Hyggja vit at bústaðarviðurskiftum hjá føroyingum, eru tað fleiri, sum rópa varskó, tí bústaðarviðurskiftini ikki eru nóg góð. Og samstundis sum, at summi skríggja eftir bústøðum at búgva í, hoyra vit um hús, sum standa tóm kring alt landið.

Í øðrum parti hyggja vit nærri at avbjóðingunum, sum vit hava á føroyska bústaðarmarknaðinum, hví marknaðurin sær út, sum hann ger, og at summum av teimum ábótunum, sum frá almennari síðu verða gjørdar við góðari hjálp frá føroyskum áhugafeløgum. 

Gestir í sendingini eru Sámal Matras, samfelagsfrøðingur, Elin Hentze, forkvinna í Búgva, Hans Jákup Hermansen, formaður í Áhugafelagnum Lutaíbúðir, Anna Malena Højgaard og Bogi av Vollanum, nevndarlimir í lutaíbúðarfelagnum á Kneysum.