Plátubarrin

TEMAPLÁTAN: 'Lita' hjá Litu Ford í 1988
27-03-2021
'Lita' er Litu Fordsa best umtókta album. Samstundis eru tvey av løgunum, Close My Eyes Forever og Kiss Me Deadly; hennara best umtóktu stakløg.

Sharon Osbourne stýrdi virkseminum fyri Litu Ford. Mike Chapman varð boðsendur at framleiða og tað gjørdi hann við hepnari hond. Talan er um triðja albumið hjá solistinum, Lita Ford, men tey bæði undanfarnu høvdu ikki havt nøktandi undirtøku. Stílurin varð gjørdu mjúkari og meira áttatiára MTV; stórt og bleikt hár og leðurklæði. Og tað riggaði. Framvegis er útgávan, Lita, hennara mest keypta. Lagið Close My Eyes Forever er ein duett við Litu Ford og Ozzy Osbourne.

Lita Ford bleiv í sjeytiárunum kend sum leadgittaristur í amerikanska bólkinum, The Runaways, har Joan Jett spældi rútmugittar. Kvinnuliga manningin varð nógv avmyndað í ungdómsbløðum, tó størstu undirtøkuna og søluna høvdu tær í Japan. The Runaways bólkurin spældi sína seinastu konsert seint í 1978 og upploystist alment í apríl 1979.

Plátubarrin

Plátubarrin er ein undirhaldssending við tónleiki í vetrarskrá Kringvarpsins. Sendingin er eisini interaktivt útvarp, og senditíðin er leygarkvøld frá klokkan 20:00 til klokkan 2:00. Hvør sending byrjar við eini hugleiðing, ið byggir á eygleiðing av menniskjans atferð. Síðani verður Vertsins løta send til klokkan 20:45, tá tátturin Temaplátan fer frá, eins og annað tema er á skránni stutt fyri miðnátt. Nærum tveir triðingar av Plátubarrini eru við lurtaraynskjum, ið sendast kunnu til nummar 224000, ella sum telduboð til facebooksíðuna, Plátubarrin. Verturin, Jákup Magnussen, byrjaði at gera tónleikasendingar fyri Útvarp Føroya í 1982, og varð útbúgvin journalistur í 1993. Plátubarrin varð ljóðsett tann 16. februar í 2013.
TEMAPLÁTAN 30: 'The Division Bell', Pink Floyd, 1994
'High Hopes' og 'Take It Back' er tvey kend løg frá hesi art-rock útgávu, hvørs reyði tráður er samskifti og trúgvin á, at gott prát kann loysa nógvar millum-manna-fløkjur.
18-04-2024
Táttur í Plátubarrini 7.4.24: Shakin' Stevens hittparada
Spæld verða ellivu av best umtóktu løgunum hjá rock and roll- og poppsangaranum, Shakin' Stevens, sum framvegis er virkin. Hann hevur havt 33 singleplátur á UK Top 40.
11-04-2024
TEMAPLÁTAN: Boston, Boston, 1976
Tað tók fleiri ár at gera tilfarið til Temaplátuna, men úrslitið var eisini væleydnað. Útgávan tók sølumetið fyri eina frumútgávu og framvegis spæla vit More Than a Feelin'.
23-03-2024
TEMAPLÁTAN: 'Tíð', Deiggj, 2023 + prát
Onnur útgávan hjá Deiggj. Nógv spæld løg í útvarpi hava verið 'Hví grætur tú', 'Í viðarlundini', og 'Kom lat okkum dansa'. Stílurin er nakað mjúkari enn á fyrru útgávuni.
16-03-2024
Temaplátan: 'NALJA', Elin & Kári, 1988 + prát við Elina um verkið
'Á, tann deiliga Havn', 'Sjeikurin', 'Hygg at mær', 'Eitt dýpi av dýrari tíð'; landaplágurnar eru nógvar á Nalja útgávuni. Í summar '24 fara tey bæði aftur á pallin at syngja.
09-03-2024
TEMA40: 'The Works', Queen, 1984 + eykalag
Hetta 11. albumið er ein tann best umtókta útgávan hjá Queen við løgum sum Radio Ga Ga, I Want To Be Free, It's a Hard Life, Hammer To Fall, og Is This The World We Created.
02-03-2024
TEMAPLÁTAN: London Town, Wings, 1978 + eykaløg
Her árið fyri seinastu innspælingarnar hjá Wings, gav bólkurin okkum vælumtóktar perlur sum 'With a Little Luck', 'Deliver Your Children', 'Name and Adress', og 'London Town'.
24-02-2024
TEMAPLÁTAN 40: '1984', Van Halen '84, við viðmerkingum og eykatilfari
'1984' er kendasta útgávan hjá Van Halen. Hon hevur eisini bólksins størsta hitt, 'Jump', umframt kend løg sum 'Panama' og 'Hot For Teacher'. Talan er um hard- og heavyrokk.
03-02-2024
Gott nýggjár í Plátubarrini: Herborg Torkilsdóttir, sangari, 2. partur
Góða lagið heldur fram, tá Herborg seinni um kvøldið aftur sessast við borðið í PB at undirhalda lurtarunum, sum bæði fáa skemtiligar søgur og hugvekjandi prát í nýggjársgávu.
01-01-2024
Gott nýggjár í Plátubarrini: Herborg Torkilsdóttir, sangari, 1. partur
Herborg er í góðum hýri, her hon vitjar PB nýggjársaftan. Við støði í hennara tekstum spinna hon og verturin fram eina stuttliga og hugvekjandi løtu síðsta kvøldið á árinum.
01-01-2024
TEMAPLÁTAN: 'Supernatural', Santana, 1999
Albumið kann kallast eitt slag av verkætlan við nógvum gestatónleikarum. Plátufeløgini høvdu ivast í Santana, men við hesum prógvaði Carlos, at hann framvegis var nýhugsandi.
02-12-2023
TEMAPLÁTAN: Vital Signs, Survivor, 1984
Hetta er tann næstbest umtókta av 'stóru' útgávunum hjá Survivor, og tann fyrsta við Jimi Jameson á forsangi. Eitt lag er 'Popular Girl'.
18-11-2023