- Tíðindi, mentan og ítróttur
Plátubarrin
Harumframt eru væleydnaðar innspælingar av tøkuløgunum 'I Heard It Through the Grapevine' og 'Before You Accuse Me'. Sangarin og gittaristurin, John Fogerty, skrivaði øll tey nýggju løgini á 'Cosmos Factory', ið antin snúgva seg um sosial viðurskifti ella syrgiliga krígsførslu.
Creedence Clearwater Revival hevur síðan 1968 selt 28-30 milliónir útgávueintøk. Temaplátan, 'Cosmos Factory', er bólksins best umtókta upprunapláta, men eins og hjá nøvnum sum Abba, Eagles og Queen hevur ein savnsútgáva sølumetið. 'Chronicle the 20 Greatest Hits' varð givin út í 1976, tá teir høvdu spælt í sløk fýra ár, og hon er framvegis á Billboard 200. Í desember 2020 fór útgávan um '500 vikur markið' og er seld fleiri enn tíggju milliónir ferðir.
Sjáldan verður tað umrøtt, at John Fogerty er ein frálíkur gittaristur. Tíðarritið Rolling Stone hevur hann sum nr. 40 av 100 teimum bestu rokk-gittaristunum, og sum nr. 72 á yvirlitinum við 100 teimum bestu sangaranum. Á yvirlitinum hjá Rolling Stone við 100 teimum bestu rokk-nøvnunum í tónleikasøguni, hevur tíðarritið bólkin Creedence Clearwater Revival á 82. plássi.
Plátubarrin 26.12.21