Við Tórði á túri

Við Tórði á túri í Hvalba (2:2)
31-05-2021
Hvalba er størsta markatalsbygd í Føroyum, og í gomlum døgum var hon størsta bygd í landinum. Her er tvírøtt og tí var stutt at rógva út á fiskimiðini

Snorri Nónfjall er ein sonn bygdarmynd. Við kustinum sæst hann feia bygdina fyri kommununa. Serliga nógv feiar hann strekkið við Royn-húsið. Snorri sigur, at hann er ikki "nýsjerrigur", men hann hevur stóran áhuga fyri øllum sum hevur við bygdina at gera. 

 

Í einum gomlum húsum í Hvalba, Heimi í Stovu, hava trímenningarnir Guðrun Rógvadóttir og Johan Holm Simonsen endurskapt sálina í gomlu ættarhúsunum Bakkhúsi, sum eru tikin niður, tí handilin Bakkhús skuldi byggja út. Ættin úr Bakkhúsi er stór og tað var staðið, har øll komu um summarið, sigur Guðrun. Tað er hesa sálina, sum tey bæði hava roynt at endurskapa í einum øðrum húsum í bygdini. Og semja er um, at hetta hevur eydnast teimum.

 

Hvalba er størsta markatalsbygd í Føroyum og er helst millum elstu bygdir í landinum. Vit vita eisini, at Hvalba hevur verið størsta bygd í Føroyum. Aftur í hesari seinnu sendingini greiðir Jákup Næs Joensen frá ymiskum søguligum viðurskiftum í heimbygdini. M.a. um søgnina tá Tróndur í Gøtu, Hovgrímur og Svínoyar Bjarni skuldu drepa Brest og Beinir. Hann greiðir eisini frá Lítlu Dímun, sum fyllir nógv í hugaheiminum hjá hvalbingum.

 

Mýrarnar í Hvalba, sum er tað stóra og víða lendið mitt í bygdini, er eitt tað fuglaríkasta staðið í Føroyum, sigur Rúni Thomsen. Hann hevur stóran áhuga fyri fugli og eygleiðir fugl, ið er á ferð og steðgar her fyri at hvíla seg. M.a. sá Rúni tann fyrsta silvurhegran, sum er skrásettur í Føroyum. Tað var í 2007. Og triðja skráseting av silvurhegra var eisini her í 2017 og Rúni Thomsen sá eisini hann.

 

Vesturi á Heyggi, undir Grímsfjalli, er ætlanin at gera samanbygdar íbúðir. Ungi hvalbingurin Jens Christian Joensen hevur tikið stig til hesa verkæltan og hon verður veruleiki, sigur hann. Upplýsandi fundur var herfyri í Hvalba og áhugin fyri íbúðunum er sera stórur, sigur Jens Christian. 

 

Gamla elverkið í Hvalba er nú sethús. Her búgva hjúnini Maud Næs og Jimmy Schultz. Húsið hevur eisini verið leirverkstaður, har lutir eru virkaðir burtur úr leiri úr Prestfjalli. Maud greiðir frá serligu innrættingini og at tey hava verið trúgv móti upprunaligu húsunum. Jimmy, sum er dani, er kort síðani fluttur til Føroya, og hann trívist sera væl í Hvalba. Nú hevur hann m.a. fingið sær hønur og gjørt sær høsnarhús.

 

Poul Jespersen tekur ógviliga nógvar myndir av Hvalba og leggur út á sosialu miðlarnar. Hann er serliga hugtikin av heimbygdini, tí hann heldur at Hvalba er vakrasta bygd í Føroyum. Tað er serliga vakurt at taka myndir úr fjøllunum, tí ljósið er líka spennandi allar árstíðir og í ymsum veðri. Hann sigur at serliga hvalbingar uttanlands eru glaðir fyri myndirnar.

Við Tórði á túri

Í sendingini "Við Tórði á túri", sum verður send í Útvarpinum mánadag klokkan 17:05, vitjar Tórður Mikkelsen við mikrofonini bygdir og býir kring landið og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum. Tað eru nógvar smærri bygdir kring landið, sum sjáldan fáa pláss í miðlunum, men sum avgjørt hava sína søgu. Og hvørt menniskja hevur eina søgu at fortelja. Tað hoyra vit í reportasjunum í Útvarpinum mánadag klokkan 17:05. Fyri at skapa eina variatión í sendingunum, vitjar Tórður Mikkelsen viðhvørt býlingar og ávísar gøtur. Hann hevur eisini lýst serlig tiltøk, m.o. Bindifestivalin og Sjómannadagin, og onkuntíð er hann á túri í øðrum londum.
Høvuðspersónurin á túrinum í dag er 91 ára gamli gjáarmaðurin Petur Jacob Sigvardsen, sum hevur givið fleiri og 20 bøkur út eftir at hann bleiv pensiónistur
25-03-2024
Tey hava sungið nærum kring alt landið, og tað er hugtakandi at hoyra og síggja kórið Sangfuglar við minnisveikum fólkum framføra kórsang. Kórið hevur verið til í seks ár
18-03-2024
Í ár varð serliga nógv gjørt burtur úr í sambandi við kvinnudagin 8. mars. Tiltøk vóru alla vikuna og vit hoyra um nøkur á hesum túrinum.
11-03-2024
Fyrstu sethúsini í býlinginum á Breiðabliki í Havn vórðu reist fyri góðum 20 árum síðani. Og í dag vita tey, sum har búgva, at siga frá nógvum søgum
04-03-2024
Fyri 18. ferð hava torradagar verið í Klaksvík. Eitt tiltak, sum samlar nógv fólk í sambandi við fiskivinnu og mentan. Á hesum túri vitja vit fleiri av tiltøkunum
26-02-2024
Gamla Hospital í Havn, sum varð tikið í brúk í 1829, kemur nú til heiður og æru aftur. Í 43 ár hava Vanja Petersen og onnur arbeitt við at fáa tað til eitt savn ov fortíðina
19-02-2024
Næstseinasta vikuskifti var ein hópur av tannáringum á Mini Teen Street á Kambsdali. Í sendingini hitta vit fleiri, sum eisini plaga at vera á altjóða leguni í Týsklandi
12-02-2024
400 ára gamli studentagarðurin í Keypmannahavn, Regensen, er framvegis siðbundin studentagarður og har búgva í dag fimm føroyingar. Teir gomlu siðirnir eru framvegis á Garði
05-02-2024
Útróðrarbátar í Klaksvík fáa nógvan fisk, tá tað viðrar at sleppa út. Teir eru á einum máli um, at teir hava ikki niðurfiskað toskastovnin og teir eru ósamdir við frøðingarnar
29-01-2024
Pensjonistar í Kollafirði hugna sær í Tilhaldinum millum Bóla. Men tey halda, at tey kundu verið nógv fleiri. Tilhaldið er 35 ár og tey siga, at tað var fyrsa av sínum slag
22-01-2024
Tráan eftir farnari tíð, siðvenjur og hugni eru nøkur ting, vit seta í samband við jólatíðina. Í dag vitja vit kring landið og hesin túrur er merktur av jólafyrireiking
18-12-2023
Alt verður lættari, og tey fáa fleiri tímar um samdøgrið, siga pendlarar, nú Sandoyartunnilin verður tikin í brúk. Men tey fara at sakna hugnaligu prátini umborð á Teistanum
11-12-2023