Við Tórði á túri

Við Tórði á túri við Garð í Fuglafirði
08-02-2021
Gomlu býlingarnir í Fuglafirði vóru fýra í tali, og uppi við Garð er tann næstelsti, sigur 93 ára gamli Evald Johannesen, sum vaks upp í býlinginum

Evald Johannesen er fróðarmaður burturav og í sendingini greiðir hann frá býlinginum við Garð og frá øðrum viðurskiftum í bygdini. M.a. frá gomlu Høvdahúsunum, sum eru flutt fýra ferðir og nú standa mitt í bygdini og lýsa umstøðurnar hjá forfedrunum. Evald sigur, at Fuglafjørður fór at vaksa av álvara beint eftir kríggið og nú tosar eingin um býlingar longur.

 

Ungi fuglfirðingurin Jóhan Eliasen býr í ættarhúsunum við Garð. Har vóru 13 fólk í húsi tann tíð tað var og nú eru tey akkurát passalig til eitt fólk. Jóhan er glaður fyri at búgva har og hann sigur, at tað gevur sær eina kenslu av at hoyra til.

 

Daysie Johannesen og børnini vórðu ovfarin og glað, tá tey í summar komu heimaftur úr Danmark og øll familjan hevði gjørt stóra terassu og ymiskt annað uttan um gomlu húsini. -Tey gjørdu tað fyri at gleða okkum og eg var málleys. Hetta vísir góða samanhaldið í familjuni, sigur Daysie. Hon er kassameistari í Fuglafjarðar Svimjifelag, har foreldrini hjá svimjarunum leggja stóra orku í.

 

Jákup Pauli Johannesen, sonur Evald, er arkitektur og býr í Klaksvík. Saman við einum øðrum røktar hann Skarðhaga í heimbygdini. Og tað er balsam fyri sálina at fara í hagan at hyggja til seyðin, sigur Jákup Pauli. Hann heldur, at tað ber væl til at vera vinur við seyð.

 

Per Samuelsen misti konuna fyri tveimum árum síðani og tí blivu húsini ov stór. Nú hevur hann keypt barnaheimið uppi við Garð, og honum dámar væl at vera komin aftur í barnaumhvørvið. Hann er ein av mongum harmonikuspælarum í Fuglafirði.

  

Við á túrinum í gamla býlinginum uppi við Garð í Fuglafirði eru sostatt hesi fólk: Evald Johannesen, Daysie Johannesen, Jóhan Eliasen, Jákup Pauli Johannesen og Per Samuelsen.

Við Tórði á túri

Í sendingini "Við Tórði á túri", sum verður send í Útvarpinum mánadag klokkan 17:05, vitjar Tórður Mikkelsen við mikrofonini bygdir og býir kring landið og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum. Tað eru nógvar smærri bygdir kring landið, sum sjáldan fáa pláss í miðlunum, men sum avgjørt hava sína søgu. Og hvørt menniskja hevur eina søgu at fortelja. Tað hoyra vit í reportasjunum í Útvarpinum mánadag klokkan 17:05. Fyri at skapa eina variatión í sendingunum, vitjar Tórður Mikkelsen viðhvørt býlingar og ávísar gøtur. Hann hevur eisini lýst serlig tiltøk, m.o. Bindifestivalin og Sjómannadagin, og onkuntíð er hann á túri í øðrum londum.
Hetta er fyrra sending við 91 ára gomlu Henny Egholm í Havn, sum fekk eina øðrvísi byrjan í lívinum enn tey flestu.
19-06-2023
86 ára gamli Mikkjal Sørensen av Viðareiði hevur í samfull 56 ár búð einsamallur í oynni Kingitoq í Suðurgrønlandi. Vit vitja Mikkjal, sum framvegis rør út og hevur seyð
13-06-2023
86 ára gamli Mikkjal Sørensen av Viðareiði hevur í samfull 56 ár búð einsamallur í oynni Kingitoq í Suðurgrønlandi. Vit vitja Mikkjal, sum framvegis rør út og hevur seyð
05-06-2023
Trongisvágsbotnur er ein sonn perla, sum nógv hoyrdu um fyrstu ferð tá stórt ruddingartiltak var har í september 2017. Saman við Peturi Karl av Rana, bónda, ganga vit í Botn
22-05-2023
Býlingurin úti í Grønlandi í vesturbýnum í Havn fekk hetta navnið, tí havnarfólk hildu at hann var so langt burtur. Einaferð var Grønlandsvegurin longsta postrutan í Havn
15-05-2023
Krígssavnið lýsir ein serligan kapittul, sum broytti nógv føroyska samfelagið. Umfatandi arbeiði fer fram í grøna SOR-bygninginum, samstundis sum framsýningin er opin
08-05-2023
Laksalúsin er lítil í vavi, men hon fyllir nógv í alivinnuni, og tað ger hon eisini hjá granskarunum á Fiskaaling við Áir. Har finna tey nýggjar loysnir í alivinnuni
01-05-2023
Orkestrið Ælabogin er nú 25 ár. Orkestrið fyri menningartarnað hevur framvegis stóran týdning nú spæla 38 fólk við í orkestrinum. Tey halda merkisdagin við uttanlandsferð
17-04-2023
Á fløtuni í Miðhoydølum, har Gróðurstøðin nú er, var minkagarður við 17.000 minkum. Tað vardi í 10 ár og so kom sjúka í og tað helt uppat. Vit hitta fleiri, ið arbeiddu har
03-04-2023
Býlingurin Bumshamar í Klaksvík hevur ikki bara eitt spennandi navn, men er ein spennandi býlingur og tey sum búgva her trívast væl
27-03-2023
Gamli býlingurin við Sjógv í Kollafirði er serliga kendur fyri kvæðaskaldskapin hjá sjóvarbóndanum. Nú verður arbeitt við at varðveita tað, ið eftir er av tí gamla við Sjógv
20-03-2023
Í Tórshavnar Musikkskúla á Landavegnum 84 í Vesturbýnum er lív í frá klokkan seks um morgunin til ellivu um kvøldið. Á hesum túrinum hitta vit bæði næmingar og lærarar
13-03-2023