- Tíðindi, mentan og ítróttur
Vágskálin
Hesin spurningurin verður settur í sendingini hesaferð.
Tilgjørt vit ella Artificial Intelligence kann skapa tekstir, myndir og tónleik burtur úr frammanundan gjørdum verkum, sum teldurnar eru fóðraðar við.
Er sambært upphavsrættinum loyvt at fóðra tøknina við hesum verkunum? Duga teldur líka væl at skapa sum fólk? Hvussu skal økið regulerast?
Birgir Kruse, bloggari og lærari, Knút Háberg Eysturstein, PhD-lesandi í tónleiki á Fróðskaparsetri Føroya, og Øydis Bjerre, bókavørður á Landsbókasavninum, skifta orð um spurningin.
Torben Nielsen, KT-serfrøðingur, greiðir frá, hvat tilgjørt vit er og dugir, og Rakel Helmsdal, forkvinna í Rithøvundafelag Føroya, sigur sína hugsan um, hví tilgjørt vit kann fara at hótta rithøvundayrkið.
Uni Arge leggur til rættis
Vágskálin
Vágskálin er sending við mentanarligum ummælum.
Tveir ummælarar eru við hvørja ferð, og í flestu førum verða bøkur vigaðar á vágskálini.
Ummælini verða gjørd sum samrøður í útvarpsstovuni, og brot verða spæld úr tí, sum ummælt verður.
Á vágskálina kunnu eisini verða lagdir sjónleikir, framsýningar og framførslur. Serlig rák í tíðini verða viðhvørt vigað og viðgjørd.
Uni Arge leggur til rættis.
