Við Tórði á túri

Við Tórði á túri við gomlum í garði
01-02-2021
Stakkur á kvøldskúlanum í Havn, hummarafiskiskapur á Árnafirði og ullarbeiði á Eiði eru evnini í dag, og eldsálirnar eru fólk í høgum aldri

92 ára gamla Jenny Samuelsen seymar stakk til ommudóttrina Jenny í Heiðunum. Tann yngra teknaði seg og ommuna til kvøldskúlan í Havn og báðar eru væl nøgdar, tí tann eldra hevur fingið eina spennandi uppgávu og tann yngra fær nýggjan stakk. Og lærarin, Tóra Tórgarð, heldur eisini at hetta er spennandi, tí sjálv hevur hon ongantíð seymað ein stakk. Annars hevur Jenny Samuelsen gjørt stakk og føroysk klæðir til nógvar dukkur, sum blivu burturlutaðar í Frelsunarherinum í Havn.

 

91 ára gamli John Høj og 88 ára gamli Eilev Joensen í Klaksvík eru systkinabørn og teir hava hesi seinnu árini fiskað hummara á Árnafirði. Hóast aldurin nú er høgur, so hava teir júst endurnýggjað hummaraloyvið og gleða seg at sleppa avstað aftur. Teir hava upp í 165 rúsur og sjálvir halda teir, at tann nógva fríska luftin hevur gjørt sítt til at teir hava orkað so væl sum sum teir hava.

 

92 ára gamla Anna Jacobina Ellingsgaard, vanliga nevnd Annebin, undirvísir í ullarbeiði í kvøldskúlanum á Eiði. Kvinnurnar virka burtur úr føroyskari ull. Ommudóttirin Durita Reinert hjálpir ommuni at undirvísa og Annebin er fegin at læra tær yngru hetta handverkið, sum hon lærdi frá ommu sínari, ið var ættað av Blankaskála. Skeiðið á Eiði er annaðhvørt vikuskiftið. Tað gevur meira enn at samlast einaferð um vikuna, siga Annebin og Durita. 

 

 

 

 

 

 

Í sendingini eru samrøður við hesi fólk: Jenny Samuelsen, Jenny í Heiðunum, Tóra Tórgarð, John Høj, Eilev Joensen, Anna Jacobina (Annebin) Ellingsgaard og Durita Reinert.

Við Tórði á túri

Í sendingini "Við Tórði á túri", sum verður send í Útvarpinum mánadag klokkan 17:05, vitjar Tórður Mikkelsen við mikrofonini bygdir og býir kring landið og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum. Tað eru nógvar smærri bygdir kring landið, sum sjáldan fáa pláss í miðlunum, men sum avgjørt hava sína søgu. Og hvørt menniskja hevur eina søgu at fortelja. Tað hoyra vit í reportasjunum í Útvarpinum mánadag klokkan 17:05. Fyri at skapa eina variatión í sendingunum, vitjar Tórður Mikkelsen viðhvørt býlingar og ávísar gøtur. Hann hevur eisini lýst serlig tiltøk, m.o. Bindifestivalin og Sjómannadagin, og onkuntíð er hann á túri í øðrum londum.
Við Tórði á túri í Løgtinginum
Endursending frá februar 2021. Í dag hitta vit tinglimir og onnur starvsfólk, ið eru til arbeiðis í okkara lóggevandi valdi, sum sigst vera elsta ting í heiminum
12-12-2022
Við Tórði á túri í rossabygdini í Havnardali
Bæði tíðliga og seint er nógv lív í úti í Havnardali, har fólk í tveimum felagsskapum hava tilsamans omanfyri 200 ross, ið skulu røktast og venjast. Ikki minst leygarmorgun
05-12-2022
Við Tórði á túri um seyðahaldið í Tasiluk í Suðurgrønlandi
Viðingurin Magnus Fuglø gjørdi dreymin til veruleika og bleiv seyðabóndi í Suðurgrønlandi og bleiv ein av teimum størstu. Sonurin Jacob Fuglø og onnur greiða frá
28-11-2022
Við Tórði á túri í Hornabø í Havn
Býlingurin í Hornabø er ein tætt vaksin býlingur omanfyri vestara havnarlag í Havn. Býlingurin hevur fingið navn eftir bóndagarðinum, Hornagarði
21-11-2022
Við Tórði á túri í Verkhúsinum Stíggi í Saltangará
Í Verkhúsinum Stíggi á Høgabóli er fjølbroytt virksemi, serliga tá tey gera lutir til stóru jólasøluna síðst í november. Tey sum vit hitta í sendingini eru glað fyri arbeiðið
14-11-2022
Við Tórði á túri í tunlunum Norður um Fjall
Bygdirnar norðanfyri fjall fara at vaksa, tí byggilendið í Klaksvík er so avmarkað, sigur árnfirðingur. Í dag vitja vit í nýggju tunlunum, ið nú fara at bresta fyri nev
07-11-2022
Við Tórði á túri á Bornholm (2:2)
Føroyingar trívast væl á Bornholm, hóast nógv fleiri føroyingar hava búð her, serliga tá nógvur fiskiskapur var í Eystursjónum
24-10-2022
Við Tórði á túri á Bornholm (1:2)
Bornholm verður ofta rópt klettaoyggin ella sólskinsoyggin, tí veðurlagið er gott. Og føroyingarnir, sum vit hitta, trívast eisini væl her. Stórur munur er á sumri og vetri
17-10-2022
Við Tórði á kvinnutúri í Ísrael (2:2)
Í seinna parti vitja vit í Hebron, har patriarkarnir og matriarkarnir liggja grivin, á Betlehems fløtum og á Masada, har ein ógvislig hending fór fram fyri 2000 árum síðani
10-10-2022
Við Tórði á kvinnutúri í Ísrael (1:2)
Tórður Mikkelsen hevur hesaferð verið spennandi ferð í Ísrael saman við einum kvinnuligum lesiringi, ið hevur lisið bøkur um fimm kvinnur í Bíbliuni. Menn sluppu eisini við
03-10-2022
Við Tórði á túri at reka í Lítlu Dímun
At sleppa við hvalbingum og sandvíkingum út í Lítlu Dímun at reka á heystardegi er ein spennandi og øðrvísi uppliving. Leygardagin var árligi rakstrardagurin í Lítlu Dímun
26-09-2022
Við Tórði á túri um kampinglív
Hesi seinastu árini eru ógviliga nógvir húsvognar komnir afturat í Føroyum og fólk trívast væl við kampinglív, bæði summar og vetur. Vit vitja kamping í Skálavík
19-09-2022