Við Tórði á túri

Við Tórði á túri á Ovaravegi á Toftum
28-02-2022
Í dag vitjar forvitna mikrofonin á Regnavegnum, sum gamli Ovari vegur á Toftum nú eitur. Tey, sum vit hitta har, greiða frá nógvum áhugaverdum upplivingum og hendingum

Hjúnini Ethel og Jákup Hansen á Regnavegi 8 hava hildið saman síðani í sekstiárunum. Ethel vaks upp í Onglandi og sum ung kom hon til Føroya at vitja ommuna og abban og familjuna, og hon fór ongantíð avstað aftur. Ethel situr nógv og arbeiðir í rúmliga seymirúminum, og Jákup, sum mong ár var skipari, fylgir framvegis væl við fiskiskapi og skipaferðslu. Hann er dagliga í Undirhúsinum á Toftakai og bæði eru tey virkin, tá tey eldru samlast í missiónshúsinum.

 

87 ára gamla Torborg Hansen á Regnavegi 14 ger døgurða hvønn dag, og dagliga savnast synirnir til døgurða hjá mammuni. Í dag sita fimm synir við borðið og eta, og teir eru væl nøgdir við mantin hjá mammuni. Teir eru Jens Kristian, Petur Hans, Høgni, Heri og Øssur. Elsti beiggin, Asbjørn, er í Barentshavinum. Bæði móðir og synir siga, at døgurðatímin í barnaheiminum er hæddarpunktið á degnum.

 

Havnardaman Armgarð Arnbjarnardóttir á Regni trívist væl á Regnavegi, og henni dámar væl at fara til handils og at fólk hava tíð at tosa saman. Hon sigur, at hon hevur bundið serliga nógv í seinastuni, tí koronastíðin í húsinum hevur verið drúgv. Armgarð hevur framvegis heitið sum Føroya sterkasta kvinna, hóast tað eru nøkur ár síðani kappingin var.

 

Thurid Olsen brúkar nógva tíð at spæla Candy Crush á Ipaddinum. -Tú verður púra bitin av tí um tú byrjar, sigur hon. Thurid og systirin Helga Gleðisheygg hava mangan undirhildið við mótasýningum og ymsum smáum skemtileikum, m.a. á Bátafestivalinum á Toftum. -Okkum dáma so sera væl at spæla komediu, sigur Thurid, sum hugnar í køkinum saman við manninum Óla, tá útvarpsverturin brádliga kemur inn. 

 

Fyrrverandi løgtingsmaðurin Jógvan Ingvard Olsen, sum er 91 ára gamal, sigur, at tað virkna lívið er av. Hann er nógv upptikin av teimum andaligu virðunum. Jógvan Ingvard Olsen sigur, at eingin hevði droymt um at broytingarnar í samfelagnum skuldu verða so stórar sum tær hava verið. Størstu einstaku broytingina heldur hann vera tá SEV kom.  

 

Annars eru tey, sum tosað verður við í sendingini, hesi: Ethel Hansen, Jákup Hansen, Armgarð Arnbjarnardóttir á Regni, Torborg Hansen, Jens Christian Hansen, Petur Hans Hansen, Høgni Hansen, Heri Hansen, Øssur Hansen, Jógvan Ingvard Olsen, Thurid Olsen og Óli Olsen

Við Tórði á túri

Í sendingini "Við Tórði á túri", sum verður send í Útvarpinum mánadag klokkan 17:05, vitjar Tórður Mikkelsen við mikrofonini bygdir og býir kring landið og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum. Tað eru nógvar smærri bygdir kring landið, sum sjáldan fáa pláss í miðlunum, men sum avgjørt hava sína søgu. Og hvørt menniskja hevur eina søgu at fortelja. Tað hoyra vit í reportasjunum í Útvarpinum mánadag klokkan 17:05. Fyri at skapa eina variatión í sendingunum, vitjar Tórður Mikkelsen viðhvørt býlingar og ávísar gøtur. Hann hevur eisini lýst serlig tiltøk, m.o. Bindifestivalin og Sjómannadagin, og onkuntíð er hann á túri í øðrum londum.
Við Tórði á túri á Sevmýri á Tvøroyri
Í dag er túrurin í býlinginum á Sevmýri, har nógvar søguligar uppgerðir hava verið í fótbólti, men her henda stórar broytingar júst nú. Og vit hitta fleiri fólk, ið búgva her
15-04-2024
Við Tórði á túri við Petur Jacobi Sigvardsen
Høvuðspersónurin á túrinum í dag er 91 ára gamli gjáarmaðurin Petur Jacob Sigvardsen, sum hevur givið fleiri og 20 bøkur út eftir at hann bleiv pensiónistur
25-03-2024
Við Tórði á túri við demenskórinum Sangfuglum
Tey hava sungið nærum kring alt landið, og tað er hugtakandi at hoyra og síggja kórið Sangfuglar við minnisveikum fólkum framføra kórsang. Kórið hevur verið til í seks ár
18-03-2024
Við Tórði á túri á kvinnudegnum
Í ár varð serliga nógv gjørt burtur úr í sambandi við kvinnudagin 8. mars. Tiltøk vóru alla vikuna og vit hoyra um nøkur á hesum túrinum.
11-03-2024
Við Tórði á túri á Breiðabliki í Havn
Fyrstu sethúsini í býlinginum á Breiðabliki í Havn vórðu reist fyri góðum 20 árum síðani. Og í dag vita tey, sum har búgva, at siga frá nógvum søgum
04-03-2024
Við Tórði á torratúri í Klaksvík
Fyri 18. ferð hava torradagar verið í Klaksvík. Eitt tiltak, sum samlar nógv fólk í sambandi við fiskivinnu og mentan. Á hesum túri vitja vit fleiri av tiltøkunum
26-02-2024
Við Tórði á túri á Gamla Hospital
Gamla Hospital í Havn, sum varð tikið í brúk í 1829, kemur nú til heiður og æru aftur. Í 43 ár hava Vanja Petersen og onnur arbeitt við at fáa tað til eitt savn ov fortíðina
19-02-2024
Við Tórði á túri á Mini Teen Street á Kambsdali
Næstseinasta vikuskifti var ein hópur av tannáringum á Mini Teen Street á Kambsdali. Í sendingini hitta vit fleiri, sum eisini plaga at vera á altjóða leguni í Týsklandi
12-02-2024
Við Tórði á túri á Garði í Keypmannahavn
400 ára gamli studentagarðurin í Keypmannahavn, Regensen, er framvegis siðbundin studentagarður og har búgva í dag fimm føroyingar. Teir gomlu siðirnir eru framvegis á Garði
05-02-2024
Við Tórði á túri í egningarskúrunum á Stongunum í Klaksvík
Útróðrarbátar í Klaksvík fáa nógvan fisk, tá tað viðrar at sleppa út. Teir eru á einum máli um, at teir hava ikki niðurfiskað toskastovnin og teir eru ósamdir við frøðingarnar
29-01-2024
Við Tórði á túri í Tilhaldinum millum Bóla í Kollafirði
Pensjonistar í Kollafirði hugna sær í Tilhaldinum millum Bóla. Men tey halda, at tey kundu verið nógv fleiri. Tilhaldið er 35 ár og tey siga, at tað var fyrsa av sínum slag
22-01-2024
Við Tórði á jólatúri
Tráan eftir farnari tíð, siðvenjur og hugni eru nøkur ting, vit seta í samband við jólatíðina. Í dag vitja vit kring landið og hesin túrur er merktur av jólafyrireiking
18-12-2023