- Tíðindi, mentan og ítróttur
Plátubarrin
'Eftir Klaksvíksvegnum' er útgáva eftir Steintór Rasmussen, ið fevnir um fólkatónleik av ymsum slag; nøkur løg eru rættiliga popput, onnur hava jazzíblástur, meðan okkurt hevur countryávirkan. Steintór syngur sjálvur, men tað gera eisini Rakul Ró, Pætur við Keldu, Kim Hansen, Hallur Joensen, Astrid Højgaard, Páll Brim, og onnur. Tónleikararnir eru nógvir í tali; harav Kim Hasen og Mikkjal Hvannastein eru tveir teirra. Eitt av teimum tólv avrikinum brýtur nógv frá, tí talan er um fosturlandssang, sum kórið, Tarira, syngur.
Gamlaárskvøld var Steintór Rasmussen gestur í 'Gott nýggjár í Plátubarrini', har hann greiddi frá einum parti av hesi útgávu frá september 2021, sum Kim Hansen framleiddi, meðani vit her hoyra hann greiða frá allari 'Eftir Klaksvíksvegnum', ið fæst sum fløga og LP-pláta. Eisini hoyra vit hann hugleiða og greiða frá innlitum, sum hann hevur gjørt sær. Eisini verður nýggj bók, við sangum eftir Steintór Rasmussen sjálvan, umrødd.
'Gott nýggjár í Plátubarrini' 31. desembur 2022