Við Tórði á túri í Botni

14-06-2021

Fyri 100 árum síðani tóku hugsjónarmenn í Vági stig til fyrsta elektrisitetsverkið í Føroyum, eitt vantorkuverk, í vakra plássinum í Botni

Birgit Augustinussen og Hanna Rygshamar í Vági hava báðar traðkað barnaskógvar í Botni, sum er eitt av mongum vøkrum plássum í Suðuroynni, og í sendingini siga tær frá nógvum barnaminnum í Botni. Tær hava bara góð minnir og tær keddu seg ongantíð, hóast her var sera avskorið. Eingin vegur og brimpláss.

Vágbingurin Poul Andreasen skrivaði ein bókling, tá elektrisitetsverkið í Botni fylti 75 ár. Og nú verkið fyllir hundrað í juli, kemur ein rúgvusmiklari bók hjá honum út um evnið. Í sendingini greiðir Poul m.a. frá, hví vágbingar fóru at gera elektrisitetsverk í Botni fyri hundrað árum síðani.

Eyðun Johansen og Anton Petersen vóru millum arbeiðsmenninar, tá SEV gjørdi ein vatntunnil millum Vatnsnes í Hovi til Botn, og teir siga frá ymiskum hendingum. M.a. tá ógvisligur jarðskjálvti var í Vági beint eftir at tunnilin var gjørdur. Og Heri Mortensen, deildarstjóri fyri framleiðsluna hjá SEV, greiðir frá tá pápi sín, sum eisini arbeiddi í tunnlinum, fekk boðini um at Heri sjálvur varð komin í verðina.

Eirikur Norðberg, elverkfrøðingur hjá SEV, greiðir frá verkinum í Botni og frá savninum, sum er sett upp her í sambandi við hundrað ára haldið.

Tá verkið í Botni varð tikið í nýtslu fyri hundrað árum síðani var ljósfest í Vági. Tað verður aftur ljósfest nú verkið fyllir hundrað ár, og hesum tiltaki greiðir Magnus Pauli West, leiðari fyri Visit Suðuroy, frá í sendingini.

Við Tórði á túri

Í sendingini "Við Tórði á túri", sum verður send í Útvarpinum mánadag klokkan 17:05, vitjar Tórður Mikkelsen við mikrofonini bygdir og býir kring landið og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum. Tað eru nógvar smærri bygdir kring landið, sum sjáldan fáa pláss í miðlunum, men sum avgjørt hava sína søgu. Og hvørt menniskja hevur eina søgu at fortelja. Tað hoyra vit í reportasjunum í Útvarpinum mánadag klokkan 17:05. Fyri at skapa eina variatión í sendingunum, vitjar Tórður Mikkelsen viðhvørt býlingar og ávísar gøtur. Hann hevur eisini lýst serlig tiltøk, m.o. Bindifestivalin og Sjómannadagin, og onkuntíð er hann á túri í øðrum londum.

Við Tórði á túri í Tróndargøtu í Havn

Tróndargøta er í hjartanum í høvuðsstaðnum. Serliga tann niðasti og elsti parturin er hugnaligur, tí har er eingin gjøgnumkoyring og fólk ganga mitt eftir gøtuni

07-03-2022

Við Tórði á túri á Ovaravegi á Toftum

Í dag vitjar forvitna mikrofonin á Regnavegnum, sum gamli Ovari vegur á Toftum nú eitur. Tey, sum vit hitta har, greiða frá nógvum áhugaverdum upplivingum og hendingum

28-02-2022

Við Tórði á túri upp á gólv

Umsíðir eru dansifeløgini kring landið farin til verka aftur. Á túrinum í dag vitja vit Ung í dansi í Mikladali, Klaksvíkar Dansifelag og Stígum fast í Dali

21-02-2022

Við Tórði á túri á Grøna Háskúlanum á Sandi

Mat- og Moldmentanarháskúlin á Sandi hevur til endamáls at læra okkum at klára okkum við grøðina, sum veksur í okkara egnu mold. Tað er partur av okkara samleika, sigur skúlin

14-02-2022

Víð Tórði á túri í Svínoy (2:2)

Hóast lítið fólk býr fast í Svínoy, so er bygdin í hesum døgum merkt av virkinum, sum alir rognkelsi at basa laksalúsini og bátasavninum, sum nú skal byggjast

07-02-2022

Við Tórði á túri í Svínoy (1:2)

Svínoy man vera millum elstu bygdir í landinum. Í 900-talinum var Svínoyar-Bjarni bóndi her, og er við í Føroyingasøgu. Fólkatalið í Svínoy er nógv minkað seinastu árini

24-01-2022

Við Tórði á túri um staðarnøvn

Áhugin fyri staðarnøvnum er vaksin aftur. Bók er júst komin út við staðarnøvnum í Mykinesi, og við Gjógv er serliga nógv gjørt burtur úr staðarnøvnum bæði innan- og uttangarðs

17-01-2022

Við Tórði á túri í Vestmanna við Odu, Olafi og Jákupi

Oda Johannesen, Olaf Haldansen og Jákup í Gerðinum, sum eru meira enn hálvtriðhundrað ár tilsamans, tosa serliga um barnaminnir í Vestmanna og á Signabø

10-01-2022

Við Tórði á túri eftir jólamati

Mong húsarhald hava fastan sið, hvat verður etið teir ymisku jóladagarnar. Á hesum túrinum hoya vit um ymiskan jólamat

06-12-2021

Við Tórði á túri á Ískaiini í Havn

Á Ískaiini á vestara havnarlagi í Havn er lív í egningarskúrunum. Júst nú hava átta bátar fingið ein skúr sum teir eru saman um

29-11-2021

Við Tórði á túri um føroyskar plantur

Í sendingini hitta vit nakrar eldsálir, sum hava eitt serligt hjarta fyri at varðveita tær føroysku planturnar. Tey ávara móti fremmandum vøkstri, ið ger av við okkara egna

22-11-2021

Við Tórði á túri í Øravík

Øravík er ein søgulig bygd og fyrr var hon ein landbúnaðarbygd, hóast ikki serliga nógv jørð er í bygdini. Fólkatalið í Øravík er nógv minkað, tí tey ungu flyta av bygdini

15-11-2021