- Tíðindi, mentan og ítróttur
Vísindavøka – fyrilestrar
Rógvi Olavson er samfelagsfrøðingur og ph.d. lesandi á Fróðskaparsetrinum. Hann granskar í samfelagstreysti og politiskari kreppustýring.
Framløgan hjá Rógva Olavson snýr seg um, hvat ið ger seg galdandi, tá ið eitt land klárar seg væl ella illa gjøgnum eina kreppu. Eitt nú kláraðu Føroyar seg lutfalsliga væl gjøgnum COVID-19. Orsøkirnar eru nógvar, men serliga skjótleiki og álit hava stóran týdning.
Vísindavøka – fyrilestrar
Á hvørjum ári skipa Granskingarráðið og granskingarstovnarnir í Føroyum fyri Vísindavøku. Endamálið er at økja um áhugan fyri gransking og fyri granskingarúrslitum í samfelagnum.
Tiltakið er er sprottið úr átakinum European Researchers’ Night, sum hvørt ár verður fyriskipað seinasta fríggjakvøld í september og í døgunum frammanundan. Tiltakið verður hildið í býum kring alt Europa.
Við Vísindavøkuni ynskja Granskingarráðið og stovnarnir at skapa øktan kunnleika til og áhuga fyri tí, sum fer fram innan føroyska granskingarheimin.
