Árið 1627 er eitt av teimum døpru í íslendskari søgu og ikki minst í søgu vestmannaoyinga. Hetta várið fór ein floti av vælvápnaðum sjórænaraskipum vestur gjøgnum Gibraltarsundið. Hetta er fyrstu ferð, skip úr Algier fara vestur í hav. Teir hava hoyrt um eina stóra oyggj langt úti í útnorði og hava skilt, at sjórænarar eru sjáldsamir á hesum leiðum. Tíðliga um morgunin tann 20. juni sóu fólk í Grindavík á Suðurlandinum eitt stórt skip úti í havsbrúnni.