Kamban

Hanus Kamban leggur sendingarnar til rættis. Sjálvur sigur hann, at: "Innihaldið í sendingunum er ætlað at vera fólksligt og – vónandi – undirhaldandi, men eisini mentanarliga og musikalskt gevandi.

Sendingarnar eru settar av tónleikabrotum og hugleiðingum við staðbundnum, persónligum og kosmopolitiskum dámi.

Hugsanin er at royna at framleiða tilfar, sum áhoyrarar kunnu kenna seg aftur í, og sum lutvíst – við tað at ein vitjar aftur á mið úr eins persónliga lívi – stundum kann fáa ein persónligan koloritt.