fo-FO Kringvarp Føroya https://kvf.fo/ljod/sending/ljoarin false Ljóarin er seinnapartssending, sum varpar ljóð á mentan og samfelag. Ljóarin er ljósopið í takinum á roykstovuni. Ljóarin er eisini nýggj seinnapartssending í útvarpinum, sum varpar ljóð á mentanina og tað samfelagið, vit liva í.  Týsdag seta vit ávíst evni á skrá, har rák og hendingar í samfelagnum verða lýst.  Hósdagar varpa vit ljóð á mentanina burturav. Tá lýsa vit mentan og list í breiðum týdning, og vit viðgera eitt nú bókmentir, leiklist, myndlist og byggilist.  Redaktión: Lív Mikkelsen, Gunnar Nolsøe, Leif Láadal og Ingi Rasmussen.  Redaktørur: Ingi Rasmussen. Ljóarin er seinnapartssending, sum varpar ljóð á mentan og samfelag. Ljóarin er ljósopið í takinum á roykstovuni. Ljóarin er eisini nýggj seinnapartssending í útvarpinum, sum varpar ljóð á mentanina og tað samfelagið, vit liva í.  Týsdag seta vit ávíst evni á skrá, har rák og hendingar í samfelagnum verða lýst.  Hósdagar varpa vit ljóð á mentanina burturav. Tá lýsa vit mentan og list í breiðum týdning, og vit viðgera eitt nú bókmentir, leiklist, myndlist og byggilist.  Redaktión: Lív Mikkelsen, Gunnar Nolsøe, Leif Láadal og Ingi Rasmussen.  Redaktørur: Ingi Rasmussen. All rights reserved. Kringvarp Føroya kt@kringvarp.fo Ljóarin er seinnapartssending, sum varpar ljóð á mentan og samfelag. Ljóarin er ljósopið í takinum á roykstovuni. Ljóarin er eisini nýggj seinnapartssending í útvarpinum, sum varpar ljóð á mentanina og tað samfelagið, vit liva í.  Týsdag seta vit ávíst evni á skrá, har rák og hendingar í samfelagnum verða lýst.  Hósdagar varpa vit ljóð á mentanina burturav. Tá lýsa vit mentan og list í breiðum týdning, og vit viðgera eitt nú bókmentir, leiklist, myndlist og byggilist.  Redaktión: Lív Mikkelsen, Gunnar Nolsøe, Leif Láadal og Ingi Rasmussen.  Redaktørur: Ingi Rasmussen. 00:53:20 false Kringvarp Føroya Thu, 13 Jul 2023 18:54:00 GMT Árliga ólavsøkuframsýningin hevur fingið heitið Gerandisopinberingar. Hesaferð eru listafólkini boðin við, og tað er Kirstin Helgadóttir, sum hevur valt út. Vit hitta Kirstin fyrst í sendingina.. Um vikuskiftið verður Vestanstevnan hildin í Miðvági. Vit fara at fregnast um skránna, tá ið vit fáa orðið á Aleth Jacobsen miðskeiðis í sendingini. Tú kanst hoyra sendingina her! 991238c0-0944-4dfc-b642-76498d77be6b 810510 00:53:37 false Kringvarp Føroya Wed, 12 Jul 2023 18:17:00 GMT Kanst tú spæla sjónleik við demensi? Og hvør ert tú sum menniskja, tá tú hevur mist minnið? Tað eru spurningar, sum Pál Weihe, lækni og fyrrverandi nevndarlimur í Alzheimerfelagnum, og Anne Mette Greve Klemensen, prestur, skifta orð um, nú Lear Kongur við Biritu Mohr í høvuðsleiklutinum verður frumsýndur. Í hesum døgum letur Herborg Torkilsdóttir úr hondum nýggjan sang. Íblásturin kemur frá kærleikanum millum foreldur hennara. Herborg vitjar útvarpsstovuna. Hoyr alla sendingina her. 59162857-81f5-408b-b212-4bde9d6b8c12 810510 00:54:45 false Kringvarp Føroya Tue, 11 Jul 2023 18:40:00 GMT Dania O. Tausen hevur gjørt eina nýggja heildarútgávu og LP-plátu, har ið onnur síðan eitur JA og hin eitur NEI. Vit hitta fjøl-listakvinnuna til eitt prát um tónleik og list. Bólkurin Tweed & Hyenas, hvørs oddamaður er Klæmint Hofgaard, hevur tikið upp nýggja plátu í Wales. Vit tosa við Klæmint, samstundis sum høvi verður at hoyra annað staklagið av komandi útgávuni. Tú kanst hoyra sendingina her! 348daeee-653d-42fa-9281-1ccad33f7288 810510 00:52:47 false Kringvarp Føroya Thu, 6 Jul 2023 18:40:00 GMT "Broddur" er heitið á einari sera forvitnisligari og fjølbroyttari framsýning, sum í hesum døgum er í Müllers Pakkhúsi í Havn. Vit hava vitjað framsýningina, har ið vit eisini skiftu orð við Ragnhild Hjalmarsdóttir Højgaard og Súsan í Jákupsstovu, ið hava fyrireikað framsýningina. Í dag varð Nólsoyarstova í Havn pakkað út aftur. Vit fóru á gátt at tosa við hjúnini Onnu Mariu og Jógvan Hans Østerø, sum hava staðið fyri arbeiðinum at umvæla hesa gomlu býarmyndina. Tú kanst hoyra sendingina her! 7a32f205-7565-45b1-80e9-fa8970dcd40a 810510 00:54:11 false Kringvarp Føroya Wed, 5 Jul 2023 18:18:00 GMT Skrapt er enn ein festivalur, sum setir mentan og musikk í miðdepilin. Vit seta sjóneykuna á nýggja festivalin í høvuðsstaðnum saman við Sunnivu Háberg Eysturstein og Kim Simonsen, fyriskiparunum. Ársins framsýning hjá felagnum Føroysk Myndlistafólk, sum plagdi at eita várframsýningin, men sum nú kann síggjast á sumri, hongur uppi komandi vikurnar. Vit tosa við Bárð Dal Christiansen, formann í felagnum. Hoyrið sendingna her. 0bec1950-e5ad-47b0-b2a8-fcf0a4513dcb 810510 00:53:07 false Kringvarp Føroya Tue, 4 Jul 2023 18:35:00 GMT Tað er ein heilt serligur dámur yvir gomlum amerikonskum bilum: Støddin, sniðið, ljóðið og so hesin heilt serligi bleyti komforturin, ið týðiliga merkist, tá ið tú flýtur avstað á einum amerikonskum highway - og tú kundi hildið á. Og ein, ið er sera hugtikin av amerikonskum bilum, og sum eigur ikki so fáar, er Johnny Nón. Vit hava vitjað Johnny og amerikonsku bilarnar í garaguni, har ið vit eisini fingu orðið á Elnu, ið er betra helvtin hjá Johnny, Tú kanst hoyra sendingina her!         192defcf-4bf6-46ec-8bd6-1bc2703b19cd 810510 00:52:39 false Kringvarp Føroya Thu, 29 Jun 2023 18:10:00 GMT Nýggja bókin hjá Guðrið Poulsen ?ein bein linja ein bogin? er ein gonguferð í yrkingum og fotomyndum gjøgnum tað staðið, har býurin byrjar og endar. Guðrið Poulsen er í útvarpsstovuni og tosar um yrkingar og fotomyndir. Listamaðurin Hanni Bjartalíð fekk fyri fyrstu ferð listafólkaløn hesaferð frá Mentanargrunninum. Vit tosa við Hanna um hansara lív og ætlanir. Hoyrið sendingina her. febd2644-3077-4a74-9bcc-ad832968f5cb 810510 00:53:09 false Kringvarp Føroya Wed, 28 Jun 2023 18:00:00 GMT Í farnu viku fingu tey trý listafólkini, Marjun Syderbø Kjelnes, Hanni Julius Bjartalíð og Dánjal Dam á Neystabø listafólkaløn komandi trý árini. Og í dag hitta vit ein teirra - tónleikaran, Dánjal á Neystabø. Í dag lat føroyska listakvinnan, Elisabeth Pike, sum er búsitandi í Kanada, upp listaframsýning í Kambans Húsi í Klokkaragøtu í Havn. Vit hava verið á gátt. Tú kanst hoyra sendingina her! b0c48916-f672-4b56-aae1-f9cd746f75ed 810510 00:54:36 false Kringvarp Føroya Tue, 27 Jun 2023 18:32:00 GMT Kristina Thede Johansen hevur fingið Sonning-talentprísin, sum er 100.000 krónur. Vit skifta orð við saxofonspælaran. Hósdagin vóru vinnarauppskotini til nýggjan høvuðsbygning til Setrið avdúkað, og í dag verður nomið við øll uppskotini. Vit hoyra Ólav Ellefsen, ið er formaður í stýrinum fyri Fróðskaparsetur Føroya og í dómsnevndini, og Ósbjørn Jakobsen, arkitekt. Tú kanst hoyra sendingina her! cd8b7ca5-751f-4ad9-950c-2ba857688867 810510 00:53:13 false Kringvarp Føroya Thu, 22 Jun 2023 18:25:00 GMT Seinrapartin varð avdúkað, at tað var teknistovan Henning Larsen North Atlantic, ið hevur vunnið arkitektakappingina um kampus ella nýggjan felagsbygning til Fróðskaparsetur Føroya. Vit hava fregnast í Kongshøll og fáa eitt nú orðið á Ósbjørn Jakobsen, arkitekt. Eisini hoyra vit brot úr røðunum hjá Ólavi Ellefsen, ið er formaður í stýrinum fyri Setrið og í dómsnevndini fyri arkitektakappingina, og Martini Zachariassen, rektara. Í gjárkvøldið var Reinsaríið karmur um Ritlist II. Vit vóru á gátt og vit skiftu orð við bæði lærarar og næmingar, nevniliga Lív Róadóttir Jæger, Kim Simonsen, Súsonnu Tórgarð og Rannvá Glerfoss. Tú kanst hoyra sendingina her! e1915099-9bf0-4681-8aa2-0234964b4d86 810510 00:51:40 false Kringvarp Føroya Wed, 21 Jun 2023 18:19:00 GMT - Vit vilja geva burturtagdu søgunum um tær, ið doyðu í barsilssong, eitt jarðfest og sjónligt minni. Soleiðis siga tær, ið seta upp eitt listarligt minnismerki fyri allar kvinnur, ið doyðu í barsilssong. Vit tosa við ein stigtakara og listafólkið. Sápmi-søgur eitur ársins summarframsýning, sum er opin og hongur uppi til 11. august í Norðurlandahúsinum. Eins og undanfarin ár, vísir hon okkum, hvat hendir á listarliga økinum í Norðurlondum. Vit tosa við Gunn Hernes, stjóra, um sámar og list. Hoyrið sendingina her. 701c3ffe-7355-47f9-8f22-583d417c950f 810510 00:54:00 false Kringvarp Føroya Tue, 20 Jun 2023 18:30:00 GMT Kristian Blak er heiðraður við virðislønini hjá Nordisk Komponist Råd fyri sítt arbeiði við Summartónum. Sunleif Rasmussen frá Nordisk Komponist Råd sigur nøkur orð, og vit hitta høvuðspersónin Kristian Blak. Tá ið byggjast skuldi uppí Viðareiðis kirkju, varð avgjørt at fáa listarmannin, Edward Fuglø at listprýða nýggja bygningin, og hesa uppgávuna loysti listarmaðurin á ein sermerktan og øðrvísi hátt. Vit vitjaðu á Viðareiði leygardagin, har ið vit tosaðu við Elsebeth Viðoy, forkvinnu í kirkjuráðnum, Jóannes Purkhús, ið er prestur í norðoya eystara prestagjaldi, og Edward Fuglø, marglistarmann. Tú kanst hoyra sendingina her! 0a34f78f-73de-47c4-95df-23043acdb494 810510 00:52:56 false Kringvarp Føroya Thu, 15 Jun 2023 19:08:00 GMT Seinast í mai vórðu tvær heiðurslønir latnar stórstidnu KOKS-bókini "Føroyasmakkur". Bókin vann fyrstu virðisløn í flokkinum "Bestu matmyndir" og aðru virðisløn í flokkinum "Besta norðurlendska" í heiminum 2023. Kappingin stóð millum fleiri túsund bøkur. Vit tosa við Johannes Jensen, stjóra í Gist & Vist-samtakinum. Og so fara vit í 30 ára føðingardag í húsunum hjá Listasavni Føroya, har vit hoyra um fortíð, nútíð og framtíð. Karina Lykke Grand, stjóri, greiðir frá. Hoyrið sendingina her. aef489f9-8d3e-4a36-9a48-c71ce0e23a4d 810510 00:53:07 false Kringvarp Føroya Wed, 14 Jun 2023 18:11:00 GMT Summarið er fult av festivalum, og festivalarnir eru fullir av mentan. Vit fregnast um, hvat mentanarpallurin á G! hevur at bjóða í ár og tosa við Sissal Kampmann, Kim Simonsen og Fríði Djurhuus. Eisini tosa vit við Kim Hansen, sum er ein av teimum, ið skipar fyri Fjarðaroki um vikuskiftið í Skálafirði. Hann greiðir millum annað frá, hvussu hendan stevna er komin í lag. Og eitt sindur um Lollipops. Hoyrið sendingina her. 1d4a9f78-1d72-4b69-bd25-fa5696c47f8e 810510 00:53:11 false Kringvarp Føroya Tue, 13 Jun 2023 18:32:00 GMT Summarið er í hæddini, og tað merkir eisini, at Summartónar ljóma um alt landið. Vit fáa vitjan av legendariska undangongumanninum Kristian Blak, sum hevur fyriskipað størsta føroyska tónleikatiltakið, Summartónar, í meira enn 30 ár. Í hesum døgum hevur listamaðurin, Øssur Mohr, listaframsýning í Ribarhúsi. Vit hava vitjað í Fuglafirði, har ið vit skifta orð við listamannin um eitt nú nýggju framsýningina, samstundis sum vit eisini fáa orð á Oddvør á Lakjuni, ið er ein av eldsálunum í Ribarhúsi. Tú kanst hoyra sendingina her! 74617b12-4451-4b03-93cd-a0c11b65d517 810510 00:54:12 false Kringvarp Føroya Thu, 8 Jun 2023 18:15:00 GMT Um vikuskiftið rann Hallur Holm 223,5 kilometrar upp á 24 tímar, sum er met. Vit práta við Hall um at fara um síni egnu mørk, um víðgongda renning, og hvat tað er, sum drívur verkið. Vit hitta eisini Jóannu Djurhuus og Oyvind av Skarði. Tey greiða frá, hvussu vit kunnu økja um framleiðsluna av landbúnaðarmatvørum her heima. Skipað verður fyri verkstovu um evnið í vikuskiftinum. At enda í sendingini hoyra vit tað nýggjasta frá Country- og bluesfestivalinum í Sørvági, sum longu er byjaður. Hoyrið sendingina her 5377b12b-f68f-42e8-8774-81b3fc7b19ed 810510 00:53:57 false Kringvarp Føroya Wed, 7 Jun 2023 18:18:00 GMT Leikbólkurin "Det Ferösche Compagnie" pallsetir í løtuni leikin "Lear Kongur" hjá William Shakespeare í Sjónleikarahúsinum. Leikurin er serligur, tí høvuðsleikarin, Birita Mohr, hevur demens. Vit fara á gátt í Hoydølum, har tey í løtuni snikka tónleikin til. Mánadagin 5. juni andaðist bossa nova- og jazzsangarinnan, Astrud Gilberto, 83 ára gomul. Og miðskeiðis í sendingini fara vit at minnast Gilberto, sum eisini varð kend sum ?The girl from Ipanema?, samstundis sum hon ofta varð umrødd sum ?The Queen of Bossa Nova?. 669387d8-4b21-4330-85fe-ee42060da2cd 810510 00:25:28 false Kringvarp Føroya Tue, 6 Jun 2023 18:15:00 GMT Tað er Randi Kúrberg, dóttir Jørleif Kúrberg, sála, sum hevur samskipað útgávuna "Reyn, kæra Reyn. Jørleif var  millum annað kendur fyri at duga væl at siga søgur og vera undirhaldandi. Eisini metti hann søgu og upphav høgt og troyttaðist ongantíð at siga sínar havnarsøgur fyri ungum sum eldri og útlendingum sum føroyingum. Við útgangsstøði í einari ferð saman við Jørleifi og øðrum atkomuligum keldum, eins og nýggjum og gomlum myndum og kortum, verður í bókini farið runt tey støð, sum Jørleif elskaði so høgt. Randi Kúrberg greiðir í samrøðuni frá bókaútgávuni. Millum annað hvussu hon kom í lag, og hvussu hon er skipað. Hoyrið samrøðuna í Ljóaranum her.   ab8ba2c9-71a4-4bc4-8ed5-97e85f39bc68 810510 00:53:36 false Kringvarp Føroya Tue, 6 Jun 2023 18:12:00 GMT Ein gongutúrur við Jørleifi Kúrberg út á Reyn. Hvussu kann ein slíkur gevast út í bók? Vit tosa við Randi Kúrberg, dóttir Jørleif sála, um bókina, og hvussu hon kom í lag. Sorg og heimlongsul seta sín dám á yrkingasavnið "Protesur" eftir Jóan Paula Dahl Jakobsen. Vit tosa við Jóan Paula um savnið. Hoyrið sendingin her 79f0e64d-0e42-4e21-a815-5835d762176b 810510 00:50:59 false Kringvarp Føroya Wed, 31 May 2023 18:45:00 GMT "Í skugganum" er heitið á serframsýning, sum letur upp á Tjóðsavni Føroya fríggjadagin, og har evnið er fyrstu kvinnuligu fotografarnir í Danmark, Íslandi og Føroyum. Føroysku fotografarnir, sum eru við á framsýningini, eru Else Marie Danielsen úr Kunoy, ið livdi frá 1856 til 1920, og Else Birgitte Debess Petersen úr Havn, ið livdi frá 1854 til 1927, og sum eisini varð nevnd Elsa í Mortansstovu. Og í dag skifta vit orð við Margrethu Nónklett, savnsvørð á tjóðsavninum, um forkunnugu framsýningina og kanska við áherslu á føroyska partin. Kim Simonsen hevur givið út yrkingasavn við heitinum: "Lívfrøðiliga samansetingin í einum dropa av havvatni minnir um blóðið í mínum æðrum". Vit hitta Kim miðskeiðis í sendingini. Tú kanst hoyra sendingina her! c4ae5c43-2ec7-4f30-a751-15ae7b944dbc 810510 00:52:37 false Kringvarp Føroya Tue, 30 May 2023 18:25:00 GMT Ben Arabo er kendur sum vinnulívsmaður, serliga í oljuvinnuni, men nú hevur hann givið sítt fyrsta stuttsøgusavn út, sum millum annað viðger materialismu, innantóma lívið, óndskap og annað. Vit skifta orð við Ben Arabo í byrjanini av sendingini. Fríggjadagin verður Mentanarnáttin aftur á skránni í Havn. Og saman við Kristinu Sundstein Borgarlíð frá Visit Tórshavn fara vit at kaga í skránna. Tú kanst hoyra sendingina her! 3e78a64e-3a59-4505-9819-f6394b8bea82 810510 00:52:24 false Kringvarp Føroya Fri, 26 May 2023 11:06:00 GMT Mentanarnáttin á Tvøroyri hevur eina fjølbroytta og spennandi skrá í ár. Ljóarin sendi beinleiðis av Tvøroyri og hitaði upp til mentanarnáttina. Hoyr alla sendingina her. 6a21947b-ab60-4d54-a0cd-4cc57ca8bfa4 810510 00:53:11 false Kringvarp Føroya Wed, 24 May 2023 17:55:00 GMT Men eisini varð farið i ein gongutúr at vitja forn støð, harav eitt var hovið hjá Hovgrími, høvdinga, sum í víkingatíð hevði tað hálva av landinum í len. Eitt hov var ein heiðin staður til gudsdýrkan í fornøld, heiðin halgidómur. Finnbjørn Hovsgarð, formaður í felagnum Víkingaskip, leiddi okkum gjøgnum fornu søguna í Hovs bygd, eins og hann greiddi frá í Savninum á Mýri. Albert Isfeldt, arkitektur, og Gudmundur Sjúrðason Norðbú, bátasmiður, søgdu frá verkætlanini at smíða víkingaskip, byggja langhús og jarnsmiðju, harav smiðjan stendur so at siga liðug. Eisini annað tilfar úr Hovi er í sendingini, eitt nú varð tosað við tvey ung fólk úr Sveis og Fraklandi, ið eru tað ein kallar 'navarar'. Tey ferðast um lond at arbeiða og kunnu ikki fara heim aftur fyrr enn trý ár eru liðin, tó fraklendingurin hevur búsett seg í Føroyum. Mynd: Hovið (halgidómurin) í Hovi Tónleikur: Ljóðbrotini eru eftir Pink Floyd, Hamradun, Black, og Ruby Murray. Ljóarin 24. mai 2023   8ee41e46-366b-4e92-b351-7e7f37572f3a 810510 00:52:40 false Kringvarp Føroya Tue, 23 May 2023 18:14:00 GMT Katrin Joensen-Næs fekk ársins Ebbu-virðisløn, sum verður latin ungum rithøvundi við serligum gávum. Vit hitta unga filmsleikstjóran, sum gjørdist bilsin um heiðurin. Vit fóru á gátt fríggjadagin, tá ið ein stór og fjølbroytt listaframsýning lat upp í Hæddini í Saltangará. Og talan er um eina serstaka hátíðarframsýningin við verkum eftir fjølbroytta listamannin, Tummasi Jákup Thomsen, sum rundaði tey seksti í fjør. Hoyr alla sendingina her. b296a02a-c434-40e4-baa6-0efb8a8dca45 810510 00:51:58 false Kringvarp Føroya Wed, 17 May 2023 18:30:00 GMT Mánadagin 13. mars 2023 andaðist ein hin mest eftirspurdi studiotónleikarin í 1970-árunum, nevniliga trummusláarin Jim Gordon, ið varð føddur 14. juli 1945, og sostatt gjørdist hann 77 ár. Sum nevnt var Jim Gordon ein hin mest eftirspurdi tónleikarin seinast í 1960 og í 1970-árunum, og í sínari yrkisleið spældi hann við bólkum og solistum sum Phil Spector; The Beach Boys; The Byrds; Carpenters; Alice Cooper; Crosby, Stills, Nash & Young; Eric Clapton; Gordon Lightfoot; Dr. John; John Lennon; John Denver; Neil Diamond; George Harrison; Glen Campbell; Linda Ronstadt; Joan Baez; Frank Zappa; og Steely Dan fyri bara at tríva í rúgvuna. Men lívssøgan hjá Jim Gordon er ikki bara glæsiliga søgan um ein dugnaligan og nógv virdan tónleikara, tí hon er eisini søgan um eina lagnu, ið fór av kós og kollsigldi á lívsins leið. Jim Gordon hevði tað ikki gott sálarliga, og seinast í 1970-árunum fór hann at hoyra fyri sær røddir, sum áløgdu honum at svølta seg og forða honum í at sova, slappa av ella spæla trummur. Og tað gjørdist ikki betri av at sálarfrøðingarnir mistóku seg og søgdu trupuleikarnar stava frá rúsdrekkamisnýtslu. Og 3. juni 1983 hendi tað vanlukkuliga. Jim Gordon legði á 71 ára gomlu mammu sína, Osa Marie Beck Gordon við einum hamara, fyri síðani at gera av við hana við einum knívi. Og tað var ikki fyrrenn enn eftir at Gordon varð handtikin og skuldsettir fyri morðið, at hann varð útgreinaður við diagnosuni - paranoid skizofreni. Í hesari sendingini lýsa vit Jim Gordon og tónleikin. Tú kanst hoyra sendingina her! 0846b7bd-1b00-40df-9c7a-f256f3cebce0 810510 00:52:03 false Kringvarp Føroya Tue, 16 May 2023 18:20:00 GMT Um dagarnar kom sætta bindið út um Havnarsøgu, og tað bindir eina sløjfu um eitt drúgvt arbeiði, sum hevur tikið 20 ár, og stóra verkið telur ikki færri enn 1800 síður. Vit hitta søgufrøðingarnar Kára Jespersen og Jens Paula Nolsøe. "The Stamps of Maybe" er heitið á nýggjari kryptofrímerkjaútgávu, sum Frímerkjadeildin stendur fyri, og sum er hin fyrsta í heiminum. Vit fara at fregnast um forvitnisligu útgávuna, tá ið Lea Leitisstein Sørensen frá Frímerkjadeildini kemur á gátt. Tú kanst hoyra sendingina her! 7e5b2352-2959-4c9c-b3eb-b257c8760e4a 810510 00:53:24 false Kringvarp Føroya Tue, 16 May 2023 11:02:00 GMT Tú kanst hoyra sendingina her! 275a8f2c-9868-4789-9141-1a1932ac49e0 810510 00:43:50 false Kringvarp Føroya Thu, 11 May 2023 15:50:00 GMT Stamina er heitið á nýggjum føroyskum verki fyri strokkvartett og feydarar, ið Jákup Veyhe hevur skrivað, og sum verður framført leygardagin í Auluni í Finsen. Og saman við Jákupi Veyhe fregnast vit um verkið í byrjanini av sendingini. Katrin Joensen-Næs hevur fleiri ferðir staðið á odda fyri Ólavsøkukabarettini, í 2021 fekk hon handað Ársins Sálarheilsuvirðisløn fyri novellufilmin "Ábyrgd", og í ár varð stuttfilmur hennara, "Sæla", frumsýndur fyri bara at tríva í rúgvuna. Og nú er hon - sjálv sætta, sloppin ígjøgnum nálareygað inn á eina útbúgving á leikstjóralinjuni hjá danska filmsskúlanum. Vit fara at forvitnast seinri í sendingini. Í døgunum 7. til 14. mai hevur klassiski tónleikafestivalurin, Endurljóð, verið hildin í Føroyum. Hvussu hevur hildnast og hvat er eftir eru millum spurningarnar, ið vit seta Jóhannesi Andreasen, fyrireikara, at enda í sendingini. Tú kanst hoyra sendingina her! 3211051d-6be8-4091-b9fb-d315fa814659 810510 00:51:56 false Kringvarp Føroya Wed, 10 May 2023 00:56:00 GMT Í Kollafirði tosa vit við bátasmiðin, Terja R. Jakobsen, sum í summar fer at smíða ein bát í túninum hjá Suðuroyar-Dánjali í Sandavági. Og í Sandavági greiða tveir fyrireikarar frá Sandavágs Fornminnafelag frá hugskotinum, ið byggir á søgulig viðurskifti og dagsins støðu hjá træbátaslagnum. Teir eru Jan Erik Simonsen og Heini F. Petersen. Eisini skifta vit orð við ein av stigtakarunum til Mentanarhúsið og Sjósavnið í Vágum, ið fer at verða bygt við bátahylin í Sørvági. Kári Thorsteinsson er frásøgumaður. Ljóarin 9. mai 2023   545e43e1-b05f-4609-9f30-c934f8f7b624 810510 00:48:36 false Kringvarp Føroya Fri, 5 May 2023 22:58:00 GMT Vit hava verið og sæð sjónleikin, 'Eingin er sum Robin Hood', og hoyra frásøgn frá leikinum, kryddað við ljóðbrotum og sangi. Haraftrat verður tosað við tveir ummælarar; Annfinn Heinesen og Noomi Reinert, og umboð fyri Havnar Sjónleikarfelag; Hannu Flóvinsdóttir og Hjálmar Dam. Talan er um ein familjuleik, sum bæði er hugvekjandi og stuttligur. Flestu sjónleikararnir eru ung fólk, sum prógva, at vilja vit tað, er eisini framtíð í føroyskum pallleiki. Søgugongdin fer fram í Sherwoodskóginum við Nothingham í Onglandi og í York. Robin Hood er høvdingin í skóginum, meðani Prins John er tað í býnum. Á tvørs av teimum báðum kemur ein kvinna, sum er serstøk. Men hvør teirra man vinna hennara tokka? Samanborið við skaldsøguna hjá Howard Pyle gevur handritið til leikin eina meira fjøltáttaða mynd av menniskjanum, Robin Hood, sum tó byggir á vanligu søguna um henda frileysa mann, sum livdi í miðøld. Leikevnini eru fleiri: Frælsi, kærleiki, tráðan, valdsgirnd, o.o.   Viðmerkjarar í sendingini: Annfinnur Heinesen, sjónleikari, leikstjóri, og áskoðari Hanna Flóvinsdóttir, sjónleikari, forkvinna í Havnar Sjónleikarfelag Hjálmar Dam, sjónleikari, næstformaður í Havnar Sjónleikarfelag Noomi Reinert, sjónleikari, forkvinna fyri Meginfelag Áhugaleikara Føroya, og áskoðari Ljóarin 4. mai 2023   e30851fe-2c71-4f1d-985a-c1000eb6ce6a 810510 00:50:16 false Kringvarp Føroya Wed, 3 May 2023 20:15:00 GMT Albumið var á US nr. 1 í eina viku, men varð verandi á Top 100 á Billboard 200 í 736 vikur, frá 17. mars í 1973 til 16. juli í 1988. Settu sær fyri at gera eitt album við greidligari tekstum, frammanundan høvdu teir verið heldur ótýdligir, segði Roger Waters við Rolling Stone tíðarritið. Albumið er um tað heldur harða lívið, sum teir livdu, og um sinnisstøðuna hjá Syd Barrett, ið var farin (ella rendur) úr bólkinum í 1968. Konflikt, grammleiki, tíðin, deyði og sinnissjúka eru íblástur, saman við politiskari vreiði og humaniterari sorg. Ikki óvæntað - ella bilsnandi á nakran hátt - var tað bassisturin, Roger Waters, ið kom við hugskotinum um at hava eitt tema fyri alla plátuna, ið lýsti menniskjans lyndi og -náttúru. Hann gjørdi eisini tær flestu demoirnar heima. Tað eru fyribilsupptøkurnar. Finn Jensen er gestur í sendingini. Hann vísir millum annað á tað slóðbrótandi arbeiði, sum Pink Floyd legði í hesa plátu, har nýggj tøkni var partur av nýskapanini. Finn greiðir eisini frá byrjanini til harmoniirnar, sum vit hoyra í Dark Side of the Moon. Hetta samspælið millum Davdi Gilmour og Richard Wright kann lættliga sporast aftur til 'Echoes' á Meddle albuminum í 1971, so talan er um eina drúgva tilgongd. David Gilmour: sangur, guitararar, Synthi AKS Nick Mason: trummur, perkussión, tape effects Roger Waters: bassguitar, sangur, VCS 3, tape effects Richard Wright: orgul (Hammond og Farfisa), klaver, elektriskt klaver (Wurlitzer, Rhodes), EMS VCS 3, Synthi AKS, sangur. a685a9f8-9247-457a-afe1-10ed41eb64e7 810510 00:52:54 false Kringvarp Føroya Tue, 2 May 2023 18:00:00 GMT Dansistovan í Funningi varð tikin í nýtslu miðskeiðis í farnu øld, og har varð bæði kvøðið og spældir sjónleikir. Men seinru árini hevur Dansistovan verið í sera ringum standi, til Runavíkar kommuna tók stig til at endurreisa Dansistovuna, samstundis sum ein tilbygningur við inngongd og wc er gjørdur niðaneftir. Og sum ein partur av Mentanarvikuni í Runavíkar kommunu, varð leygardagin skipað fyri einum hátíðardegi í Funningi, har ið konsert var í Funnings kirkju, kaffi og køkur vóru í skúlanum, og sofaprát, konsertir, sjónleikur og føroyskur dansur var í Dansistovuni. Í hesari sendingini tosa vit við Marjun Niclasen, Sámal Petur Petersen, Eyða Højsted Horsdal, Árna Winther, Jóhann Mortensen, Jógvan Højsted, Duritu Dahl Andreassen, Tórbjørn Jakobsen og John Reynbú. Tú kanst hoyra sendingina her! be118cae-e834-47a9-83aa-aae4ab114cb1 810510 00:51:39 false Kringvarp Føroya Thu, 27 Apr 2023 19:35:00 GMT Vit hitta Anniku Due Jacobsen, ið er dagligur leiðari á Hotel Runavík. Vit tosa eisini við Dánjal Højgaard, ið - saman við Hans Petur Hansen, hevur gjørt nýggja heimildarfilmin, Mýrarnar tala, ið er um tá ið torvið fór í søguna.  Smíðja ein sang er heitið á tiltaki í Gulu Smiðju, har ið Hans Poulsen, framleiðari og tónleikari, leggur teimum ungu lag á. Vit vitja í Gulu Smiðju, har ið vit skifta orð við Hans og nøkur ungfólk. Móttøkan var framúrskarandi, tá ið Jákup Lamhauge í gjárkvøldið legði fram nýggju bókina, Minni frá míni lívsleið. Vit skifta orð við høvundin um nýggju bókina. Eisini fáa vit vitjan av Marjun Niclasen, leiðara í Visit Runavík, sum eitt nú nemur við fleiri av tiltøkunum í Elduvík. Tú kanst hoyra sendingina her!   4361997a-44b7-4920-9fc7-46166e024aca 810510 00:52:59 false Kringvarp Føroya Wed, 26 Apr 2023 13:44:00 GMT Urd Johannesen, mentanarleiðari í Runavíkar kommunu, trívur í skránna og sigur eitt sindur um mentanarvikuna higartil. Eisini vitjaðui vit Víkhúsini í Oyndarfirði, sum vóru bygd í 1856. Og har vóru tað Vígdis Klein, Oddbjørg Joensen og Niclas Joensen, ið søgdu frá. Tú kanst hoyra sendingina her!   Luttakarar: Urd Johannesen Vígdis Klein Oddbjørg Joensen Niclas Joensen a558ba5c-3326-4d00-9a6b-a6e95fcce686 810510 00:52:53 false Kringvarp Føroya Thu, 20 Apr 2023 19:20:00 GMT Mentanarvikan í Runavíkar kommunu byrjar sunnudagin, og vit fara at fregnast um skránna, tá ið Urd Johannesen, mentanarleiðari í Runavíkar kommunu, og Marjun Niclasen, leiðari í Visit Runavík, koma á gátt. Nýggi norðurlendski bólkurin Klingra, ið telur tríggjar føroyingar, gevur nú út sína fyrstu útgávu - "...eftir", sum tekur støði í virkseminum í Føroyingahavnini. Vit tosa við Dánjal á Neystabø um verkætlanina. Vit skifta eisini orð við Jógvan Kristiansson Glerfoss, sum á Ítróttarfagnaðinum fyrr í ár varð kosin Ársins Ítróttarfyrimynd 2022. Men Jógvan er eisini áhugaður í list og mentan, og fríggjadagin hevur hann fernisering í Smiðjuni í Lítluvík. Tú kanst hoyra sendingina her! 4202c09b-7c52-4a19-a01d-77f325776c45 810510 00:58:08 false Kringvarp Føroya Tue, 18 Apr 2023 18:00:00 GMT Í 1912 - sama árið, sum Titanic fer í sigling, verður elsti parturin av turkihúsinum úti á Gjógv í Sandavági tikin í nýtslu. Og nú, eini 110 ár seinri, eru verkætlanin við teimum trimum vinnubygningunum og fiskastykkinum hjá Jegvani Elias Thomsen komin á mál. Og talan er um bæði varðveitslu og nýhugsan í einari verkætlan, har ið fortíð, nútíð og framtíð finna saman. Í sendingina tosa vit við Mayfinn Norðoy frá Kontrast Arkitektum, Atla Gregersen, stigtakara, Lydiu Berg, ið sum ung arbeiddi fisk úti á Gjógv, Jónleyg Joensen, ið er dagligur leiðari, Anne Havbo, tænara, Sonna Zachariassen, kokk, og Albert Isfeld, arkitekt. Tú kanst hoyra sendingina her! 6b40e446-95c2-470d-b2f2-149fb314eb02 810510 00:51:49 false Kringvarp Føroya Thu, 13 Apr 2023 18:00:00 GMT C'm on wealth er heitið á fýra nýggjum steinprentum, har listamaðurin Edward Fuglø viðgerð ríkisfelagsskapin. Vit tosa við Edward um prentuni. Níggju dagar við list og mentan til børn og ung í Norðurlandahúsinum. Leygardagin byrjar stevnan "Frítt flog". Vit tosa við samskiparan, Mie Meyle. Mánadagin fylti Mikael Wiehe 77 ár. Vit hoyra hann greiða frá lagnum Titanic, og skiftinum frá at yrkja meira almennar tektir til djúpt persónligar yrkingar. Hoyrið sendingina her. 3d41449b-ac5a-404a-9186-4405da5d97dd 810510 00:51:32 false Kringvarp Føroya Wed, 5 Apr 2023 18:29:00 GMT Í dag fyllir Jóanes Nielsen rithøvundur 70 ár. Og í Ljóaranum í dag hava vit eina longri samrøðu við rithøvundin. Jóanes Nielsen man vera ein tann mest lisni og best umtókti føroyski rithøvundurin, sum er á lívi. Umframt yrkingasøvn, sjónleikir og greinasøvn o.a. hevur hann skrivað sjey skaldsøgur, og hann er virknari enn nakrantíð, nú hann fer um tey sjeyti. Hóast hann er kendur sum tann rebelski, uppreistrarsinnaði og bersøgni rithøvundurin, sum talar at, er hann eisini lívsjáttandi, eymur og inniligur. Jóanes Nielsen er tíðum róptur arbeiðaraskaldið, og hann hevur víst á slíkt sum stættarmun, kúgan og órættvísi, men við tíðini er hann vorðin alsamt meira eksistentiellur í sínari skriving. Hann hevur stóran part av lívinum verið arbeiðsmaður og fiskimaður, og tað er ikki fyrr enn lutfalsliga seint í lívinum, at hann fór at skriva burturav. Vit vóru og vitjaðu Jóanes Nielsen á loftskamari hansara, har hann hevur skrivað tað mesta. Vælkomin til Ljóaran, sum í dag halgar allan tíman til Jóanes Nielsen. bf372a11-f879-4d36-a2b6-87dab32ddd95 810510 00:50:49 false Kringvarp Føroya Thu, 30 Mar 2023 18:15:00 GMT Nýggja føroyska teknirøðin "Tann óveruliga verðin hjá Aldu" er við at fáa fótin fyri seg uttanlands, har ein undanfilmur hevur verið vístur og virðisløntur. Jonas í Dali Wagner er høvuðsframleiðari, men hvør er Jonas í Dali Wagner, sum hevur virkað í filmsídnaðinum í meira enn 30 ár. Vit tosa við Jonas um "Aldu", "Skúlaskamm", filmssensur og annað. Í novembur til januar var framsýningina "Kjøt" í Toronto. Nú er framsýningin komin til Føroya. Talan er um stórar vatnlitsmálningar, har Heiðrikur á Heygum hugleiður um kjøt, og hvussu vit royna at skilja kjøtið frá djórinum. Hoyr allan Ljóaran tann 30. mars her. 6223e7d7-62dd-48b9-b793-68cf6afdebc3 810510 00:52:58 false Kringvarp Føroya Tue, 28 Mar 2023 18:17:00 GMT Um dagarnar kom onnur skaldsøgan eftir Katrina Ottarsdóttir út, Summarið varar ikki alt árið longur. Ein hjartanemandi bók, um at gerast vaksin í einum truplum heimi. Katrin Ottarsdóttir vitjaði í útvarpsstovuni. Stanley Samuelsen hevur konsert í Auluni í Finsen í kvøld. Vit vóru á gátt, tá hann hevði ljóðroynd seinnapartin. Hoyrið sendingina her. d92458b5-3476-4cc8-a226-87dee8fa8e7a 810510 00:55:00 false Kringvarp Føroya Thu, 23 Mar 2023 18:36:00 GMT Hon hevur latið úr hondum eina ørgrinnu av sangum seinastu árini, hon vann kappingina "Klar, parat, sy" hjá TV2, og hon er útbúgvin fangavørður, og í dag fáa vit vitjan av Herborg Torkilsdóttir. Sigurd Barret hevur høvuðsleiklutin, tá ið Føroya Symfoniorkestur fer á pallin við barnakonsertum miðskeiðis í apríl. Søguna og tónleikin hevur Sigurd Barret skrivað í Føroyum. Vit tosa við Sigurd um komandi framførslurnar. Tú kanst hoyra sendingina her! faacb923-4d67-4886-914d-1d75c69ea29b 810510 00:51:50 false Kringvarp Føroya Wed, 22 Mar 2023 18:00:00 GMT Sangleikabreytin í E-námi í Fuglafjarðar skúla er aftur á palli við einum sangleiki og hesuferð er talan um Shrek. Vit vitjaðu í Mentanarhúsinum stutt fyri frumsýningina leygarkvøldið 18. mars, har ið vit hittu Bárð á Lakjuni, ið er annar av eldhugaðu lærarunum. Eisini fara vit at minnast føroyska listarmannin, Helga Joensen, sum andaðist fríggjadagin 17. mars, 90 ára gamal. Og vit fregnast um glæsiliga málningin Speaking in Tongues eftir Hansinu Iversen, ið nú er vorðin ein partur av fasta savninum á Listasavni Føroya. Tú kanst hoyra sendingina her! 0e758333-78c7-421d-a524-f6aa1a7c8cda 810510 00:52:26 false Kringvarp Føroya Tue, 21 Mar 2023 18:00:00 GMT Í ár eru 100 ár liðin, síðani gomlu læknahúsini í Klaksvík, sum nú verða umvæld og dagførd til onnur endamál, vórðu bygd. Og í dag fregnast vit um eitt nú søguna hjá læknahúsunum, um hvat tey skulu nýtast til, og hvørjar avbjóðingar eru, tá ið tú fert í holtur við eini gomul hús. Vit skifta orð við Andrass Sólstein, leiðara á Norðoya Fornminnissavni, Alexandru á Dul, sjúkrahússtjóra, og FuglArk arkitektarnar Svend Sivertsen og Høgna Kastalag. Í annaðkvøld hevur heimskendi sellospælarin, Boris Andrianov, konsert í Finsen í Havn saman við Jóhannesi Andreasen á flygil. Vit tosa við teir báðar um eitt nú tað serliga, at konsertin kom í lag, tí at kona Boris keypti honum ein ferðaseðil til Føroya fyri fýra árum síðani, so at hann kundi fara at fjakka í fjøllunum. Nú altjóða down syndrom dagur er í dag, samstundis sum tað eisini er altjóða dagur fyri yrkingum, fara vit at hoyra Elin Løkin, sum júst á hesum degi fyri tveimum árum síðani lat úr hondum yrkingasavnið Vakrasta stað, lesa eina av sínum yrkingum. Tú kanst hoyra sendingina her! fd9a9bf1-ce59-40a4-9942-9f0bc5fef1c7 810510 00:54:22 false Kringvarp Føroya Thu, 16 Mar 2023 18:08:00 GMT Sendingin hesaferð snýr seg um Føroya symfoniorkestur, sum hevði sína fyrstu konsert 19. juni 1983 - altso fyri nærum 40 árum síðani. Sum partur av føðingardagsárinum, hevur orkestrið jubilæumskonsert leygardagin, har millum annað fyrsta symfoniin hjá Tróndi Bogasyni, sum í veruleikanum eru tvær symfoniir, verður framførd. Tróndur vitjar í útvarpsstovuni. Vit tosa eisini við trý av teimum, sum vóru við frá byrjan; Monicu Stauss Joensen, Boga Lützen og Poul Jákup Thomsen. Og so fáa vit orðið á núverandi stjóran fyri orkestrið, Hans Petur í Brekkunum. Hoyrið sendingina her. 294a0691-0e36-4067-8bda-bde9cc30b083 810510 00:53:57 false Kringvarp Føroya Wed, 15 Mar 2023 18:20:00 GMT Oscar-virðislønirnar fyri filmar vóru handaðar í Dolby Theater í Hollywood mánanáttina. Vit tosa um Oscar sum heild, og eitt sindur um nakrar av ársins vinnarum við Hermann Eliassen, miðlafrøðing. Eisini tekna vit eina vangamynd av enska arkitektinum, Sir David Chipperfield, sum í farnu viku fekk nógv virdu Pritzker-virðislønina fyri í ár. Tú kanst hoyra sendingina her! 3521dd74-42a1-45f4-8ebb-6d9e93210c57 810510 00:51:22 false Kringvarp Føroya Tue, 14 Mar 2023 18:17:00 GMT Fríggjadagin varð Føroysk bókmentasøga 2 løgd fram. Vit hitta høvundarnar Maluna Marnersdóttir og Turið Sigurðardóttir. Longu á barnaárum gjørdist Heiðrikur á Heygum hugtikin av íslendsku sangarinnuni Bjørk, og nú hevur hann latið hana í ein jazzutan ham. Hoyr alla sendingina her. c37a6d12-a556-4c27-8095-96400bffb2d7 810510 00:54:58 false Kringvarp Føroya Thu, 9 Mar 2023 18:29:00 GMT Sólrún Michelsen, ið er ein av Føroya virknastu og mest virdu rithøvundum, fyllir 75 ár. Vit hava eitt longri prát við Sólrún um hennara lív og yrkisleið. Eisini tosa vit við ein eldhugaðan Sólrún Michelsen lesara, um hví henni dámar so væl bøkurnar hjá Sólrún. Og so lýsa vit skaldskapin hjá Sólrún úr einum bókmentafrøðiligum sjónarhornið saman Malan Marnersdóttir professara í bókmentum. dd9c6c77-f8de-4948-88aa-1113be2037c6 810510 00:54:30 false Kringvarp Føroya Wed, 8 Mar 2023 18:18:00 GMT Í dag er altjóða kvinnudagur, og tað varpa vit ljós á í Ljóaranum. Hundratals milliónir av kvinnum liva í dag í londum, har ið kvinnurættindi ikki verða vird og har ið kvinnukúgan er gerandiskostur. Saman við Turid Mariu Mortensen, aðalskrivara í Amnesty Føroyar, skifta vit orð um hesi viðurskifti. Hvat fyri bøkur lesa kvinnur og hvørjir kvinnuligir høvundar eru á hillini beint nú? Hesar og aðrar spurningar venda vit saman við Oyvør Dam Jacobsen, bókavørði og leiðara á Bókasavninum við Løkin.   058709d8-532d-4295-8b4d-952eee5d40e0 810510 01:48:17 false Kringvarp Føroya Tue, 7 Mar 2023 19:01:00 GMT Alla hesa vikuna spæla vit føroyskan tónleik, og leygarkvøldið verður FMA - Faroe Music Award, har ið føroyskur tónleikur verður heiðraður. Tí seta vit í Ljóaranum í dag tveir tímar av til at viðgera føroyskan tónleik. Sendingin byrjar við orðaskifti millum Dánjal á Neystabø, Niclas Johannesen, Barbaru Samuelsen og Eyðfinn Jensen, har ið vit seta sjóneykuna á nýggja tónleikapolitikkin og tónleikaprofilin hjá Kringvarpinum. Hvør er støðan hjá føroyskum tónleiki á altjóða pallinum? Hesar og aðrar spurningar umrøða vit saman við Glen Larsen, ið stendur á odda fyri FMX - Faroese Music Export, tá ið skjøtil er settur á seinra tíman. Ein grein, ið verður virðislønt, tá ið Faroe Music Awards verða latnar, er Ársins tekstur. Men hvat er ein góður tekstur? Tað viðgera vit saman við Beini Bergsson. Og vit fáa eisini vitjan av swingandi Sway, sum fara at syngja beinleiðis, og tað verður somuleiðis í tí seinra tímanum. Og á 224000 fekk eisini lurtarin høvi at seta spurningar ella at viðmerkja, hvat ið hann heldur um tónleikavalið í Kringvarp. Tú kanst hoyra sendingina her! 137338c9-0f4a-4fd5-af9e-b97348fe616c 810510 00:52:07 false Kringvarp Føroya Thu, 2 Mar 2023 18:09:00 GMT Hjúpuljóð er nýtt yrkingasavn eftir Maluna Poulsen. Malan viðger m.a. tað farandi og komandi, menniskjalívið og forgeingiligheit, tað siðbundna og tað nýggja. Malan er komin í útvarpsstovuna til eitt prát um Hjúpuljóð. So hendi tað aftur. Ein stórur altjóða filmur brúkar føroysku náttúruna sum pallmynd. Hesaferð er tað filmsútgávan av klassiska Disney-teknifilminum Petur Pan frá 1953. Vit fáa vitjan av Jón Hammer og Gudmundi Helmsdal, sum báðir vóru við í føroyska toyminum, tá upptøkurnar í Føroyum vórðu gjørdar í 2020. Dark Side of the moon 50 ár. Hoyrið sendingina her. b568c32f-00f0-408f-9a53-3a560355167a 810510