Plátubarrin

MINIBARRIN: The Philadelphia Sound
08-09-2021
Eins og Detroit (Motown) hevði Philadelphia síni sereyðkenni og hesi mentust til tað vit kenna sum The Philly Sound. Bólkurin 'The Three Degrees' er eitt av Philly nøvnunum.

Men vit hava fyrr havt drúgva umrøðu av 'The Three Degrees', so ístaðin verður annað Philly-tilfar spælt hesaferð. Kundi tó stutt sagt, at 'The Three Degrees altíð hevur verið 'mannað' sum ein kvinnu-trio. Og síðan 1963 hava fimtan kvinnur sungið í hesum vokal-bólki.

Philly-sound, Phylli-soul, var stórur partur grundarlagnum fyri tí, sum bleiv til disco. Ljóðmyndin var funk-inspirerað við sevjutum ljóðføris-arrangementum, ofta við veipandi streingjaljóðførum og hvøssum hornum.

Høvuðsnavnið í hesi sending er sangskrivarin, Linda Creed. Í tónleiki er Linda Creed, sála, best kend fyri tvey viðurskifti; at hon saman við Michael Masser skrivaði 'The Greatest Love of All', sum Whitney Houston hevði eitt plettskot við, og so samstarvið, sum hon og Thom Bell høvdu um lagskriving til bólkarnar 'The Stylistics' og 'The Spinners'. Hann komponeraði og legði til rættis. Seinni í sendingini leggja vit størri dent á Bell, tá løg verða spæld frá 'The Thom Bell Sessions', ið var ein kreativ tilgongd saman við fleiri, eitt nú Elton John, sum eisini syngur ein sang í sendingini.

Myndin er av bólkinum 'The Stylistics', meðan spælt varð í sjónvarpssendingini 'Soul Train' í 1974.

Minibarrin 8. september 2021.

 

Plátubarrin

Plátubarrin er ein undirhaldssending við tónleiki í vetrarskrá Kringvarpsins. Sendingin er eisini interaktivt útvarp, og senditíðin er leygarkvøld frá klokkan 20:00 til klokkan 2:00. Hvør sending byrjar við eini hugleiðing, ið byggir á eygleiðing av menniskjans atferð. Síðani verður Vertsins løta send til klokkan 20:45, tá tátturin Temaplátan fer frá, eins og annað tema er á skránni stutt fyri miðnátt. Nærum tveir triðingar av Plátubarrini eru við lurtaraynskjum, ið sendast kunnu til nummar 224000, ella sum telduboð til facebooksíðuna, Plátubarrin. Verturin, Jákup Magnussen, byrjaði at gera tónleikasendingar fyri Útvarp Føroya í 1982, og varð útbúgvin journalistur í 1993. Plátubarrin varð ljóðsett tann 16. februar í 2013.
TEMAPLÁTAN: 'Joyride', Roxette, 1991 + eykaløg
Talan eru um mest keyptu útgávuna hjá Roxette. Kend løg eru: 'Joyride', 'Fading Like a Flower', og 'Spending My Time'. Albumið rakk til annaðplássið á UK Albums Chart.
18-03-2023
TEMAPLÁTAN: '52nd Street', Billy Joel, 1978
Tað fyrsta av fýra albumplettskotum, sum Billy Joel hevur havt í USA. Nógv spæld løg frá plátuni eru 'My Life', 'Honesty', 'Big Shot', og 'Rosalinda's Eyes'.
16-03-2023
TEMAPLÁTAN: 'Terji & Føstufressar', 1990 + eykalag
Henda útgávan er ein tann mest sjónligi føroyski varðin á tóleikaleið. Nærum øll løgini hava verið spæld nógv síðan 1990, harav tvey dømi eru Ljóðmynd og Kvøld á Tinganesi.
11-03-2023
TEMA 40: 'Alle vore håb', Tøsedrengene, 1983
Eitt tað besta albumið hjá Tøsedrengene við løgum sum 'Vi var engang så tæt' og 'Drop dine løgne'. Sølutalið var omanfyri 100.000 seld eintøk, ið var óvanliga nógv í Danmark.
25-02-2023
TEMAPLÁTAN: 'Discovery', E.L.O., 1979 + eykalag
Talan er um næstmest keypta upprunaalbumið hjá Electric Light Orchestra. Útgávan er synth- og discokendur popprokkur. Kend løg eru 'Don't Bring Me Down' og 'Confusion'.
18-02-2023
TEMAPLÁTAN: 'Out of This World', Europe, 1988
Talan er um næstbest umtókta albumið hjá svenska rokkbólkinum, Europe. Mest spældu løgini hava verið 'Superstitious', 'Let the Good Times Rock', og 'Open Your Heart'.
11-02-2023
TEMAPLÁTAN: 'Can't Slow Down', Lionel Richie, 1983 + tvey eykaløg
Hetta er stóra útgávan hjá amerikanska Lionel Richie, sum beint tá var komin úr bólkinum, Commodores. Talan er um soul-popp balladur og rýtmisk løg sum 'All Night Long'.
04-02-2023
TEMAPLÁTAN: 'Ancient Heart', Tanita Tikaram, 1988
Hetta er hennara fyrsta útgáva, sum framvegis er hennara best umtókta. 'Twist in My Sobriety' og 'Good Tradition' eru stóru hittini á plátuni. Stílurin er 'folk-pop'.
28-01-2023
TEMA 40: 'Pyromania', Def Leppard, 1983 + eykalag
Talan er um næstmest keypta albumið hjá Def Leppard, sum nú er 40 ár. MTV sjónvarpsrásin var longu byrjað at senda Def Leppard og vaks um hetta í samband við 'Pyromania'.
21-01-2023
TEMAPLÁTAN 14.1.23: 'Voulez-Vous', ABBA, 1979
Útgávan verður mangan nevnd diskoplátan hjá Abba. Kend hitt eru: 'Does Your Mother Know', 'I Have a Dream', 'Chiquitita', 'Voulez-Vous', og 'If It Wasn't For The Night'.
15-01-2023
TEMAPLÁTAN: 'Slip of the Tongue', Whitesnake, 1989
Tann seinasta í eini røð við Whitesnake-útgávum, sum stór undirtøka var fyri. Størstu samtíðarhittini vóru: 'Fool For Your Loving '89' og 'The Deeper the Love'.
07-01-2023
TEMAPLÁTAN: 'Eftir Klaksvíksvegnum', Steintór Rasmussen, 2021
Øll 12 løgini. Talan er um samrøðusending, her Steintór greiðir frá løgunum og hugleiðir um evni, ið geva honum íblástur. 'Góð góð góð' og 'Títt smíl' eru tvey nógv spæld løg.
31-12-2022