roynir at njóta tíðina við systur síni og øllum børnunum, sum eru á Sisilia.

Rossagenta, sum ætlar at gerast heimsins besta í ríðing, eitt reinsdjór, ein luksussniðgevi við egnari kjólakollektión til hundar og ein ráðaleysur nýggjur hundaeigari. Alt fyri djórini. Programml. Magnus Brenna-Lund.

"At gerast víðagitin". Dokumentarrøð um vinirnar, sum leggja ætlanir um stórrán í Göteborg í 2008 og skapa ruðuleika í býnum.

Hetja bæði dag og nátt. Soleiðis er at vera seyðabóndi í lembing. Strævnir dagar hjá Kari-Anne og teimum.

Minnist tú hana, sum ætlaði at binda allan tekstin í Peer Gynt á troyggjur? Henni manglaði bara nakrar hundrað at binda. Nú vita vit, hvussu gekst.
Mynd+red.: Tim Wassmo
Red.: Dag Harald Kvammen Andersen
Reportari: Mette Anthun
NRK Hordaland

Bara í fjør vórðu brúktar 72 milliónir krónur í rudding fram við norskum jarnbreytum. Summastaðni er rættiliga óhøgligt.
Foto: Kjell Jøran Hansen
Red.+rep.: Synnøve Horvei, reporter
NRK Hordaland

CARS AND COFFEE.
Cars and Coffee er tiltak fyri tey, sum hava áhuga fyri bilum. Tað byrjaði í USA fyri 10 árum síðan. Í Noreg var skipað fyri hesum tiltakinum fyrst í Tróndheimi, og síðan er tað farið víða, eisini til Gol.

Innslag: Sindre Thoresen Lønnes.

Í øðrum parti eru vit umborð á nýggju Norðborg. Jón Rasmussen, er skipari. Christian Martin Rasmussen greiðir frá, hvussu alt vendist, tá sildin kom aftur fyrst í 90-unum, Tá vóru teir nærmast farnir á húsagang eins og onnur reiðarí í uppsjóvarvinnuni. Christian í Grótinum varð bygdur í Chili í 1998. Seinni keyptu teir framleiðsluskip og fyri 5 árum síðani bygdu teir hetta sera framkomna framleiðslu- og fiskiskipið, Norðborg. Vit fylgja framkomnu framleiðsluni umborð, har alt verður gagnnýtt, einki fer útaftur. Ein ótrúlig broyting hesi seinastu 50 árini í okkara nóta- og trolveiðu eftir uppsjóvarfiski.
Lagt til rættis: Zacharias Hammer

Teir eru serkønir í sínum arbeiði, sera snildir, og eigararnir kunnu ikki vera teir fyri uttan.
Tiny og Bess eru border collie og av bestu seyðahundum. Hygg, hvussu væl teir duga at savna seyðin fyri Elisabeth og Johnny í Reinøya í Troms!

Fólkaræði og serfrøðingaveldi: Fólksligur hugburður til koronu og aðrar vísindaligar spurningar.
Heini í Skorini, Søgu- og samfelagsdeildin, Fróðskaparsetrið

Vit hitta tríggjar familjur, ið eru givnar við siðbundnari barnauppaling. Her galda ongar reglur, men verða børnini sunnari og glaðari við ongum reglum? Ella hevur tað hinvegin atferðartrupulleikar við sær?
Upprunah.:Families Without Rules
Framl. ár:2017

Stutt eftir, at Føringafelag er stovnað í 1888 og Føringatíðindi, fyrsta avís, skrivað á føroyskum, kemur út í 1890, tekur seg upp tvístøða um føroyska skriftmálið. Málfrøðingurin Jakob Jakobsen mælir til eina ljóðfrøðiliga stavseting heldur enn hina upprunafrøðiligu málskipanina hjá Hammershaimb. Í 1895 verður samtykt uppskot um Broyting, sum er ein linking í Hammershaimbs-stavsetingini, men mótstøðan er stór, og sum frá líður verður gingið frá semjuni um Broyting. Føringafelag klovnaði av harða stríðnum, og í 1906 fáa vit politiskt floksbýti á tingi. Tann breiða tjóðskaparrørslan er syndrað av innanhýsis málstríði. Stóra stríðsmálið í nýggju øldini er, um føroyskt skal loysa danskt av sum kirkju- og undirvísingarmál. Smátt gongur at fáa politiska undirtøku í Føroyum fyri hesum setningi. Í 1912 verður tann umstrídda grein 7 samtykt, ið ásetur, at danskt er kenslumál í Føroyum. Eldsálir strevast kortini uttan íhald at vinna føroyskum betri sømdir. Í 1930-árunum fæst politiskur meiriluti í Føroyum fyri kravinum um, at føroyskt verður javnsett við danskt í kirkju og skúla. Sagt verður eisini frá lyklapersónum í málstríðnum; V.U. Hammershaimb, Jakob Jakobsen, Fríðrik Petersen, Jákup Dahl, A.C. Evensen o.a. Málfrøðingar, søgumenn, rithøvundar o.o. greiða frá.

Suni Merkistein og Hans Petur Hansen leggja til rættis.

Bob (Matt Damon) og Walt Tenor (Greg Kinnear) eru siamesiskir tvíburðar, sum eru samanvaksnir við lendarnar og eru felags um eina livur. Walt droymir um at gerast sjónleikari, og tá brøðurnir hava givið serligt lyfti sínamillum um, at teir aldri skulu forða fyri eydnuni hjá hvørjum øðrum, má Bob boyggja seg og fara við Walt til Hollywood. Her hitta teir av tilvild Cher, sum gevur Walt mannliga høvuðsleiklutin í eini nýggjari raðsending. Púra óvæntað fær Walt eitt dundrandi gjøgnumbrot, og teir siamesisku tvíburðarnir eru nú til reiðar at leggja filmbýin undir seg.
Leikandi: Bob Tenor: Matt Damon, Walt Tenor: Greg Kinnear og April Mercedes: Eva Mendes.
Cher: Cher. Morty O´Reilly: Seymour Cassel. Dicky: Danny Murphy. George: Skyler Stone. Eddie: Will Coogan. Bus stop bombshell: Rhona Mitra.
Upprunaheiti: Stuck on You.
Leikrit: Charles B. Wessler, Bennet Yellin, Peter Farrelly og Bobby Farrelly.
Leikstjórn: Peter Farrelly og Bobby Farrelly.
Framl.ár: 2003
Framl.: Twentieth Century Fox Film Corporation og Conundrum Entertainment.

Fyrr í ár varð James Schmidt dømdur lívlangt fongsul fyri at hava dripið tveir pensjonistar. Men ofrini kundu verið sloppin undan at verið dripin, heldur dóttirin. Einans 17 ára gamal varð James Schmidt dømdur fyri m.a. neyðtøku og drápsroynd, og tá helt Rættarlæknaráðið, at hann var so mikið vandamikil, at hann skuldi í fongsul í óásetta tíð. Hesi tilráðing fylgdi Hægstirættur ikki.
Framl. ár: 2020