Summarmorgun

Kappingin um norðurlendska meistaraheitið í seyðahundum er av og Føroyar gjørdust nummar trý í liðkappingini aftanfyri Svøríki og Norra, men frammafyri Finnlandi og Danmark.
Teir sum luttóku vóru Tummas Jacobsen vid Moss, Páll Poulsen vid Milo og Jónleif Sólsker vid Jett.

Tummas Jacobsen endaði sum nummar átta í individuellu kappingini, og er væl nøgdur við úrslitið.

Tað eru serliga normenn, sum liggja frammalaga í seyðahundakappingum, men Tummas Jacobsen vísir á, at norðurlendsku kappingarneytarnar geva føroysku seyðahundunum góð skotsmál.

- Seinastu árini hevur arbeiði verið lagt í at ala og fáa til vega góðar seyðahundar, og tað sæst aftur, heldur Tummas Jacobsen, sum sigur, at nú hyggja fólk hendavegin at leita sær kunnleika um seyðahundarnar.

Lurtið eftir samrøðuni við Tummas Jacobsen, sum eisini greiðir frá, hvørjar eginleikar ein góður seyðahundur skal hava, og hvussu ein venur ein góðan seyðahund.