Vágskálin

Vágskálin: Væl skrivað og ógvuslig skaldsøga um sálarsjúku
10-04-2024
Á vágskálina hesaferð leggja vit til skaldsøguna "Summarið varar ikki alt árið longur" hjá Katrini Ottarsdóttir

Skaldsøgan kom út í 2023 og er sjálvstøðugt framhald av skaldsøguni ?Gentan í verðini? eftir sama høvund, sum kom út í 2020.
Í søguni er gentan 16-17 ára gomul, og vit eru stødd í Havn í 1970?unum. Tónleikabólkar, sum verða nevndir, eru m.a. Uriah Heep og Black Sabbath, og vit hoyra eisini um yvirgangsfelagsskapin, Baader Meinhof.
Hann, sum oftast verður nevndur, er Leonard Cohen, sum er eitt slag av ugga hjá teirri ungu gentuni. Hennara størsta avbjóðing er mamman, sum er sálarsjúk. Onkuntíð koyrir dóttirin mammu sína til sálarlækna á statshospitalinum á síni Puch Maxi.
Onkra aðra tíð gresjar mamman allar sínar nervatablettir millum tenninar framman fyri dóttrini, og fyri tað mesta fremur mamman sálarligan yvirgang mótvegis dóttrini og pápanum við sínum bondsku útsagnum og ákærum.
Sanna Klein og Eilen Anthoniussen ummæla skaldsøguna, og tær halda, at talan er um eina ógvusliga lýsing av sálarsjúku. Søgan er heldur tung teir báðar fyrstu triðingarnar, sigur Sanna Klein, men søgan er djørv og væl skrivað, halda báðar.
Høvuðspersónarnir í søguni eru gentan, mamman og pápin, men sum søgan mennist, skilja vit, at gentan er við barn, og tað krógvar hon fyri foreldrum og vinum, til hon eigur.

Uni Arge leggur til rættis.

Vágskálin

Vágskálin er sending við mentanarligum ummælum. Tveir ummælarar eru við hvørja ferð, og í flestu førum verða bøkur vigaðar á vágskálini. Ummælini verða gjørd sum samrøður í útvarpsstovuni, og brot verða spæld úr tí, sum ummælt verður. Á vágskálina kunnu eisini verða lagdir sjónleikir, framsýningar og framførslur. Serlig rák í tíðini verða viðhvørt vigað og viðgjørd. Uni Arge leggur til rættis.
Bókin "Lítur aftur um bak" hjá Hans Eileri Hammer og Randi Mohr, journalisti, er til ummælis hesaferð
12-11-2024
Til umrøðu hesaferð eru fýra evni, m.a. bókin ”Frá Kuwait til Kyiv” eftir Hans Andrias Sølvará
04-11-2024
Á vágskálina hesaferð leggja vit bókina "Marta Marta" eftir Marjuna Syderbø Kjelnæs
29-10-2024
Bókin "Antisemitisma" hjá Hanusi Kamban er á vágskálini hesaferð
23-10-2024
Hesaferð leggja vit nýggja stuttsøgusavnið "7 søgur" eftir Katrina Ottarsdóttir á vágskálina
14-10-2024
Vit hoyra um Listasavn Føroya, sum skal útbyggjast og umvælast, og eru til móttøku á Føroyaprenti, har Jóanes Nielsen røddi um pappír og prentlist
09-10-2024
Á vágskálina hesaferð verður løgd bókin ”Heimurin, ið hvarv” um sangtónaskaldið Regin Dahl eftir Knút Háberg Eysturstein
02-10-2024
Bókin ”Hugleiðingar á marbakkanum” hjá Jens Christiani Carlsson verður ummælt hesaferð
18-09-2024
Á vágskálina hesaferð verður lagt bókaverkið "Tættir og teiti" eftir Tórð Jóhannesarson
11-09-2024
Í fyrstu Vágskálini hesa vetrarskránna verður bókin ”Tær góvu lív” eftir Rigmor Restorff Dam ummæld
04-09-2024
Sjónleikurin "Løstir" varð frumsýndur í Norðurlandahúsinum fríggjadagin, og vit hyggja nærri at honum
29-05-2024
Yrkingasøvnini "Eg hvessi mær knívin, eg komi heim" eftir Nansý Sunadóttir" og "Vit skulu upp og avstað" eftir Heðin M. Klein eru til viðgerðar.
22-05-2024