Urtagarðurin

Úr savninum: Urtagarðurin IV (6:6)

Wed, 12 Jul 2023 18:00:00 GMT

Í urtagarðinum hesa ferð hitta vit Eivind í Gongini, sum fyri 25 árum síðani keypti tey gomlu húsini á Kamarinum, sum standa í Gríms Kambansgøtu í Havn. Her hevur Eivind gjørt ein øðrvísi urtagarð, har aðalmál hansara hevur verið, at garðurin skal vera soleiðis, at hann nærum ikki krevur nakra røkt. Eivind, sum hevur búð í India síðani 1996, er heima á hvørjum ári, og tá fjálgar hann um sín gamla urtagarð. Lagt til rættis: Bergljót D. Hentze. Upptøka og sett saman: Ragnar C. Joensen

Úr savninum: Urtagarðurin IV (5:6)

Wed, 5 Jul 2023 11:50:00 GMT

Í sendingini vitja tey tveir urtagarðar. Fyrst fara tey í garðin hjá Nicolinu Beder Jensen Undir Varða. Hesin garðurin er frá sekstiárunum. Leila og Jóan Petur Hentze keyptu hús í Hoyvík, sum longu hevði garð, og hann er frá áttatiárunum. Gjørt sendingina: Bergljót D. Hentze og Ragnar C. Joensen

Úr savninum: Urtagarðurin IV (4:6)

Wed, 28 Jun 2023 00:33:00 GMT

Í næstan fjøruti ár hevur Valborg Jacobsen, sum býr í Syðrugøtu, havt urtagarðin og urtagarðssarbeiði sum sítt ítriv. Hon hevur eina ørgrynnu av plantum, og á hvørjum ári koma nakrar nýggjar afturat. "Eg eri heilt sjúk við plantum og kann als ikki ímynda mær eitt lív uttan", sigur Valborg, sum er uttanfyri og arbeiðir hvønn dag. Lagt til rættis hevur Bergljót D. Hentze og Ragnar C. Joensen.

Úr savninum: Urtagarðurin IV (3:6)

Wed, 21 Jun 2023 11:45:00 GMT

Urtagarðin, sum vit fara at vitja nú hóskvøldið, man vera eitt eindømi í landinum. Í garðinum rennur ein á, og økið, sum er plantað, er 2.000 fermetrar. Her eru alskyns runnar og trø, sum stava frá sunnari hálvu, serliga úr Suðuramerika, Nýsæland og Tasmania. Her er eisini eitt ótal av rododendron, sum eru úr Kina og Tibet og har um leiðir. Hóast her ikki er veðurgott, hava tey megnað at fáa vøksturin soleiðis, at tað lívir næstan allastaðni. Urtagarðin eigur Jákup Dahl, Hoydalar. Sigga Rasmussen vísir okkum runt. Lagt til rættis: Bergljót D. Hentze og Ragnar C. Joensen.

Úr savninum: Urtagarðurin IV (2:6)

Wed, 14 Jun 2023 11:50:00 GMT

Uppi á Gróðurstøðini í Hoydølum hava tey millum 200 og 300 ymisk sløg av runnum og trøum at selja. Uppgávan hjá Gróðurstøðini er fyrst og fremst at framleiða trø og runnar fyri at finna útav, hvat veksur væl her hjá okkum. Men tey hava eisini eina stóra plantusølu, sum bara økist ár undan ári. Ein stórur partur av arbeiði teirra hesa árstíðina, er at vegleiða tey, sum koma at keypa, so tey fáa gróðursett okkurt, sum hóskar seg væl, har tey búgva. Prátað verður við Rakul Dam Lindberg. Lagt til rættis hevur Bergljót D. Hentze og Ragnar C. Joensen.

Úr savninum: Urtagarðurin IV (1:6)

Wed, 7 Jun 2023 19:00:00 GMT

Í urtagarðssendingini vitja vit Eilif Brimheim í Havn, sum ikki hevur nakran vanligan urtagarð. Umframt blómur, trø og vakstrarhús, hevur Eilif stóran áhuga fyri hyljum og vatnplantum av ymiskum slag. Men honum dámar eisini væl djór, so her eru bæði froskar, skaldbøkur og 60 undulatar. Lagt til rættis: Bergljót D. Hentze og Ragnar C. Joensen.

Úr savninum: Urtagarðurin V (6:6)

Sun, 4 Jun 2023 13:00:00 GMT

Í kvøld eru vit í einum urtagarði, sum avgjørt ikki líkist nøkrum øðrum urtagarði í landinum. Og tað munnu vera fáir garðar, sum verða so væl vitjaðir, sum hesin.Vit tosa um urtagarðin hjá Ritu og Kristian Joensen við Gjógv. Har eru nógvar blómur, men so sanniliga eisini nógv prýði, sum Rita hevur tilevnað úr ymiskum tilfari, sum hon finnur í bygdini. Eisini vitja vit í Fuglafirði, har vit fara at vitja Tórun Beck, sum er býargartnari har. Gjørt sendingina: Bergljót D. Hentze og Ragnar C. Joensen.

Úr savninum: Urtagarðurin V (5:6)

Wed, 24 May 2023 19:00:00 GMT

Urtagarðurin er í kvøld og vitjar Karl A. Thomsen, sum býr í Syðrugøtu. Hann hevur ikki bara stóran áhuga fyri trøum og blómum, hann eygleiðir eisini og tekur myndir av sjáldsomum fuglum, sum vitja í urtagarðinum. Og so hevur hann eisini eina firvaldarfellu, og spennir út firvaldar, sum eru sjáldsamir um okkara leiðir. Gjørt sendingina: Bergljót D. Hentze og Ragnar C. Joensen.

Úr savninum: Urtagarðurin V (4:6)

Wed, 17 May 2023 10:54:00 GMT

Lena og Jákup Hansen uppi á Gørðum í Søldafirði hava í dag ein sera vakran og stóran urtagarð. Men tey hava eisini arbeitt nógv hesi seinastu tvey árini, fyri at fáa urtagarðin vakran aftur, sum er 80-ára gamal. Hesi seinastu 15 árini hevur hann ligið í órøkt, so har vóru nógv trø at fella og nógv at saksa, tí urtagarðurin var allur sum hann var samanvaksin. Eisini vitjað við Boysens garð í Tórshavn har prátað verður við Jógvan Olsen. Lagt til rættis: Bergljót D. Hentze og Ragnar C. Joensen.<

Úr savninum: Urtagarðurin V (3:6)

Sat, 13 May 2023 01:52:00 GMT

Eiler og Rannvá Royðutoft hava gjørt sær ein øðrvísi urtagarð inni á Strondum, har hagagrót setur ein heilt serligan dám á. Og í staðin fyri gras og plenu hava tey malargrót, flísar og royðugrót. Eva Andersen fer eisini at geva okkum góð ráð um, hvat grønmeti vit skulu seta niður nú og hvussu vit taða. Í Klaksvík man liggja størsti rabarbugarður í landinum. Hans Jacob Joensen ella Hans Jacob hjá Dáva, gjørdi sín fyrsta rabarbugarð fyri 53 árum síðani og øll hesi árini hava hann og konan Anna selt klaksvíkingum rabarbur. Ólavur Wolles hitti Hans Jacob, tá hann hevði havt rabarbugarð í 50 ár. Gjørt sendingina: Bergljót D. Hentze, Ragnar C. Joensen og Ólavur Wolles.

Úr savninum: Urtagarðurin V (2:6)

Wed, 3 May 2023 19:00:00 GMT

Urtagarðurin er inni á Strondum hjá Evu Andersen, sum man eiga størsta urtagarð í Eysturoynni. Hon fer at geva okkum góð ráð um grasplenuna, um kálk, taðing, hvussu kantarnir skulu skerast, hvørji amboð eru tey bestu osfr. Nú skulu rósurnar eisini skerast, so tað fer hon eisini at vísa okkum. Seinast í mars vóru vit inni hjá Evu og sáddu ymiskar summarblómur í bakkar, nú er tað vaksið so mikið, at tíð er at at planta um. Gjørt sendingina:´Bergljót D. Hentze og Ragnar C. Joensen.

Úr savninum: Urtagarðurin V (1:6)

Wed, 19 Apr 2023 13:05:00 GMT

Urtagarðsrøðin frá 2008 fer nú undir sínar vár- og summarsendingar. Nú tíðin er komin at seta epli niður, hava vit verið suðuri á Sandi og sett epli niður saman við Gunnar Bjarnason, sum eisini er búnaðarfrøðingur. Hann hevur í fleiri ár havt flagveltu norðuri á Dalinum og fer at vísa okkum, hvussu vit skera fyri og loysa flagið. Hann gevur okkum ráð um setepli, taðing, eplasjúkur, og hvat vit skulu gera, fyri at fáa so góð epli sum gjørligt. Lagt til rættis: Bergljót D. Hentze og Ragnar C. Joensen.

Úr savninum: Urtagarðurin III (8:8)

Fri, 26 Aug 2022 18:39:00 GMT

Í hesu seinastu sendingini av urtagarðinum á hesum sinni verður Kambsdalur vitjaður. Vit vitja urtagarðin hjá Kristine Ellingsgaard. Gjørt sendingina hava: Bergljót D. Hentze og Ragnar C. Joensen.

Úr savninum: Urtagarðurin III (7:8)

Thu, 25 Aug 2022 18:14:00 GMT

Størsti urtagarður í Miðvági man óivað vera tann hjá Hannu Dam Hansen og Johannes Dam Hansen, sum liggur á gomlu Langtrøðni í Miðvági. Hann er góðar 2.000 fermetrar í ummáls og har eru sett niður millum 300 og 400 trø av ymsum sløgum. Hanna hevur eisini eitt vakstrarhús, har hon hevur súreplir og víndrúvur, men mest brúkar hon vakstrarhúsið til at sáa ymiskar summarblómur, sum hon so seinni setur út í urtagarðin. Gjørt sendingina hava: Bergljót D. Hentze og Ragnar C. Joensen.

Úr savninum: Urtagarðurin III (6:8)

Wed, 10 Aug 2022 19:00:00 GMT

Elsebeth Danielsen og Niels Pauli Danielsen eru hjún og búgva í prestagarðinum á Brekku í Klaksvík. Síðan tey fluttu inn higar í 1979, hevur Klaksvíkar Býrað tvær reisur heiðrað tey fyri at hava vakrasta urtagarð í býnum. Elsebeth hevur stóran áhuga fyri urtagørðum og hevur gjørt sær urtagarð í øllum teim trimum prestagørðunum, har Niels Pauli hevur verið prestur. Men nú er tíðin um at renna út í Klaksvík og tey bæði hava nú keypt sær eini hús í Havn við einum stórum urtagarði, og her arbeiðir Elsebeth nú hvønn dag. Gjørt sendingina hava: Bergljót D. Hentze, Ragnar C. Joensen og Ólavur Wolles.

Úr savninum: Urtagarðurin III (5:8)

Tue, 2 Aug 2022 23:52:00 GMT

Í Fuglafirði skipa tey javnan fyri einari kapping, har tey finna vakrasta urtagarð í býnum. Fyri fýra árum síðani var urtagarðurin hjá Marjun Reinert Petersen og Dan Reinert Petersen kosin vakrasti urtagarður í Fuglafirði. Í dag er hann ikki minni vakur, enn hann var tá. Dan hevur stóran áhuga fyri urtagarðsarbeiði og øllum tí, sum veksur har. Í Fuglafirði hava tey eisini eitt Urtagarðsfelag, har Dan er sera virkin. Lagt til rættis: Bergljót D. Hentze Ragnar C. Joensen

Úr savninum: Urtagarðurin III (4:8)

Tue, 2 Aug 2022 22:55:00 GMT

Urtagarðurin er aftur at síggja í sjónvarpinum í vár og í summar. Vit ferðast kring landið og vitja urtagarðar og tosa við fólk, sum hava áhuga fyri urtagarðsarbeiði og blómum yvirhøvur. Gongur sum ætlað, verður Urtagarðurin inni á Skálafjørðinum, har vit m.a. vitja eitt áhugavert vakstrarhús við alskyns grønmeti og kryddurtum. Haraldur S. Hansen greiðir frá um sítt vakstrarhús við m.a. nógvum grønmetisplantum, sum hann setur út, nú summarið er komið.

Úr savninum: Urtagarðurin III (3:8)

Tue, 19 Jul 2022 18:27:00 GMT

Urtagarðurin er aftur at síggja í sjónvarpinum í vár og í summar. Vit ferðast kring landið og vitja urtagarðar og tosa við fólk, sum hava áhuga fyri urtagarðsarbeiði og blómum yvirhøvur. Urtagarðurin verður í sjónvarpinum annaðhvørt hóskvøld aftan á tíðindini. Í kvøld vitja vit Jákup Mørkøre á Hvítanesi. Gjørt sendingina hava: Bergljót D. Hentze Ragnar C. Joensen.

Úr savninum: Urtagarðurin III (2:8)

Tue, 12 Jul 2022 20:30:00 GMT

Urtagarðurin er aftur at síggja í sjónvarpinum í vár og í summar. Vit ferðast kring landið og vitja urtagarðar og tosa við fólk, sum hava áhuga fyri urtagarðsarbeiði og blómum yvirhøvur. Urtagarðurin verður í sjónvarpinum annaðhvørt hóskvøld aftan á tíðindini. Í kvøld verður vitjað í urtagarðinum hjá Edvard Mitens, sála, sum nýggju eigararnir Elsa í Garði og Tummas í Garði nú eiga. Eisini verður vitjað í garðinum hjá Elin Mortensen. Sendingina gjørdu: Bergljót D. Hentze og Ragnar C. Joensen.

Úr savninum: Urtagarðurin III (1:8)

Wed, 6 Jul 2022 19:58:00 GMT

Vit fara at ferðast kring landið og vitja urtagarðar og tosa við fólk, sum hava áhuga fyri urtagarðsarbeiði og blómum yvirhøvur. Í sendingini vitja vit eina konu, sum tíðliga í vár, gjørdi sær ein nýggjan urtagarð. Vit skulu hoyra um nakrar áhugaverdar royndir við staudum, og at enda fáa vit góð ráð um tøð og at taða. Sendingina gjørdu: Bergljót D. Hentze og Ragnar C. Joensen.

Úr savninum: Urtagarðurin II (10:10)

Mon, 27 Jun 2022 23:05:00 GMT

Vitjað verður í Urtagarðinum hjá Helen Joensen í Runavík. Sendingina gjørdu: Bergljót D. Hentze og Ragnar C. Joensen.

Úr savninum: Urtagarðurin II (9:10)

Mon, 20 Jun 2022 22:44:00 GMT

>Urtagarðurin í kvøld er farin út um girðingina, og vit eru á Vaglinum í Tórshavn, har tey kendastu trøini í landinum munnu standa. Nógv munnu hava gingið undir teimum, tá ólavsøka hevur verið. Vit hava fingið landsskógarvørðin, Trónd Leivsson at koma við okkum at hyggja eftir nøkrum av teim elstu trøunum í miðbýnum. Sendingina gjørdu: Bergljót D. Hentze og Ragnar C. Joensen.

Úr savninum: Urtagarðurin II (8:10)

Tue, 14 Jun 2022 22:46:00 GMT

Søldarfjørður og Oyndarfjørður verða bygdirnar, vit vitja í kvøld. Arne Solmunde hevur ein urtagarð, sum er 130 ára gamal. Tað var gamli sýslumaðurin í bygdini, Jákup Dánial Danielsen, pápi Viktor Danielsen, sum gjørdi urtagarðin í 1877. Vitjað verður eisini í urtagarðinum hjá Magdalenu Joensen og Jákup Martin Joensen. Sendingina gjørdu: Bergljót D. Hentze og Ragnar C. Joensen.

Úr savninum: Urtagarðurin II (7:10)

Mon, 13 Jun 2022 20:58:00 GMT

Vit hava í kvøld leitað okkum til Kvívíkar og vitjað urtagarðin hjá Kristionnu Jensen. Tað, sum er serligt við hesum urtagarði er, at her eru bert føroyskar plantur. Her eru eini 100 ymisk sløg og er urtagarðurin 30 ára gamal. Vit vitja á Tvøroyri hjá Palla Julsgart, sum hevur gjørt sær ein flottan urtagarð, ella kanska líkist tað meira eini viðarlund. Sendingina gjørdu: Bergljót D. Hentze og Ragnar C. Joensen.

Úr savninum: Urtagarðurin II (6:10)

Mon, 13 Jun 2022 20:51:00 GMT

Elsta vakstrarhúsið í Føroyum stendur á Tvøroyri. Tey vóru bygd í 1937, tá Karl Øster fór undir at seta niður gularøtur og tomatir, sum hann síðani sendi kring landið. Í dag eigur og rekur sonurin Anton handilin og í dag fæst hann serliga við trø, runnar og summarblómur. Síðani vit, í seinastu sending, eftirlýstu størstu rhododendron í landinum, hava fleiri ringt við einum boði, men ta størstu higartil, hava vit funnið á Tvøroyri. Sonja Jensen hevur gjørt sær ein urtagarð við ovara veg í Trongisvági. Hóast her lívir illa, er bratt og rættuliga lítið av mold, so hevur Sonja fingið nógv at vaksa her. Hetta er sendingin, sum gevur tær hugskot, íblástur og ráð úr føroysku urtagørðunum. Nógvir eru urtagarðarnir kring landið, sum eru vakrir og røktir. Í sendingini sleppur tú eisini inn í onkran teirra. Sendingina gjørdu: Bergljót D. Hentze og Ragnar C. Joensen.

Úr savninum: Urtagarðurin II (5:10)

Mon, 13 Jun 2022 20:47:00 GMT

Í kvøld eru vit úti í Nólsoy hjá Marnar á Skúr, sum hevur sett niður eplir og grønmeti, men flugan, tann brúni snigilin og flatmaðkurin, er ein sonn plága hjá honum, so at hann í ár hevur tikið nøkur óvanlig stig fyri at koma hesum til lívs. Millum annað hevur hann fingið sær froskar, ið møguliga kunnu basa hesum. Vitjað verður eisini aftur hjá Carl Joensen í Søldafirði, ið hevur meiri enn 100 ymisk træsløg í garðinum hjá sær. Í seinastu sending vóru vit niðanfyri húsinum hjá honum, nú verður vitjað omanfyri. Hvør hevur størstu Rhodondenron í landinum? Vit hava funnið eina hvíta inni á Skála, og hon er rættuliga stór. Gjørt sendingina hava: Bergljót D. Hentze Ragnar C. Joensen.

Úr savninum: Urtagarðurin II (4:10)

Wed, 11 May 2022 21:01:00 GMT

Vit eru í kvøld í Søldarfirði hjá Carl Joensen, sum hevur stóran áhuga fyri trøðum. Í fleiri ár hevur hann gjørt royndir við ymiskum trøðum, ið hann hevur fingið til Føroyar úr øllum heiminum. Men fyrst eru vit í Vestmanna hjá Bjørg á Rógvi, sum í fjør setti fleiri hundrað tulipanleykir niður. Nú standa teir í fagrasta blóma. Gjørt sendingina hava: Bergljót D. Hentze Ragnar C. Joensen.

Úr savninum: Urtagarðurin II (3:10)

Wed, 11 May 2022 11:49:00 GMT

Vit vitja Evu Andersen á Strondum, sum hevur ein sera vakran urtagarð. M.a. hevur hon 3000 leykplantur. Síðan fara vit til Sandavágs til Kára á Lofti, ið hevur keypt trø og runnar úr Skotlandi, sum hann ætlar at royna. Gjørt sendingina hava: Bergljót D. Hentze Ragnar C. Joensen.

Úr savninum: Urtagarðurin II (2:10)

Mon, 9 May 2022 18:07:00 GMT

2 evni eru á skránni í kvøld. Nú flaggdagurin er farin afturum, er tíðin komin at sáa í pottar. Vit fara at sáa nakrar áhugaverdar kryddurtir. Hvussu kunnu vit sjálvi endurnýta tað, sum vit savna saman í urtagarðinum. Vit síggja, hvussu ein kompostkassi virkar, og so skulu við síggja, hvussu vit sjálvi kunnu gera sankutøð heima við hús. Gjørt sendingina hava: Bergljót D. Hentze Ragnar C. Joensen.

Úr savninum: Urtagarðurin II (1:10)

Wed, 27 Apr 2022 18:55:00 GMT

Urtagarðsrøðin er frá 2004. Trý evni eru á skránni, fyrst vitja vit á Royndarstøðini í Kollafirði, har tey einar tvær ferðir um árið gera kanningar av mold, sum bóndur, jarðareigarar og urtagarðsfólk senda inn til teirra at kanna. Hetta gera tey fyri at vita, hvussu tey skulu taða moldina. Royndarstøðin kannar hana so fyri m.a. súrevni, kálk og kalium. Á Royndarstøðini hava tey í fleiri ár kannað, hvørji eplasløg egna seg best at seta niður, hvussu tey smakka, hvørji goymast væl og hvørji sløg klára seg best móti ymiskum eplasjúkum, eitt nú svartaspillu. Tað er Peter Haar, sum hevur gjørt kanningarnar, hann fer eisini at geva okkum góð ráð. Triðja evnið í sendingini er ein nýggj sniglafella, sum Sámal Patursson í Kirkjubø hevur sett upp við góðum úrsliti. Lagt til rættis: Bergljót D. Hentze Upptøkur og sett saman: Ragnar C. Joensen.

Urtagarðurin 11:11

Wed, 1 Apr 2020 13:55:00 GMT

Kornvelting í Sandavági og blómuleykir í Vestmanna Í hesi seinastu sendingini úr Urtagarðirn hava vit tvinni evni. Fyrst fara vit til Vestmannar at vitja Bjørg á Rógvu, sum í løtuni setir fleiri blómuleykir niður. Henni dámar væl tulipanir og hesi seinastu árini hevur hon sett fleiri 100 leykir niður. Í fleiri ár hevur Sigurd Petersen í Sandavági velt korn.. Hann hevur tað sum ítriv, tí uttanfyri hjá sæsr hevur hann ta gomlu Steigarmylluna, sum var nýtt í 1820'unum. Hann hevur nú umvælt og bygt hana uppaftur av nýggjum. Nú vísir hann fram fyri skúlanæmingum og ferðafólki, sum koma framvið, hvussu vit fyrr veltu korn og hvussu myllan varð nýtt.

Urtagarðurin 10:11

Tue, 25 Feb 2020 13:52:00 GMT

Fyri fimtu og seinastu ferð í ár hava vit leitað okkum út í urtagarðin í Sandagerði. Hóast vit eru komin í hálvan september mánaða, so eru framvegis plantur harúti, sum standa í fagrasta blóma. T.d. heystanemonir, reinfann og rósur. Tey flestu berini eru fallin, men í Sandagerði eru framvegis nøkur sjáldsom hindber at síggja, sum eru gul á liti. Hvussu skulu vit bera okkum at, tá vit skulu skera trø og runnar niður? Nú heystið er á veg, skulu nøkur træ- og runnasløg skerast niður, skulu tey trívast líka væl næsta ár, sum tey hava gjørt í ár. Vit fáa eina neyva vegleiðing um, hvussu hetta skal gerast.

Urtagarðurin 9:11

Thu, 20 Feb 2020 13:49:00 GMT

Oyran í Sørvági Grønmeti, sum í maimánað varð sett niður á Oyruni í Sørvági, er nú klárt at heysta. Fleiri hava longu tikið nógv upp, men okkurt, sum veksur seint, skal standa nakrar vikur afturat. Vit hava verið í Sørvági og tikið upp grønmeti saman við Sigrun Mikkelsen og Ednu Niclasen, sum báðar settu nógv niður í vár. Sigga Rasmussen er eisini við okkum ein túr har vesturi. Vitjað verður eisini í Kristiansgøtu í Hoyvík. Minna Poulsen fær vitjan av Heina Joensen sum skal leggja henni lag á við urtagarðinum.

Urtagarðurin 8:11

Sun, 26 Jan 2020 13:50:00 GMT

Søldarfjørður og Oyndarfjørður verða bygdirnar vit vitja í kvøld. Arne Solmunde hevur ein urtagarð sum er 130 ára gamal. Tað var gamli sýslumaðurin í bygdini, Jákup Dánial Danielsen, pápi Viktor Danielsen sum gjørdi urtagarðin í 1877. Vitjað verður eisini í urtagarðinum hjá Magdalena Joensen og Jákup Martin Joensen.

Urtagarðurin 7:11

Sat, 25 Jan 2020 13:54:00 GMT

Vit hava í kvøld leita okkum til Kvívíkar og vitjað urtagarðin hjá Kristionnu Jensen. Tað sum er serligt við hesum urtagarði er, at her eru bert føroyskar plantur. Her eru eini 100 ymisk sløg og er urtagarðurin 30 ára gamal. Vit vitja á Tvøroyri hjá Palla Julsgart sum hevur gjørt sær eina flottan urtagarð, ella kanska líkist tað meira eini viðarlund.

Urtagarðurin 6:11

Wed, 22 Jan 2020 13:58:00 GMT

Elsta vakstrarhúsið í Føroyum stendur á Tvøroyri. Tey vóru bygd í 1937, tá Karl Øster fór undir at seta niður gularøtur og tomatir, sum hann síðani sendi kring landið. Í dag eigur og rekur sonurin Anton handilin og í dag fæst hann serliga við trø, runnar og summarblómur. Síðani vit, í seinastu sending, eftirlýstu størstu rhododendron í landinum, hava fleiri ringt við einum boði, men ta størstu higartil, hava vit funnið á Tvøroyri. Sonja Jensen hevur gjørt sær ein urtagarð við ovara veg í Trongisvági. Hóast her lívir illa, er bratt og rættuliga lítið av mold, so hevur Sonja fingið nógv at vaksa her. Hetta er sendingin, sum gevur tær hugskot, íblástur og ráð úr føroysku urtagørðunum. Nógvir eru urtagarðarnir kring landið, sum eru vakrir og røktir. Í sendingini sleppur tú eisini inn í onkran teirra. Urtagarðurin er á skránni annaðhvørt týskvøld, og hann verður endursendur mikudagin eftir og sunnudagin.

Urtagarðurin 5:11

Mon, 20 Jan 2020 13:55:00 GMT

Vit vitja Evu Andersen á Strondum sum hevur ein ser vakran urtagarð. M.a. hevur hon 3000 leykplantir. Síðan fara vit til Sandavágs til Kára á Lofti sum hevur keypr trø og runnar í Skotlandi sum hann ætlar sum hann ætlar at royna.

Urtagarðurin 4:11

Fri, 17 Jan 2020 14:00:00 GMT

Í Urtagarðinum hesaferð skulu vit m.a. hoyra um summarblómur og berjarunnar. Nú er tíðin komin at seta summarblómur út í pottar. Vakstrarhúsið í Sandavági hevur í nógv ár selt summarblómur, sum hóska væl til okkara veðurlag. Tey byrja longu at fyrireika seg í januar til summarblómurnar. Nakað verður sáað og nakað verður sett niður sum avleggarar. Kári á Lofti fer at geva okkum góð ráð um, hvørjar summarblómur trívast væl í okkara urtagørðum. Stórur áhugi er fyri at seta niður berjarunnar í urtagarðin. Her hjá okkum er serliga talan um rips, sólber og stikkulsber. Men tað er ikki bara sum at siga tað, at fáa berjarunnarnar at blomstra, sum jú er treytin fyri, at vit seinni skulu fáa ber. Ódnarveðrið, sum vit høvdu um krossmessutíð, fór illa við trøum, runnum og blómum, har ættin stóð á. Í urtagarðinum í Sandagerði standa nakrir runnar, har bløðini eru fullkomiliga sortnað. Kunnu vit sjálvi gera nakað, fyri at bøta um skaðan, aftaná slíkar ódnardagar, sum vit uppliva so javnan? Tað fer Sigga Rasmussen at greiða okkum nærri frá.

Urtagarðurin 3:11

Wed, 15 Jan 2020 14:00:00 GMT

Í urtagarðinum hesaferð taka vit trý evni upp, sum eru viðkomandi hjá teimum flestu, sum fáast við urtagarðar. Vit vitja stóra urtagarðin hjá Beatrice á Heygum, sum liggur miðskeiðis í høvuðsstaðnum. Hon fer at geva okkum góð ráð um, hvat vit skulu gera, um mosin er um at fáa vald á grasvøllinum. Síðani fer hon at vísa okkum, hvussu hon hevur gjørt eitt blómubeð klárt til várið. Á einum stórum øki í urtagarðinum hevur hon sett niður fleiri sløg av rhododendron, sum eru sera vakrar - rhododendron eru serstakar á tann hátt, at tær krevja súra mold, har onki kálk er í. Sum undirgróður hevur hon klokkulyng. Hetta fer hon at greiða nærri frá. At enda fer hon at vísa okkum, hvussu vit kunnu sáa fræ og seta leykir niður í pottar og bakkar.

Urtagarðurin 2:11

Sun, 12 Jan 2020 13:47:00 GMT

Páskirnar standa fyri durum, og nú vit eru komin inn í dymbildagavikuna, hava vit aftur leitað okkum út í urtagarðin í Sandagerði, har Sigga Rasmussen fer at greiða frá og geva góð ráð um best umtóktu urtagarðsplantuna hesa høgtíðina, sum er páskaliljan. Nú er tíðin eisini komin til at taka stiklingar av ymiskum runnum og seta teir í pottar. Men hvussu verður tað gjørt? Vit hava verið saman við Michael Jacobæus og nøkrum luttakarum, sum hava gingið á plantuskeiði hjá honum í vetur. Hetta kvøldið, vit vóru har, lærdu vit at taka stiklingar av nøkrum runnum, sum vaksa væl her hjá okkum.

Urtagarðurin 1:11

Fri, 10 Jan 2020 13:42:00 GMT

Vit fara í vár og í summar at hava eina røð av urtagarðssendingum. Vit fara m.a. at fylgja einum urtagarði alt árið, frá tí vit síggja tey fyrstu vártekini í februar-mars til alt følnar seint í heyst. Eisini fara vit at geva góð ráð um urtagarðsrøkt, kálgarðar, kryddurtir, trø og runnar o.a. Í fyrstu sending, sum kemur nú týskvøldið vitja vit urtagarðin í Sandágerði, sum hoyrir til gamla Próstagarðin. Sigga Rasmussen, plantufrøðingur fer at vísa okkum nøkur tekin um, at nú er várið komið í hesum urtagarðinum. Síðani fara vit við Michael Jacobæus, urtagarðsmanni, niðan á røktarheimið Lágargarð, har Michael í sínari tíð var við til at gera fleiri smáar urtagarðar millum húsini. Michael fer at greiða frá, hvat hevur eydnast og hvat miseydnaðist av øllum tí, sum upprunaliga varð sett niður har.