Við Tórði á túri

Við Tórði á túri í Botni
14-06-2021
Fyri 100 árum síðani tóku hugsjónarmenn í Vági stig til fyrsta elektrisitetsverkið í Føroyum, eitt vantorkuverk, í vakra plássinum í Botni

Birgit Augustinussen og Hanna Rygshamar í Vági hava báðar traðkað barnaskógvar í Botni, sum er eitt av mongum vøkrum plássum í Suðuroynni, og í sendingini siga tær frá nógvum barnaminnum í Botni. Tær hava bara góð minnir og tær keddu seg ongantíð, hóast her var sera avskorið. Eingin vegur og brimpláss.

 

Vágbingurin Poul Andreasen skrivaði ein bókling, tá elektrisitetsverkið í Botni fylti 75 ár. Og nú verkið fyllir hundrað í juli, kemur ein rúgvusmiklari bók hjá honum út um evnið. Í sendingini greiðir Poul m.a. frá, hví vágbingar fóru at gera elektrisitetsverk í Botni fyri hundrað árum síðani.

 

Eyðun Johansen og Anton Petersen vóru millum arbeiðsmenninar, tá SEV gjørdi ein vatntunnil millum Vatnsnes í Hovi til Botn, og teir siga frá ymiskum hendingum. M.a. tá ógvisligur jarðskjálvti var í Vági beint eftir at tunnilin var gjørdur. Og Heri Mortensen, deildarstjóri fyri framleiðsluna hjá SEV, greiðir frá tá pápi sín, sum eisini arbeiddi í tunnlinum, fekk boðini um at Heri sjálvur varð komin í verðina.

 

Eirikur Norðberg, elverkfrøðingur hjá SEV, greiðir frá verkinum í Botni og frá savninum, sum er sett upp her í sambandi við hundrað ára haldið. 

 

Tá verkið í Botni varð tikið í nýtslu fyri hundrað árum síðani var ljósfest í Vági. Tað verður aftur ljósfest nú verkið fyllir hundrað ár, og hesum tiltaki greiðir Magnus Pauli West, leiðari fyri Visit Suðuroy, frá í sendingini.

Við Tórði á túri

Í sendingini "Við Tórði á túri", sum verður send í Útvarpinum mánadag klokkan 17:05, vitjar Tórður Mikkelsen við mikrofonini bygdir og býir kring landið og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum. Tað eru nógvar smærri bygdir kring landið, sum sjáldan fáa pláss í miðlunum, men sum avgjørt hava sína søgu. Og hvørt menniskja hevur eina søgu at fortelja. Tað hoyra vit í reportasjunum í Útvarpinum mánadag klokkan 17:05. Fyri at skapa eina variatión í sendingunum, vitjar Tórður Mikkelsen viðhvørt býlingar og ávísar gøtur. Hann hevur eisini lýst serlig tiltøk, m.o. Bindifestivalin og Sjómannadagin, og onkuntíð er hann á túri í øðrum londum.
Bæði tíðliga og seint er nógv lív í úti í Havnardali, har fólk í tveimum felagsskapum hava tilsamans omanfyri 200 ross, ið skulu røktast og venjast. Ikki minst leygarmorgun
05-12-2022
Viðingurin Magnus Fuglø gjørdi dreymin til veruleika og bleiv seyðabóndi í Suðurgrønlandi og bleiv ein av teimum størstu. Sonurin Jacob Fuglø og onnur greiða frá
28-11-2022
Býlingurin í Hornabø er ein tætt vaksin býlingur omanfyri vestara havnarlag í Havn. Býlingurin hevur fingið navn eftir bóndagarðinum, Hornagarði
21-11-2022
Í Verkhúsinum Stíggi á Høgabóli er fjølbroytt virksemi, serliga tá tey gera lutir til stóru jólasøluna síðst í november. Tey sum vit hitta í sendingini eru glað fyri arbeiðið
14-11-2022
Bygdirnar norðanfyri fjall fara at vaksa, tí byggilendið í Klaksvík er so avmarkað, sigur árnfirðingur. Í dag vitja vit í nýggju tunlunum, ið nú fara at bresta fyri nev
07-11-2022
Føroyingar trívast væl á Bornholm, hóast nógv fleiri føroyingar hava búð her, serliga tá nógvur fiskiskapur var í Eystursjónum
24-10-2022
Bornholm verður ofta rópt klettaoyggin ella sólskinsoyggin, tí veðurlagið er gott. Og føroyingarnir, sum vit hitta, trívast eisini væl her. Stórur munur er á sumri og vetri
17-10-2022
Í seinna parti vitja vit í Hebron, har patriarkarnir og matriarkarnir liggja grivin, á Betlehems fløtum og á Masada, har ein ógvislig hending fór fram fyri 2000 árum síðani
10-10-2022
Tórður Mikkelsen hevur hesaferð verið spennandi ferð í Ísrael saman við einum kvinnuligum lesiringi, ið hevur lisið bøkur um fimm kvinnur í Bíbliuni. Menn sluppu eisini við
03-10-2022
At sleppa við hvalbingum og sandvíkingum út í Lítlu Dímun at reka á heystardegi er ein spennandi og øðrvísi uppliving. Leygardagin var árligi rakstrardagurin í Lítlu Dímun
26-09-2022
Hesi seinastu árini eru ógviliga nógvir húsvognar komnir afturat í Føroyum og fólk trívast væl við kampinglív, bæði summar og vetur. Vit vitja kamping í Skálavík
19-09-2022
4. august fylti Betta Eið í Nesi í Hvalba 100 ár, og stórur føðingardagur var í Royhøllini. Her er samrøða við Bettu, sum framvegis er røsk at siga frá
12-09-2022