Frá fyrsta Smirli til í dag

Frá fyrsta Smirli til í dag - 35. sending
10-02-2022
Vit taka saman um 1970-árini og seta skjøtil á 1980-árini í samfelagshøpi og tá ið talan er um samferðslu

Stórar rembingar eru í Føroyum í 1980-árunum.
Á heysti 1980 slitnar landsstýrissamgongan millum Javnaðarflokkin, Fólkaflokkin og Tjóðveldisflokkin, og eftir ársskiftið er nýggj borgarlig samgonga skipað millum Sambandsflokkin, Fólkaflokkin og Sjálvsstýrisflokkin.
Og eins og áttatiárini byrja við samgongusliti, er endin á tíggjuaraskeiðnum hin sami, tí samgongan millum Fòlkaflokkin, Tjóðveldisflokkin, Sjálvstýrisflokkin og Kristiliga Fòlkaflokkin, Føroya Framburðs- og Fiskivinnuflokk, sum tók við 18. januar 1989, slitnar eftir at hava sitið við valdið í góðar fimm mánaðar. Jógvan Sundstein, løgmaður, skipar nýggja samgongu millum Fólkaflokkin, Sambandsflokkin og Tjóðveldisflokkin, men hendan verður heldur ikki langt lív lagað, tí hon slitnar longu 15. januar 1991.
Á tí meiri hugaliga bógnum kunnu nevnast, at tíggjuáraskeiðið byrjar við stóru CHM-kappingini í hondbólti, ið fer fram í Havn, Klaksvík og í Vági; Ove Joensen rør til Danmarkar; Sigurd Lamhauge rennur og svimur úr Suðuroy til Fugloyar; og tíggjuáraskeiðið endar við at Oyggjaleikirnir í 1989 verða hildnir í Føroyum.
Tað er eisini í 1980-árunum, at Norðurlandahúsið letur upp, Sjónvarp Føroya verður stovnað, vit fáa A-skattaskipanina, millumlandasiglingin hjá Smyrli verður einskild, Atlantic Airways fer á flog, og stóru íløgurnar í skipapakkarnar við farma-, kemikaliu- og svartkjaftaskipunum, ið fara at kosta landskassanum risastórar upphæddir, verða gjørdar.
Á samferðsluøkinum verður nýggj Terna bygd í 1980, og Dúgvan verður keypt í 1985 - sama árið, sum Leirvíkstunnilin verður tikin í nýtslu.
Tað er eisini í áttatiárunum, at Bygdaleiðir fara at koyra, farið verður undir regluliga tyrluflúgving til útoyggjarnar, og at eitt nú koyrandi verður til Múla, Kunoyar, eins og millum allar bygdarnir í Kalsoynnið.
Fólkatalið í Føroyum veksur eisini í áttatiárunum - við góðum 10,3 prosentum ella 4.486 fólkum - úr 43.287 í 1980 til 47.773 fólk í 1990.
Í sendingini hesuferð tosa vit við Hans Adrias Sølvará, dekan og professara í søgu, og Finnleif Durhuus, sum starvaðist sum leiðari á vegaumsitingardeildini hjá Landsverki í 33 ár. Eisini taka vit saman um tær mongu samferðsluútbyggingarnar, sum vórðu gjørdar í Føroyum í 1970-árunum.
Tú kanst hoyra sendingin her!

Frá fyrsta Smirli til í dag

Frá fyrsta Smirli til í dag er sendirøð, ið lýsir føroyska samferðslusøgu í 125 ár.
Tveir serstakir Volvo bussar við hvør sínari spennandi søgu. Annar er í dag partur av Danmarks Jernbanemuseum í Odense, og hin varð keyptur frá Simon Spies
24-03-2022
Hóast fyrsta rutan hjá Bygdaleiðum byrjaði í 1979, var tað í 1980-árunum, at Bygdaleiðir menti seg til eina týðandi bussleið um alt landið
17-03-2022
Føroyska tyrluflúgvingin, ið var undir støðugari menning í 1980-árunum, fekk alstóran týdning fyri útoyggjarnar og smáplássini
10-03-2022
Leirvíksbergholið, ið varð tikið í nýtslu í 1985, fekk stóran týdning. Og hvørjar eru avbjóðingarnar, tá ið tú skalt koyra eina stóra maskinu í ringastu líkindum?
03-03-2022
Byrgingin um Haraldssund, sum varð kosin eitt fløkt stríðsmál, Kunoyartunnilin, vegurin til Múla og nýggj Terna um Leirvíksfjørð
17-02-2022
Vit taka saman um 1970-árini og seta skjøtil á 1980-árini í samfelagshøpi og tá ið talan er um samferðslu
10-02-2022
Tað var mangan bítandi kalt hjá monnunum, sum gróvu kava. Ferjulegan og umstøðurnar á Toftum. Og søgulig samrøða um fyrstu ljóskurvarnar í Havn
03-02-2022
Ritan kemur í 1971 og Ráðið fyri ferðslutrygd verður stovnað í 1976
27-01-2022
Farið varð undir at gera veg um fjallið, men tá ið saman um kom, varð tunnil gjørdur millum Sandvík og Hvalba
20-01-2022
Útoyggjarnar eru ein serlig avbjóðing í føroyskari samferðslusøgu, og í dag verður kósin sett til tvær teirra, nevniliga Skúvoy og Dímun
13-01-2022
Nógv stendur á landsstýrinum, suðuroyingar mótmæla, og skjóttgangandi tvíkiljan Hornøy kemur til landið
09-12-2021
Byrgingin um Hvannasund fekk sera stóran týdning, fyrst og fremst fyri Hvannasund og Viðareiði, men eisini fyri Klaksvík og norðurøkið yvirhøvir
02-12-2021