fo-FO Kringvarp Føroya https://kvf.fo/ljod/sending/meiri-enn-tak-yvir-hovdid false Komandi árini skulu einir 2.000 nýggir bústaðir byggjast í Føroyum. Men hvussu tryggja vit okkum at tað, ið bygt verður, hevur eina ávísa dygd, soleiðis at byggingin tænir teimum, ið skulu búgva har, samstundis sum nýggju bústaðirnir eisini leggja nakað gott afturat umhvørvinum, har ið bygt verður? Komandi árini skulu einir 2.000 nýggir bústaðir byggjast í Føroyum. Men hvussu tryggja vit okkum at tað, ið bygt verður, hevur eina ávísa dygd, soleiðis at byggingin tænir teimum, ið skulu búgva har, samstundis sum nýggju bústaðirnir eisini leggja nakað gott afturat umhvørvinum, har ið bygt verður? All rights reserved. Kringvarp Føroya kt@kringvarp.fo Komandi árini skulu einir 2.000 nýggir bústaðir byggjast í Føroyum. Men hvussu tryggja vit okkum at tað, ið bygt verður, hevur eina ávísa dygd, soleiðis at byggingin tænir teimum, ið skulu búgva har, samstundis sum nýggju bústaðirnir eisini leggja nakað gott afturat umhvørvinum, har ið bygt verður? 00:49:59 false Kringvarp Føroya Mon, 17 Aug 2026 17:00:00 GMT Meduna Dalsgaard og maðurin keyptu húsini í 2018, og tey hava gjørt fleiri broytingar í húsunum, hóast tey ikki eru komin á mál enn. Eitt nú hava tey valt at køkurin skuldi vera sitróngulur, samstundis sum tey hava valt at skápini eru smøl, soleiðis at rúmið kennist hægri enn tað í veruleikanum er. Meduna sigur, at henni dámar væl at búgva mitt í býnum, tí tá hittur tú ofta fólk, ið tú kennur, av tilvild. Og so er tað útsýnið, har tú eitt nú kanst njóta at síggja vøkru grannahúsini og stóra urtagarðin. Eitt, sum arkitekturur kann, er at stuðla upp undir, so at man fær tað gott, sigur Meduna. Og nógv av tí góða, sum tú hevur í ein sovorðnum gomlum umhvørvi, kanst tú eisini taka hædd fyri, tá tú skipar eitt nýtt øki á tekniborðinum.   Dømi um væleyðnaðar býlingar Meduna Dalsgaard nevnur fleiri øki, ið hon heldur vera fyrimyndarlig, teirra millum Boisensgarður, úti á Reyni, Rabarbukvarterið, Hoydalar, Tórsbyrgið, Berjabrekka, við Skansan og Dalabúð í Havn, og við Myllutjørn í Hoyvík. Og ein felagsnevnari er, at øll hesi øki geva frá sær góðsku til onnur og tey leggja afturat býnum. Berjabrekk.jpg Hugnaliga umhvørvið á Berjabrekku   Sethúsini, sum H. C. W. Tórgarð teknaði til Valdemar Lutzen.jpg Vøkru grannahúsini hjá Medunu, sum H. C. W. Tórgarð teknaði til Valdemar Lutzen   við Myllutjørn í Hoyvík.jpg Hugnaligi býlingurin við Myllutjørn í Hoyvík 07d64b94-7518-4be4-b447-7b40e78318b4 810510 00:55:50 false Kringvarp Føroya Mon, 10 Aug 2026 17:00:00 GMT Húsini hjá Eyðuni Eliasen, ið hann og familjan bygdu á Hvarvinum í Havn, eru eini fjálg og spennandi hús, har ið Eyðun legði seg eftir at tekna eini sethús, sum ikki vóru størri enn neyðugt, og har hann í prosessini støðugt legði seg eftir at tekna tey minni og minni. Og so hevur Eyðun eisini valt tilfar inni í húsinum, sum ikki er tað dýrasta, men sum samstundis riggar væl. Tað loysir seg at vera nærlagdur og kritiskur og diskutera øll rúmini, tá tú skalt byggja, sigur Eyðun Eliasen, sum leggur afturat at tað altíð er eitt gott hugskot at kanna, um hvørt rúmið sær kann gerast eitt vet minni uttan at góðskan gerst minni. Dømi um góða bústaðarbygging Tá talan er um væleydnaða bústaðarbygging, nevnur Eyðun Berjabrekku, Tórsbyrgi og nýggja býlingin Dalabúð hjá Bústøðum. Eisini vísur hann á Spittelhof Estate, ið er skamt frá Basel í Sveis, bústaðarøkið Bjørnveien í Oslo í Noreg, og Rokko Housing (Rokko 1) í japanska høvuðsstaðnum Tokyo. Bjørnveien 119, Oslo (Bjørnveien 119 í Oslo. Mynd: Teknistovan C. F. Møller) Bjørnveien 119, Oslo (Bjørnveien 119 í Oslo.Mynd: Teknistovan C. F. Møller) Bjørnveien 119, Olso (Bjørnveien 119 í Oslo. Mynd: Teknistovan C. F. Møller)   Eyðun heldur eisini, at vit kundu hugt meiri eftir hvussu bygt verður í Noreg, har ið bæði landslag og veðurlag minnur nógv um Føroyar. 76e16d65-4764-4db1-8e21-25fe87f68a00 810510 00:51:11 false Kringvarp Føroya Mon, 3 Aug 2026 17:00:00 GMT Húsini hjá Annie Heinesen standa í vesturbýnum í Havn og talan er um eini sonevnd skiparahús frá 1930- ella 1920-árunum, og tí at húsini eru bygd heilt út í vegin er eitt stórt og grønt uttandura øki aftanfyri húsini, hóast grundstykki er lítið. Annie nevnur fleiri øki sum dømi um góða bústaðarbygging, eitt nú Tórsbyrgi, Berjabrekku og Inni á Gøtu. Eisini nevnur hon nýggja býlingin hjá Bústøðum, Dalabúð, sum dømi um góða bústaðarbygging. Har er hædd tikið fyri góðum arkitekturi, fólk eru raðfest framman fyri bilarnar, tey flestu hava útsýni og eitt uttandura øki, samstundis sum býlingurin tekur seg væl út í verandi grannalagi. Annie ger vart við, at nógvar dygdir eru í gomlu føroysku bygdunum, har bygt varð eftir lendinum, og at hetta geva lívd fyri vindi samstundis sum her eru nógvir hugnaligir krókar millum húsini. Vit hittu eisini Ester Skála og Jórun Dánjalsdóttir Poulsen, sum búgva í grannalagnum hjá Dalabúð. Býlingurin Dalabúð í Havn (Hugnaligi býlingurin Dalabúð í Havn) Hvussu tryggja vit okkum eina ávísa góðsku, tá fleiri túsund bústaðir skulu byggjast? Umráðandi er at byggisamtyktirnar verða hildnar og at tær ikki verða broyttar aðruhvørja løtu. Og so sigur Annie eisini at í Tórshavnar kommunu átti býararkitekturin aftur at fingið somu tign og mynduleika, sum Gunnar Hoydal hevði á sinni. Eisini saknar Annie ein arkitekt fyri landið og at kommunurnar eisini seta arkitektar í starv. Hetta hevði havt við sær, at kommunurnar høvdu kunna gjørt kvalifiseraðar heildarætlanir, har ið hædd varð tikin fyri bústaðarøkjum, handils- og vinnuøkjum, grønum økjum, vegum og so framvegis. Annie sigur eisini, at kommunurnar eiga at seta størri krøv til tey, sum skulu byggja størri bústaðareindir, millum annað tá talan er um uttandura økir, útsýni, og sól og ljós og vind. Eisini sigur hon, at tað átti at veri eitt krav, at ljós og vindkanningar verða gjørdar, áðrenn byggiloyvi verða latin størri verkætlanum. Eisini skuldi tað veri eitt avgjørt krav at fólk fáa eitt uttandura øki, tað veri seg ein urtagarður ella ein altan. Eisini nema vit við spurningin um húsbátar kundi veri ein møguleiki í Føroyum. Serstaka uppgávan Arkitektarnir fáa eisini eina uppgávu, har ið teir skulu fyrihalda seg til eitt par við tveimum børnum, sum skulu byggja. Tey eiga grundstykki og hava 2,5 milliónir krónur tøkar at byggja fyri. Og so er spurningurin hvussu Annie Heinesen loysir uppgávuna.   1c92491d-8d4a-44e6-9332-0aecd2abdc51 810510