Plátubarrin

TEMAPLÁTAN: 40 ár við 'The Number of the Beast'.
19-03-2022
Bruce Dickinson var nýggjur sangari og talan er um tann størsta varðan hjá hesum enska rokkbólki, Iron Maiden, við løgunum 'Run to the Hills' og 'The Number of the Beast'´.

Henda útgávan frá 22. mars í 1982 og konsertferðin eftir útgávu, The Beast on the Road, gav bólkinum eyknevnið The Beast; eitt navn, sum teir hava nýtt og havt at taka til, einamest í samband við konsert- og savnsalbum sum Best of the Beast og Visons of the Beast.

Sid Smith hjá BBC skrivaði, at ein lættliga tá í 1982 kundi ímynda sær niðurgangstíðir fyri Iron Maiden, tí nú tann triði sangarin var farin sín veg og eisini trupult var at halda uppá aðra partar av manniningini, vóru vánirnar ikki av teimum allarbestu.

Men so kom hann har við síni sandpappírs-sáru rødd í einum bombastiskum fasongi, hann, Bruce Dickinson, og Iron Maiden hevði vunnið sín fyrsta albumeittara á heimamarknaðinum, umframt at hol var sett á eina eisini í USA glæsiliga karrieru.

Tíðarritið Rolling Stone hevur 'The Number of the Beast' á fjórðaplássi á yvirlitinum við tær yvirhøvur 100 bestu metallpláturnar. Plátubarrin 19. mars 2022.

Plátubarrin

Plátubarrin er ein undirhaldssending við tónleiki í vetrarskrá Kringvarpsins. Sendingin er eisini interaktivt útvarp, og senditíðin er leygarkvøld frá klokkan 20:00 til klokkan 2:00. Hvør sending byrjar við eini hugleiðing, ið byggir á eygleiðing av menniskjans atferð. Síðani verður Vertsins løta send til klokkan 20:45, tá tátturin Temaplátan fer frá, eins og annað tema er á skránni stutt fyri miðnátt. Nærum tveir triðingar av Plátubarrini eru við lurtaraynskjum, ið sendast kunnu til nummar 224000, ella sum telduboð til facebooksíðuna, Plátubarrin. Verturin, Jákup Magnussen, byrjaði at gera tónleikasendingar fyri Útvarp Føroya í 1982, og varð útbúgvin journalistur í 1993. Plátubarrin varð ljóðsett tann 16. februar í 2013.
Hetta er tað mest selda Tøsedrengene albumið, ið hevur løg sum 'Indianer', 'Så gik der tid med det', 'Bruge og bruges', og 'Slip det fri'. Reggaepoppur úr Danmark.
11-05-2024
Útgávan hevur 'What's Love Got To Do With It', ið var einasta lagið, sum Tina Turner hevði fremst á Billboard Hot 100, meðani sjálvt albumið rakk til nr. 3 á Billboard 200.
04-05-2024
Tað fyrsta og samstundis mest keypta albumið hjá hesum bólki. Eitt lag, 'Don't Dream It's Over; kann bólkast sum eitt av yvirhøvur stóru poppløgunum í 80'unum
27-04-2024
Talan er um stóra heimsgjøgnumbrotið hjá týska rokkbólkinum, Scorpions. 'Still Loving You', 'Rock You Like A Hurricane', og 'Big City Nights' eru hittini á plátuni.
20-04-2024
'High Hopes' og 'Take It Back' er tvey kend løg frá hesi art-rock útgávu, hvørs reyði tráður er samskifti og trúgvin á, at gott prát kann loysa nógvar millum-manna-fløkjur.
18-04-2024
Spæld verða ellivu av best umtóktu løgunum hjá rock and roll- og poppsangaranum, Shakin' Stevens, sum framvegis er virkin. Hann hevur havt 33 singleplátur á UK Top 40.
11-04-2024
Tað tók fleiri ár at gera tilfarið til Temaplátuna, men úrslitið var eisini væleydnað. Útgávan tók sølumetið fyri eina frumútgávu og framvegis spæla vit More Than a Feelin'.
23-03-2024
Onnur útgávan hjá Deiggj. Nógv spæld løg í útvarpi hava verið 'Hví grætur tú', 'Í viðarlundini', og 'Kom lat okkum dansa'. Stílurin er nakað mjúkari enn á fyrru útgávuni.
16-03-2024
'Á, tann deiliga Havn', 'Sjeikurin', 'Hygg at mær', 'Eitt dýpi av dýrari tíð'; landaplágurnar eru nógvar á Nalja útgávuni. Í summar '24 fara tey bæði aftur á pallin at syngja.
09-03-2024
Hetta 11. albumið er ein tann best umtókta útgávan hjá Queen við løgum sum Radio Ga Ga, I Want To Be Free, It's a Hard Life, Hammer To Fall, og Is This The World We Created.
02-03-2024
Her árið fyri seinastu innspælingarnar hjá Wings, gav bólkurin okkum vælumtóktar perlur sum 'With a Little Luck', 'Deliver Your Children', 'Name and Adress', og 'London Town'.
24-02-2024
'1984' er kendasta útgávan hjá Van Halen. Hon hevur eisini bólksins størsta hitt, 'Jump', umframt kend løg sum 'Panama' og 'Hot For Teacher'. Talan er um hard- og heavyrokk.
03-02-2024