Við Tórði á túri í Botni

14-06-2021

Fyri 100 árum síðani tóku hugsjónarmenn í Vági stig til fyrsta elektrisitetsverkið í Føroyum, eitt vantorkuverk, í vakra plássinum í Botni

Birgit Augustinussen og Hanna Rygshamar í Vági hava báðar traðkað barnaskógvar í Botni, sum er eitt av mongum vøkrum plássum í Suðuroynni, og í sendingini siga tær frá nógvum barnaminnum í Botni. Tær hava bara góð minnir og tær keddu seg ongantíð, hóast her var sera avskorið. Eingin vegur og brimpláss.

Vágbingurin Poul Andreasen skrivaði ein bókling, tá elektrisitetsverkið í Botni fylti 75 ár. Og nú verkið fyllir hundrað í juli, kemur ein rúgvusmiklari bók hjá honum út um evnið. Í sendingini greiðir Poul m.a. frá, hví vágbingar fóru at gera elektrisitetsverk í Botni fyri hundrað árum síðani.

Eyðun Johansen og Anton Petersen vóru millum arbeiðsmenninar, tá SEV gjørdi ein vatntunnil millum Vatnsnes í Hovi til Botn, og teir siga frá ymiskum hendingum. M.a. tá ógvisligur jarðskjálvti var í Vági beint eftir at tunnilin var gjørdur. Og Heri Mortensen, deildarstjóri fyri framleiðsluna hjá SEV, greiðir frá tá pápi sín, sum eisini arbeiddi í tunnlinum, fekk boðini um at Heri sjálvur varð komin í verðina.

Eirikur Norðberg, elverkfrøðingur hjá SEV, greiðir frá verkinum í Botni og frá savninum, sum er sett upp her í sambandi við hundrað ára haldið.

Tá verkið í Botni varð tikið í nýtslu fyri hundrað árum síðani var ljósfest í Vági. Tað verður aftur ljósfest nú verkið fyllir hundrað ár, og hesum tiltaki greiðir Magnus Pauli West, leiðari fyri Visit Suðuroy, frá í sendingini.

Við Tórði á túri

Í sendingini "Við Tórði á túri", sum verður send í Útvarpinum mánadag klokkan 17:05, vitjar Tórður Mikkelsen við mikrofonini bygdir og býir kring landið og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum. Tað eru nógvar smærri bygdir kring landið, sum sjáldan fáa pláss í miðlunum, men sum avgjørt hava sína søgu. Og hvørt menniskja hevur eina søgu at fortelja. Tað hoyra vit í reportasjunum í Útvarpinum mánadag klokkan 17:05. Fyri at skapa eina variatión í sendingunum, vitjar Tórður Mikkelsen viðhvørt býlingar og ávísar gøtur. Hann hevur eisini lýst serlig tiltøk, m.o. Bindifestivalin og Sjómannadagin, og onkuntíð er hann á túri í øðrum londum.

Henny Egholm (2:2): Skúlagenta í Havn undir trongum korum

12 ára gomul fór Henny Egholm til Havnar at ganga í millum- og realskúla, og har búði hon undir sera trongum korum saman við mammuni ymsa staðni í býnum

26-06-2023

Henny Egholm (1:2): Úr Íslandi til Sumbiar at vaksa upp

Hetta er fyrra sending við 91 ára gomlu Henny Egholm í Havn, sum fekk eina øðrvísi byrjan í lívinum enn tey flestu.

19-06-2023

Einbúgvin av Viðareiði (2:2)

86 ára gamli Mikkjal Sørensen av Viðareiði hevur í samfull 56 ár búð einsamallur í oynni Kingitoq í Suðurgrønlandi. Vit vitja Mikkjal, sum framvegis rør út og hevur seyð

13-06-2023

Einbúgvin av Viðareiði (1:2)

86 ára gamli Mikkjal Sørensen av Viðareiði hevur í samfull 56 ár búð einsamallur í oynni Kingitoq í Suðurgrønlandi. Vit vitja Mikkjal, sum framvegis rør út og hevur seyð

05-06-2023

Víð Tórði á túri í Trongisvágsbotni

Trongisvágsbotnur er ein sonn perla, sum nógv hoyrdu um fyrstu ferð tá stórt ruddingartiltak var har í september 2017. Saman við Peturi Karl av Rana, bónda, ganga vit í Botn

22-05-2023

Við Tórði á túri á Grønlandsvegnum í Havn

Býlingurin úti í Grønlandi í vesturbýnum í Havn fekk hetta navnið, tí havnarfólk hildu at hann var so langt burtur. Einaferð var Grønlandsvegurin longsta postrutan í Havn

15-05-2023

Við Tórði á túri á Krígssavninum í Vágum

Krígssavnið lýsir ein serligan kapittul, sum broytti nógv føroyska samfelagið. Umfatandi arbeiði fer fram í grøna SOR-bygninginum, samstundis sum framsýningin er opin

08-05-2023

Við Tórði á túri á Fiskaaling við Áir

Laksalúsin er lítil í vavi, men hon fyllir nógv í alivinnuni, og tað ger hon eisini hjá granskarunum á Fiskaaling við Áir. Har finna tey nýggjar loysnir í alivinnuni

01-05-2023

Við Tórði á túri við orkestrinum Ælaboganum

Orkestrið Ælabogin er nú 25 ár. Orkestrið fyri menningartarnað hevur framvegis stóran týdning nú spæla 38 fólk við í orkestrinum. Tey halda merkisdagin við uttanlandsferð

17-04-2023

Við Tórði á túri í minkagarðinum í Hoydølum

Á fløtuni í Miðhoydølum, har Gróðurstøðin nú er, var minkagarður við 17.000 minkum. Tað vardi í 10 ár og so kom sjúka í og tað helt uppat. Vit hitta fleiri, ið arbeiddu har

03-04-2023

Við Tórði á túri á Bumshamri í Klaksvík

Býlingurin Bumshamar í Klaksvík hevur ikki bara eitt spennandi navn, men er ein spennandi býlingur og tey sum búgva her trívast væl

27-03-2023

Við Tórði á túri við Sjógv í Kollafirði

Gamli býlingurin við Sjógv í Kollafirði er serliga kendur fyri kvæðaskaldskapin hjá sjóvarbóndanum. Nú verður arbeitt við at varðveita tað, ið eftir er av tí gamla við Sjógv

20-03-2023