- Tíðindi, mentan og ítróttur
Við Tórði á túri
63 ára gamli Trúgvi Samuelsen er seinasta skúlabarnið á Borðuni. Hann keddi seg ikki eina løtu. Hann var vinmaður við teir vaksnu menninar og slapp m.a. við teimum at veiða fugl. Kortini sníkti hann seg sjálvur onkuntíð í bjørgini.
Asbjørn Østerø, dagligur leiðari fyri vitarnar í Føroyum, greiðir frá linsuni í vitanum, sum er tann upprunaliga frá 1800-talinum.
Hákun Torkilshøj sigur, at linsan í Nólsoyar vita er ein av teimum trimum størstu linsunum í heiminum. Sum ungur maður var Hákun avloysari á Borðuni í seks ár.
Gunnvá Zachariasen lesir eitt skriv, sum mamman hevur skrivað um barnaárini á Borðuni. Hon skrivaði tað til sína ommudóttir í sambandi við eina skúlauppgávu.
Hans Petur Kjærbo, økisvitapassari, sigur frá einari spennandi søgu, tá tað spøkti á Borðuni.
92 ára gamla Julianna Samuelsen var saman við manninum Olafi og familjuni á Borðuni í 16 ár. Hon sigur, at hjá konunum var nógv at gera, tí eingin var at gera nakað fyri tær.
Nólsoyingurin Hilmar Joensen var nógv á Borðuni saman við pápanum, ið arbeiddi har í nógv ár. Hilmar sigur, at Borðan var sum eitt ævintýrland.
Systrarnar Kitty Johansen og Katrin Torkilshøj Danielsen greiða frá urtagørðunum og úthúsunum.