Fríggjadagur 18. oktober: Vit prátaðu við Sølva Reinert Hansen frá Svimjisambandi Føroya um norðurlendska ráðstevnu í Norðurlandahúsinum um frálæru í svimjing. Vikuskiftissendingin var á gátt heima hjá Óla á Grindafløtti Undir Heygnum í sambandi við, at hann skal spæla á tónleikafestivalinum Skrapt um vikuskiftið. Elsa Jacobsen frá Visit Runavík var í sendingini umvegis telefon og greiddi frá um tiltøk í Runavík. Vit vóru á gátt í Kunningarstovuni í Havn og prátaðu við Daniellu Hentze Danielsen um tiltøk í Havn. Marianna Nagata var á gátt um egna konsert. Pól Arni Holm greiddi frá um konsert við Hamradun. Jákup Sørensen var á gátt um kokkakapping. Jákup Mørk greiddi frá um olympiska vektlyfting. Bernhard Petersen greiddi frá um 100 ára føðingardag hjá Frelsunarherinum. <br/>
Tróndur Vatnhamar og Leivur Thomsen løgdu til rættis