Summarmorgun

"Tvøroyri eigur hetta projektið, og her skulu øll vera vælkomin."

Soleiðis sigur Viberg Sørensen um felagið Naddoddur.

Bátafelagið Naddoddur bleiv stovnað 19. november 1995 á Tvøroyri. Endamálið var at byggja seksæring og neyst og soleiðis varðveita part av gomlu føroysku mentanini.

Í 1996 fekk felagið Pakkhúsið á Tanganum til ognar frá P/F N.J. Mortensen, og ætlanin um at byggja neyst bleiv slept.

31. mars 1997 bleiv báturin Naddoddur flotaður. Johan Olsen, bátabyggjari á Tvøroyri, bygdi seksæringin.

Bátafelagið eigur eisini 9 optimistjollur og fleiri gamlar træbátar, sum standa ymsastaðni runt fjørðin.

Einar Hammer hevur lagt stóra orku í at fríðka fiskastykkið, ið er næsti granni hjá Naddodda.

Hoyra samrøðurnar við Viberg Sørensen og Einar Hammer, sum vóru í sendingini Summarmorgun í morgun.