Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Sára og Dunna, Mouk og L fyri lomb.
"Snipp snapp" er hvørt mikukvøld, hóskvøld og um vikuskiftið.

Tann ungi, óskotligi bretin Eddie Edwards (Taron Egerton) droymir um at luttaka í Olympisku leikunum. Hann er ikki framúr góður í nakrari ítróttargrein, men heldur, tað má bera til at vera við í vetrar-OL. Hann satsar uppá skíðlop og fer til Týsklands, har hann byrjar at venja hjá tí gronuta og váttliga fyrrverandi skíðleyparanum Bronson Peary (Hugh Jackman). Kann Eddie kvalifisera seg til OL í Calgary? Filmurin byggir á sonnu søguna um kendasta skíðleyparan í bretskari ítróttarsøgu.
Upprunaheiti: Eddie the Eagle
Leikandi: Eddie Edwards: Taron Egerton, Bronson Peary: Hugh Jackman og Warren Sharp: Christopher Walken.
Við eru eisini: Richmond: Mark Benton. Terry: Keith Allen. Janette Edwards: Jo Hartley. Target: Tim McInnerny. Handrit: Sean Macaulay og Simon Kelton.
Leikstj.: Dexter Fletcher.
Framl. ár: 2016
Aldursmark: 7

Drongurin Mohammed býr í Gaza, men hevur stórar dreymar. Saman við systrini ætlar hann at gera orkestur, so øll verðin kann uppliva fantastisku rødd hansara. Eitthvørt syrgiligt hendir, so tað verður av ongum, men mong ár seinni sær hann sær møguleika í sangkappingini Arab Idol fyri at dreymurin verður til veruleika. Filmurin byggir á ta sonnu søguna um Mohammed Assaf, sum vaks upp í hersetta Gaza, men at enda vann Arab Idol.
Við eru: Mohammed Assaf: Tawfeek Barhom, Omar: Ahmed Al Rokh og Nour: Hiba Attalah. Við eru eisini: Mohammed Assaf sum barn: Qais Attalah. Omar sum barn: Abdel Kareem Barakeh. Shadia: Nadine Labaki. handrit: Ahmad Qasem og Sameh Zoabi. Leikstj.: Hany Abu-Assad.
Framl. ár: 2015.
Aldursmark: 7.

Kom við á summarkonsert, tá Dodo og The Dodos spæla í bókarskóginum í Skanderborg og syng við til kendastu løgini, t.d. ´Giv mig hvad du har´, ´Vågner i natten´ og ´Lev livet nu´.
Framl. ár: 2019