Frá fyrsta Smirli til í dag

Frá fyrsta Smirli til í dag - 24. sending
28-10-2021
Veturin 1973/74 verður Barsskor umbygdur munandi, Gertrud Joensen sigur okkum um ein dramatiska hending við Barsskor í Mikladali, og Per á Hædd lýsir umhvørvið á Stongunum

Tá skjøtil verður settur á sjeytiárini eru ongar av teimum 18 oyggjunum í Føroyum samanbundnar, samstundis sum fleiri bygdir framvegis onki vegasamband hava. Og hetta hevur sjálvandi við sær, at talið av strandfaraskipum og farleiðum er munandi hægri enn í dag.
Seks oyggjar verða tilsamans nevndar Norðoyggjar, og sostatt mynda hesar ein triðing av føroysku oyggjunum - ein triðingur, sum ikki hevði nakað fast samband fyri 1974. Og tað hevði við sær, at nógv virksemi fór fram við postbátum og ferðamannaskipum.
Og við ársbyrjan 1974 eru fleiri skip í rutusigling í Norðoyggjum. Lítla ferjan Selurin røkir farleiðina millum Hvannasund og Norðdepli, postbáturin Másin røkir farleiðina eystan Múla, Pride siglur millum Havnina og Klaksvík, samstundis sum Smyril eisini røkir hesa farleið um summarið. Bilferjan Ternan siglur millum Klaksvík og Leirvík, og Sildberin siglur til Kalsoynnað, Kunoy og eysturbygdirnar í Eysturoynnið, tí hann avloysir Barsskor, ið verður høvuðsumvældur.
Veturin 1973/74 varð postbáturin Barsskor umvældur og umbygdur munandi. Vit skifta orð við Martin Olsen, ið tá starvaðist á Skipasmiðjuni í Klaksvík, sum stóð fyri arbeiðinum við Barsskor.
Farleiðin við Barsskor til Mikladals og Trøllanes var mangan baldrut, og í 1966 framdi Gertrud Joensen, ið er búsitandi á Trøllanesi, eitt satt bragd, tá ið lítlibátur kom at liggja millum brimið og Barsskor, sum hevði fingið fanglínuna um skrúvuna og sostatt var steðgaður upp.
Vit hitta Gertrud Joensen, sum sigur okkum frá hesari hendingini.
Tað var eitt serligt huglag, har sum postbátarnir, ferðamannaskipini og ferjurnar plagdu at liggja. Og umhvørvið frá gamla Timburhandlinum og norður á Stengurnar í Klaksvík var onki undantak. Saman við Per á Hædd lýsa vit hetta umhvørvi, sum tað var serliga fyri ferjulegan varð tikin í nýtslu í 1974.
Tú kanst hoyra sendingina her!

Frá fyrsta Smirli til í dag

Frá fyrsta Smirli til í dag er sendirøð, ið lýsir føroyska samferðslusøgu í 125 ár.
Tveir serstakir Volvo bussar við hvør sínari spennandi søgu. Annar er í dag partur av Danmarks Jernbanemuseum í Odense, og hin varð keyptur frá Simon Spies
24-03-2022
Hóast fyrsta rutan hjá Bygdaleiðum byrjaði í 1979, var tað í 1980-árunum, at Bygdaleiðir menti seg til eina týðandi bussleið um alt landið
17-03-2022
Føroyska tyrluflúgvingin, ið var undir støðugari menning í 1980-árunum, fekk alstóran týdning fyri útoyggjarnar og smáplássini
10-03-2022
Leirvíksbergholið, ið varð tikið í nýtslu í 1985, fekk stóran týdning. Og hvørjar eru avbjóðingarnar, tá ið tú skalt koyra eina stóra maskinu í ringastu líkindum?
03-03-2022
Byrgingin um Haraldssund, sum varð kosin eitt fløkt stríðsmál, Kunoyartunnilin, vegurin til Múla og nýggj Terna um Leirvíksfjørð
17-02-2022
Vit taka saman um 1970-árini og seta skjøtil á 1980-árini í samfelagshøpi og tá ið talan er um samferðslu
10-02-2022
Tað var mangan bítandi kalt hjá monnunum, sum gróvu kava. Ferjulegan og umstøðurnar á Toftum. Og søgulig samrøða um fyrstu ljóskurvarnar í Havn
03-02-2022
Ritan kemur í 1971 og Ráðið fyri ferðslutrygd verður stovnað í 1976
27-01-2022
Farið varð undir at gera veg um fjallið, men tá ið saman um kom, varð tunnil gjørdur millum Sandvík og Hvalba
20-01-2022
Útoyggjarnar eru ein serlig avbjóðing í føroyskari samferðslusøgu, og í dag verður kósin sett til tvær teirra, nevniliga Skúvoy og Dímun
13-01-2022
Nógv stendur á landsstýrinum, suðuroyingar mótmæla, og skjóttgangandi tvíkiljan Hornøy kemur til landið
09-12-2021
Byrgingin um Hvannasund fekk sera stóran týdning, fyrst og fremst fyri Hvannasund og Viðareiði, men eisini fyri Klaksvík og norðurøkið yvirhøvir
02-12-2021