KvF 60 ár, sjónvarp

Sendingin, sum vit hava valt út til tykkum í kvøld, varð send fyri 30 árum síðani, tann 3. februar 1987, og hon ber heitið “Tey klæða føroyingar.”

Hetta er ein rættiliga forvitnislig sending, tí vitjað verður inni á einum av fyrstu ídnaðarvirkjunum í Føroyum, Klædnavirkinum í Gøtu.

Har framleiddu tey serliga arbeiðsklæðir til fólk í fiskiídnaðinum og oljuklæðir til sjómenn. Í sendingini verður tosað við fleiri av arbeiðsfólkunum, og við skræddaran og stjóran Jákup Hansen.

Tað vóru Árni Gregersen, Carsten M. Arnskov og Jógvan Páll Johannesen, sum gjørdu sendingina.