- Tíðindi, mentan og ítróttur
Vísindavøka – fyrilestrar
Hans Ellefsen er búskaparfrøðingur við ph.d. í fiskivinnubúskaparfrøði frá Syddansk Universitet. Hann er lektari í búskaparfrøði á Søgu- og samfelagsdeildini á Fróðskaparsetrinum.
Hans Ellefsen granskar serliga í, hvussu fiskivinnupolitikkur eigur at verða førdur.
Framløgan hjá Hans Ellefsen snýr seg um, hvørjir feilir hava verið gjørdir í føroyskum fiskivinnupolitikki seinastu 25 árini, og hvussu vit kundu gjørt tað betur.
Vísindavøka – fyrilestrar
Á hvørjum ári skipa Granskingarráðið og granskingarstovnarnir í Føroyum fyri Vísindavøku. Endamálið er at økja um áhugan fyri gransking og fyri granskingarúrslitum í samfelagnum.
Tiltakið er er sprottið úr átakinum European Researchers’ Night, sum hvørt ár verður fyriskipað seinasta fríggjakvøld í september og í døgunum frammanundan. Tiltakið verður hildið í býum kring alt Europa.
Við Vísindavøkuni ynskja Granskingarráðið og stovnarnir at skapa øktan kunnleika til og áhuga fyri tí, sum fer fram innan føroyska granskingarheimin.
