Grindin

Thu, 11 May 2017 21:24:00 GMT

Spælifilmurin "Dreymurin við havið" eftir Sakaris Stórá verður frumsýndur í heyst. Men í kvøld vísa vit brot úr filminum, eins og tosað verður við leikstjóran og teir báðar høvuðsleikararnar. Hvørja ábyrgd hevur politiska skipanin av, at tað verður framleidd list í samfelagnum? Og hvørjir karmar eru virðiligir og tryggir, at arbeiða undir sum listafólk, tá ið tú hevur list sum yrki? Landsstýriskvinnan í mentamálum Rigmor Dam sigur sína hugsan um hesar spurningarnar. Arnold Vegghamar fór herfyri um tey 80. Grindin vitjaði listamannin norðuri á Viðareiði. Upptøkur og klipt: Bjarni Árting Rubeksen. Lagt til rættis: Ivan Hentze Niclasen.

Grindin

Thu, 20 Apr 2017 19:25:00 GMT

Grindin

Thu, 23 Mar 2017 19:20:00 GMT

Føroysk magasinsending

Grindin

Thu, 2 Mar 2017 20:30:00 GMT

Sum heild eru kvinnurnar ikki nóg væl umboðaðar, og tí er neyðugt at seta spurningin um javnstøðu millum kynini á breddan. Tað halda fyriskiparnir av "Damudomi", nú altjóða kvinnudagurin er í næstu viku. Sunneva Háberg Eysturstein og Solveig Hanusardóttir Olsen vitja í sjónvarpsstovuni. Countrybólkurin "The Reverends" er farín í studio at spæla inn nakrar nýggjar sangir. Og spurningurin er so hvussu leingi afturat tað verður country, tí limirnir draga ikki somu línu, tá tað kemur til hvønn veg, ið bólkurin skal fara. Bárður Jákupsson hevur eina framsýning í Steinprent í hesum døgum. Myndirnar hava eini 4-5 rættiliga ymisk úttrykk, og tað er fyri at skapa størri ymiskleika á framsýningini. Hetta verður helst einasta framsyningin í Føroyum í ár, tí Bárður hevur fleiri framsýningar á skránni uttanlands seinni í ár. Lagt til rættis: Ivan Hentze Niclasen. Fotograferað og klipt: Hans Petur Hansen.

Grindin

Thu, 9 Feb 2017 20:10:00 GMT

Var Magnus Heinason ein hetja ella eitt bølmenni. Í sendingini verður tosað við søgufrøðingin Páll Nolsøe, sum hevur skrivað bók um Magnus Heinason. Anna Malan Jógvansdóttir varð herfyri heiðrað av Mentamálaráðnum við virðislønini til ungt listafólk. Vit vitjaðu hana í heimbygdini. Myndirnar eftir Beintu av Reyni eru vorðnar til við íblásti úr eitt nú filmum, tónleiki og tí siðbundnu myndlistini. Harumframt eru tær ein viðmerking til okkara leiklut sum menniskju i einum alheimi. Beinta greiðir frá um framsýningina "Infinity." Komandi dagarnar verður filsmtevna í Havn. Vit tosa við tveir av stigtakarunum til Tórshavn Film Festival. Lagt til rættis: Ivan Hentze Niclasen, Sissal Kampmann og Heini í Skorini. Fotografur og klippari: Gudmund Helmsdal Nielsen.

Grindin

Thu, 19 Jan 2017 19:20:00 GMT

Í Grindini hesa ferð hitta vit Oddfríð Marna Rasmussen, sum í heyst gav yrkingasavnið, Úrtíð, út. Hetta er seytjanda útgáva høvundans, og Grindin vitjaði Oddfríð til eitt prát um Úrtíð, foreldraleiklutin og barndómin og ungdómin á bygd. Aftur í fjør stóð bókasølan seg væl, hóast hon í fleiri umførum verður spádd at hvørva í gloymskunar hav vegna frambrot innan miðlar, samskiftistøkni og undirhaldsídnaði. Vit tosa við Berg D. Hansen, bókmentafrøðing, um hetta fyribrigdi. Síðani verður klassiski leikurin hjá Sofokles, “Elektra”, settur upp á tjóðpallinum. Grindin vitjaði Gamla Mejaríið undir venjingunum. At enda fara vit at fregnast um spennandi mentanarfestivalin, Nordic Matters, ið júst er settur í Southbank Center í London. Festivalurin er eitt samstarv millum øll norðurlond, har fleiri føroysk listafólk luttaka á áralanga festivalinum, sum skal varpa ljós á norðurlendska list. At greiða okkum nærri frá festivalinum hava vit fingið Aldu Joensen frá mentamálaráðnum í sjónvarpsstovuna. Lagt til rættis: Sissal Kampman, Heini í Skorini og Pætur M. Dahl. Upptøkur og klipp: Hallur Thomsen og Bjarni Rubeksen. Sett saman: Hans Petur Hansen.

Grindin

Thu, 8 Dec 2016 19:25:00 GMT

Í Grindini hesa ferð hitta vit fjølgávaða klaksvíkingin Andras Sólstein, ið júst hevur givið stuttsøgusavnið, Andy, út. Eisini nema vit við nýggja skaldsøgu eftir Siri Ranva Hjelm Jacobsen, sum í august kom við síni fyrstu skaldsøgu Ø, ið millum annað viðger longsulin eftir Føroyum, hóast ein aldri hevur búð her. 11.11.16 gav Konni Kass við bólki út sína fyrstu útgávu, Haphe. Í hesum sambandi vóru tey á konsertferð í Føroyum. Útgávukonsertin var í Sjónleikarhúsinum í Havn, har spæliglaðu og navnframu forfedrarnir hjá Konni eisini hava verið í mongum vasi. Grindin var eisini millum áhoyrararnar hetta kvøldið. Harafturat bjóðar desembur mánaður eisini føroyskan film, tí aftur í ár verður filmsvirðislønin Geytin latin í NLH. Millum teir sjey tilnevndu stuttfilmarnar til virðislønina í ár er spenningsfilmurin Ramblers. Tað er 29 ára gamli bóndasonurin úr Miðstovuni á Sandi, Hanus Johannesen, ið hevur gjørt. Vit hitta leikstjóran til eitt prát um at gera film í Føroyum. Lagt til rættis: Sissal Kampman, Ivan Hentze Niclasen og Pætur M. Dahl Upptøkur og klipp: Hans Petur Hansen Sett saman: Bjørg Mohr Anderssen

Grindin

Thu, 17 Nov 2016 21:00:00 GMT

Í sendingini hesa ferð hitta vit Teit Lassen, ið júst hevur givið tónleikaverkið “Confessions” út saman við viðurkenda amerikanska tónaskaldinum, Nico Muhly. Í sendingini nema vit eisini við ummælarayrkið og práta við Dorit Hansen um hesa bókmentagrein. Síðani er nýggja skaldsøgan hjá Jóannesi Nielsen, “Bommhjarta”, á gáttuni, og vit hava verið ein túr framvið hjá viðurkenda rithøvundinum. At enda fara vit at fregnast um spennandi samstarvið hjá Dánjal á Neystabø og finnlendinginum Kim Nyberg, ið er mest kendur frá norðurlendska orkestrinum Afenngin. Lagt til rættis: Sissal Kampmann, Pætur M. Dahl og Ivan Hentze Niclasen. Upptøkur og klipp: Elin Dagbjartsdóttir Neshamar.

Grindin

Thu, 27 Oct 2016 19:25:00 GMT

Í sendingini hesa ferð hitta vit kvinnurnar handan leikin “Einaferð var tað eg…”, Mariann Hansen og Duritu Dahl Jacobsen. Tær fara at greiða frá hugsanini handan leikin - um nýfeminismu, Tann Pena Gentan, intuitión, ævintýr og at vakna upp frá líkasæluni. Eisini er nýggj krimiskaldsøga givin út, har rithøvundur er navnframi klaksvíkingurin, Steintór Rasmussen, ið vanliga verður tilknýttur til tónleikaheimin. At enda fara vit at fregnast um spennandi sangleikin “Feitar tíðir”, sum Jákup Weyhe og Hans Torgarð hava skrivað. Lagt til rættis: Sissal Kampman, Pætur M. Dahl og Ivan Hentze Niclasen. Upptøkur og klipp: Rógvi Rasmussen.

Grindin

Thu, 6 Oct 2016 19:51:00 GMT

Mentanarsendingin "Grindin" er aftur á skránni triðju hvørja viku í vetur. Í sendingini hitta vit fløguaktuellu Heiðrik á Heygum og Guðrið Hansdóttir. Heiðrikur tekur okkum við á eina jaliga jarðarferð og Guðrið greiðir frá tónleikinum á nýggju fløguni. Í sendingini hyggja vit eisini at bókmentarákinum, har høvundar skriva út frá egnum upplivingum, eins og nýggja stuttsøgusavnið eftir Katrin Ottarsdóttir verður ummælt. Harafturat tosa vit við listamannin Jóhan Martin Christiansen um hansara spennandi framsýning í Listaskálanum. Lagt til rættis: Solby Christiansdóttir, Sissal Kampmann og Ivan Hentze Niclasen.

Grindin

Thu, 12 May 2016 19:25:00 GMT

Í sendingini hitta vit filmsleikstjóran Anton Petersen, sum hevur valt at fara til Nólsoyar at skriva handritið til ein nyggjan spælifilm. Anton hevur serliga áhuga fyri tætta sálarliga sambandinum millum menniskju, sum eru knýtt tætt hvør at øðrum. Hetta verður eisini evnið í nýggja filminum. Eisini hoyra vit um forvitnisligu framsýningina við málningum eftir Anker Mortensen, sum letur upp í Listaskálanum fríggjadagin. Stjórin á savninum vil vera við, at listarliga stigið er sera høgt. Sangbólkurin KATA kemur í næstum við nýggjari fløgu. Hetta eru løg og sangir, sum Marianne Clausen savnaði saman og gav út í bók. Flestu løgini eru nærum ókend í dag, men KATA tekur tey fram aftur og gevur teimum ein eyðkendan ljómlit. Eisini hoyra vit um Frank Sinatra. Tað eru eftirhondini nøkur ár síðani, at hann doyði, men hann er ikki gloymdur - tvørturímoti. Tórshavnar Big Band hevur í hyggju at heiðra amerikanska sangaran. Lagt til rættis: Ivan Hentze Niclasen og Uni Arge. Foto og klipt: Hallur E. Thomsen.

Grindin

Thu, 14 Apr 2016 19:25:00 GMT

Í sendingini vitja vit millum annað Lenu Anderssen og Niclas Johannesen, sum nú eru farin undir at løða battaríini aftur, eftir at fløgan "Eagle in the Sky" kom á marknaðin herfyri. Eisini verður tosað við tey, sum hava valt verk út til Várframsýningina. Úrvalsnevndin hevur lagt seg eftir ikki at taka ov nógvar myndir við, tí tann vitjandi skal fáa stundir til veruliga at uppliva myndirnar. Harafturat hitta vit fotografin Onnu Kathrinu Højgaard, sum hevur eina fotoframsýning í Mentamáránum. Longu sum smágenta fekk hon áhuga fyri tí at taka myndir. Myndirnar skuldu helst ikki vera ov penar, í staðin skuldu tær siga eina søgu. Tíðarritið Varðin gav enn eitt nummar út í vikuni. Blaðstjórin vitjar í sjónvarpsstovuni.

Grindin

Thu, 10 Mar 2016 19:25:00 GMT

Grindin: Her er fimtanda sendingin

Thu, 28 Jan 2016 19:30:00 GMT

Teir báðir menninir, ið skipa fyri verkætlanini at miðla gransking, eru í studio, og vit síggja brot úr henni. Hóast ung hevur Silja Strøm longu gjørt vart við seg sum listakvinna. Hon hevur gingið á listaskúla í Glasgow, men býr í løtuni í London, har hon veruliga fær ment seg við listini. Vit hava vitjað ungu listakvinnuna í London. Vit síggja eisini, hvussu tey á Tjóðpallinum arbeiða við einum forkunnugum leiki í løtuni einum leiki um føroyingar, sum hava verið í kríggi. Hetta og ymiskt annað er at síggja í Grindini hesa ferð. Lagt til rættis: Rannvá Gaard Foaasberg og Pætur Marjunarson Dahl.

Kjak um føroyskan film

Tue, 22 Dec 2015 21:10:00 GMT

Lagt til rættis: Ivan Niclasen

Grindin – um føroyskar stuttfilmar

Thu, 17 Dec 2015 19:25:00 GMT

Hvørt ár – hesa ársins tíð – plaga fleiri lond at vísa stuttfilmar í sjónvarpinum, sum eru gjørdir í teirra egna landi. Tað verður gjørt á ársins stytsta degi og eitur á enskum The Shortest Day Short Film Celebration. Tí vísa vit í kvøld fýra føroyskar stuttfilmar, og prátað verður við leikstjórarnar. Filmarnir, ið verða vístir, eru Passasjeren, Terminal, Munch og John. Lagt til rættis: Pætur M. Dahl, Rannvá G. Fossaberg og Bjørg Mohr Anderssen.

Grindin: Her er trettanda sendingin

Thu, 3 Dec 2015 19:25:00 GMT

Í sendingini frætta vit millum annað um eina nýggja barnabók og barnafløgu, sum fýra kend listafólk hava samstarvað um. Vit eru í desember, og tí skulu vit síggja, hvussu til ber at prýða eitt sindur øðrvísi til jóla eitt nú ber til at brúka tilfar úr føroysku náttúruni. - Eg havi altíð havt tað soleiðis, at eg vil ikki útseta nakað, tí eingin kennir dagin í morgin. Orðini eigur Steintór Rasmussen, sum hevur givið út ævisøgu sína, Lívið er mítt listaverk. Í sendingini fortelur klaksvíkingurin um tankar aftan fyri bókina. Ársins Geytavirðisløn verður latin í næstum, og vit vitja dómsnevndina, tá filmarnir skulu veljast út. Lagt til rættis: Pætur M. Dahl, Rannvá G. Fossaberg og Bjørg Mohr Anderssen.

Grindin: Her er tólvta sendingin

Thu, 12 Nov 2015 15:55:00 GMT

Millum evnini hesa ferð er ummæli av nýggja stuttsøgusavninum eftir Sámal Soll og ein samrøða um "Fúrstan" eftir Machiavelli. Sýningarnar av væl umtókta sjónleikinum "Fólk og dólgar í Kardamummubýnum" eru útseldar langt fram í tíðina. Vit fylgdu leikstjóranum ein dag undan frumsýningini. Vit hoyra eisini um satiru á Tjóðpallinum og upprunan til Landsbókasavnið. Lagt til rættis: Ivan Hentze Niclasen og Suni Merkistein.

Grindin: Her er ellinta sendingin

Sun, 25 Oct 2015 20:00:00 GMT

Í sendingini hesa ferð frætta vit millum annað um nýggju fløguna hjá Døgg Nónsgjógv og nýggju skaldsøguna eftir Carl Jóhan Jensen. Eisini stukku vit inn á gólvið, tá nýggir luttakarir skuldu finnast til spurnarkappingina "Orrustan." Tað er nevniliga so, at krøv setast til luttakarar í undirhaldssendingunum í sjónvarpi, og hetta er eisini galdandi fyri børn. Harumframt fer ein arkitektur at ummæla nýggja høvuðssætið hjá BankNordik, eins og vit hoyra um stóru Heystframsýningina, sum er á Skipasmiðjuni. Mentanarsendingin Grindin er á skránni triðju hvørja viku í vetur. Lagt til rættis: Ivan Niclassen.

Grindin - Bank Nordik

Thu, 22 Oct 2015 11:15:00 GMT

Grindin: Her er tíggjunda sendingin

Thu, 14 May 2015 21:00:00 GMT

Systkynini Annika og Gunnar Hoydal hava samstarvað um sangir í umleið hálva øld. Hon hevur sungið og smíðað løg, meðan hann hevur skrivað tekstir. Annika Hoydal er aftur í upptøkuhølunum, og flestu sangirnar hevur Gunnar skrivað. Vit hitta tey bæði. Eisini fer Bergur Djurhuus Hansen at greiða frá um vallaran og prestin K. O. Viderø, sum ikki kendi seg heima nakrastaðni. Nýggja yrkingasavnið eftir Katrina Ottarsdóttir verður ummælt. Vit fregnast hvussu tað gongur við SALT bygninginum á Drelnesi og vit støkka inn á gólvið hjá sniðgevaranum Lailu av Reyni, sum millum annað fær íblástur úr teknifilmum til sínar kjólar. Lagt til rættis: Ivan Hentze Niclasen og Levi Hanssen.

Grindin: Her er níggjunda sendingin

Thu, 2 Apr 2015 21:00:00 GMT

Hesa ferð vitja vit songkvinnuna Gretu Svabo Bech í Miðvági og vit ummæla Føroyaportalin. Eisini hitta vit listakvinnuna Súsan í Jákupsstovu og steinbindarar heima á Sandi. Vit vitja eisini á Tjóðpallinum, har tey seta upp nýggjan leik og gleða seg til framtíðina, nú nýtt tjóðleikhús skal byggjast á Skálatrøð. Lagt til rættis: Levi Hanssen og Ivan Hentze Niclasen.

Grindin: Her er áttanda sendingin

Thu, 12 Mar 2015 19:25:00 GMT

- føroysk sending

Grindin: Her er sjeynda sendingin

Thu, 19 Feb 2015 19:25:00 GMT

Marius Olsen er ein tann mætasti grafiski listamaðurin í Føroyum. Í hesum døgum arbeiðir hann við myndum, sum skulu sýnast fram á Steinprent í næstum. Onkrar myndir eru myrkar, og tað skyldast okkara tunga norðurlendska lyndið, heldur hann. Alsamt fleiri føroyingar spæla telduspøl. Í sendingini hyggja vit at hesi lutvíst nýggju mentan - hvussu sampakka telduspøl við eitt nú tað sosiala? Norski listamaðurin Lars Kjemphol arbeiðir við hugtakinum "livandi listaverk." Hann vil hava føroyingar at hjálpa sær at gera eitt listaverk í Norðurlandahúsinum. Í sendingini verður eisini kjakast um armslongdarprinsippið. Hvussu langt skal vera millum játtandi myndugleikan og mentanarlívið? Formaðurin í LISA og landsstýrismaðurin í mentamálum eru gestir í sjónvarpsstovuni. Lagt til rættis: Levi Hanssen og Ivan Hentze Niclasen.

Grindin: Her er sætta sendingin

Thu, 29 Jan 2015 19:25:00 GMT

Í sendingini hitta vit teknaran Høgna Jarleiv Mohr, sum býr og arbeiðir í Berlin. Hann hevur ment seg til ein eftirspurdan teknara, sum m.a. teknar myndir til amerikonsk telduspøl. Eisini hoyra vit um sálmayrkjaran Sólrun Michelsen. Hon skrivaði ikki sálmarnar við utgávu fyri eygað. Heldur var talan um at seta orð á nakrar kenslur. Í dag eru átta av hennara sálmum við í ískoytinum til sálmabókina. Eisini fara vit við arkitekti vestur á flogvøllin og ummæla nýggju floghavnina, sum so nógvir føroyingar hava so nógvar meiningar um. Lagt til rættis: Levi Hanssen og Ivan Hentze Niclasen.

Grindin: Her er fimta sendingin

Thu, 18 Dec 2014 20:33:00 GMT

Grindin: Her er fjórða sendingin

Thu, 27 Nov 2014 19:25:00 GMT

Føroysk mentanarsending

Grindin: Her er triðja sendingin

Thu, 6 Nov 2014 19:25:00 GMT

Føroysk mentanarsending, vit senda í sjónvarpinum triðja hvørt hóskvøld

Grindin: Her er onnur sendingin

Thu, 16 Oct 2014 19:25:00 GMT

Forlagið Torgard fer í søguna

Sat, 27 Sep 2014 11:30:00 GMT

Forlagið hevur higartil givið umleið 40 bøkur út, serliga til danska marknaðin. Talan er eitt nú um skaldsøgur eftir Jóanes Nielsen og barnabøkur eftir Bárð Oskarsson.

Útgávurnar hava vakt ans í Danmark, og hava eisini hjálpt høvundunum víðari út í heim. Torgard hevur eisini givið íslendskar, kanadiskar og norskar bøkur út, men hetta steðgar eisini.

Grindin: Her er fyrsta sendingin

Thu, 25 Sep 2014 19:25:00 GMT

Sendingin Grindin verður á skránni triðja hvørt hóskvøld í vetrarskránni.

Vit fara um grindina og lýsa grundir, gongdir og viðurskiftir annars á mentanarpallinum. Í fyrstu sendingini hoyra vit millum annað um bókmentir, film, arkitektur og blogg.

Vertur er Ivan Hentze Niclasen.