Vit hava fingið bræv frá Miu, sum er 9 ára gomul og býr í Vestmanna. Pápin hevur bátin Blástein, og hann fer ofta út at fiska við ferðafólki. Vit eru sera hepnar at sleppa at fiska saman við Miu og beiggjanum, sum eitur Tóri, sum er 12 ár.

Vit hava fingið bræv frá Onnu Elisabeth. Hon eigur hundar, hønur, marsvín og fiskar. Hon hevur bjóðað okkum til Rituvíkar, har hon býr.

Tey í 5.flokki í Sands skúla eru Ársins Vitanarfróðu 2019. Yvirskriftin var - Hvønn lit hevur spegl?

Vit eru á vitjan í Streymnesi. Her býr 8 ára gamli Benjamin, sum eigur nógv lego. Vit hoyra, tá ið hann byggir og greiðir frá.

Vit hava fingið bræv frá 14 børnum, sum ganga í skúlabólki í Klaksvík. Tey halda til í Gerðastovu. Tey hava sungið Burtur á heiði í studio og so hava tey gjørt ein film.

Vit eru á Skála og vitjað Eivy, sum eigur fleiri djór.

Vit eru til hundavenjing saman við Emiliu. Hon eigur hundin Livu. Emilia fyrireikar seg til hundaframsýning.

Vit vitja Brynhild Høgnadóttir, sum arbeiðir á Ráðnum fyri ferðslutrygd. Tað er sera týdningarmikið at brúka endurskin, serstakliga tá ið tað er myrkt meginpartin av degnum. Eisini fáa vit onnur góð ráð um ferðslu.

1. 2. og 3. flokkur í Leirvíkar skúla hava evnisarbeiði um náttúruna. Vit hoyra tey greiða frá og fara eisini ein túr oman í fjøruna í Leirvík.

Vit eru í Miðvági saman við Fjólu, sum hevur spælt tvørfloytu, síðani hon var 6 ára gomul.

Hesa ferð eru vit í Gøtu skúla, tí tey hava boðið okkum í felags føðingardag. Á hvørjum ári halda tey føðingardag, og gera nógv burturúr undirhaldi. Eisini fáa tey morgunmat og hava blandað bomm við.

Vit hava fingið bræv úr Kaldbak. Brævið er frá frítíðarskúlanum. Har eru trý børn. Tey hava arbeitt við havinum og vilja greiða frá í - Lova mær við í Barnaútvarpinum.

Í Kollafirði er eitt so fitt heimalamb, sum dámar sera væl at ganga túr. Maria Kristensa eigur heimalambið - hon og vinkonurnar Liva og Enja ganga túr saman við heimalambinum.

Vit eru við, tá ið Heðin og Jóhannis spæla Fifa.

Joan gongur til saksofon í musikskúlanum í Havn. Hon heldur tað er eitt stuttligt ljóðføri og systir hennara, Kristfríð, spælir eisini saksofon, so vit hoyra tær báðar spæla brot úr Mama Mia hjá ABBA. Eirikur Skála er lærari hjá teimum báðum.

Tey í 4. 5. 6. og 7.flokki í skúlanum á Fløtum í Havn, hava havt stuttligar dagar. Tey hava bygt kassabilar og bjóða okkum við til kassabilakappkoyring.

Vit eru bodnar í Frískúlanum í Havn, sum er á Velbastað. Her hava tey evnisviku um kenslur.

Í frítíðarskúlanum á Velbastað hava tey funnið eina konu í bikini í kjallaranum. Hetta er sera spennandi og eisini er spennandi at vita, hvussu hon er komin í frítíðarskúlanum á Velbastað.

Vit hava fingið bræv frá Mikkjal og John, sum búgva á Toftum. Hvørt fríggjakvøld eru teir til kurvabólt í Tofta skúla.

Vit hava fingið bræv frá Leu, sum nú býr í Syðrugøtu. Hon hevur fingið ein lítlabeigja, og hevur fleiri vinkonur. Eisini sparkar hon fótbólt við Víkingi.

Vit eru á vitjan hjá Lilju, sum hevur hundin Leiku. Lilja býr á Skála.

Vit hava fingið bræv frá Auru, Zeth, Sasju og Seliu. Tey hava málað nógvar myndir og hava listaframsýning í Smiðjuni í Lítluvík.

Vit hava fingið bræv frá vinkonunum Emblu og Nikobu. Tær ganga hjá gulu skótunum, og bjóða okkum við á skótafund.

Vit hava fingið bræv úr Norðagøtu. Brævið er frá Brynhild, sum hevur Shetlands pony. Og her fáa vit nógv nýtt at vita.

Hvør er Ragnhild? Jú, Ragnhild er ein skjaldbøka, sum vit fara at hoyra um í sendingini. Og tey sum greiða frá ganga í yngru deilidini í Nólsoyar skúla. Eisini siga tey frá, hvussu teirra gerandisdagur er í skúlanum.

Í Miðstovninum í Gundadali í Havn hava tey arbeitt nógv við endurnýtslu. Tað eru børn, sum ganga í 1. og 2. flokki í frítíðarskúlanum, sum hava gjørt robottar, hús til bamsurnar, pennahús og mangt annað.

Vit hava fingið bræv frá Gunnvá. Hon býr í Havn og gongur í Heimara skúla, sum er partur av Venjingarskúlanum í Havn. Henni dámar væl at lesa, og hon lesur upp fyri okkum, og greiðir frá, hvussu hon hevur tað, tá ið hon lesur, og hvørjar bøkur henni dámar allarbest at lesa.

Í dag eru vit heima hjá Bartal Páll, sum er 7 ára gamal. Honum dámar væl at sparka fótlbólt og at tekna.

Tinna er 4 ára gomul. Hon býr í Danmark, men nú er hon heima í Føroyum og vitjar ommur og abbar. Hon hevur sent okkum bræv og bjóðar okkum til Jónu-ommu í Havn. Tinna sigur eitt sindur um, hvussu tað er at ganga í barnagarð í Keypmannahavn. Eisini bakar hon vaflur saman við Jónu-ommu

Í dag eru vit í Funningi. Her eru Barbara og Høgni og geva seyði. Tey búgva í Hoyvík, og eru ofta saman við pápa sínum og geva seyði.

Bjørt er 5 ár og gongur í skúlabólki í dagstovninum Kurl@. Tað er sera spennandi, heldur hon, og hon vil fegin bjóða okkum við

Hvat er Leik og Lær? Tað fara Jónas og Gunna at siga okkum, tí í summarfrítíðini vóru tey í summarskúla í Dali.

Teir eru 9 ára gamlir og búgva ímillum Gilja í Hoyvík. Páll og Róðar spæla lego, pluss pluss og fyritíðina spæla teir allarmest playmobil. Teir brúka sítt hugflog og hava tað ordiliga stuttligt, og spæla í fleiri tímar, hvønn dag. Teir heva sent bræv og greiða frá playmobil.

Stovnar og dagrøktir í Norðuroyggjum hava arbeitt við málsligu menningini hjá børnum. Í hesum sambandi hava tey havt um ymiskar rithøvundar og hoyrt ymiskar søgur. Tey í Drotning Margrethu barnagarði hava eitt nú gjørt eitt flott Pippi-hús.

Børn í frítíðarskúlanum í Badmintonhøllini í Havn hava sent okkum bræv. Tey siga, at tey hava gjørt ein sang, og at tey fara at seta eplir niður. Vit hoyra rappsangin hjá teimum, og tey greiða frá eplum, sangi og um tað at ganga í frítíðarskúla.

Næmingar í Skála skúla hava havt evnisarbeiði um heimspartar. Tey hava uppliva og lært nógv hesa vikuna.

Næmingar í 3. flokki í Vestmanna eru við í norðurlendskari kapping um at savna plastik. Tey kláraðu at savna tjúgu kilo uppá fimtan minuttir. So sendu tey eina mynd, sum prógv.

Næmingar í 4.5. og 6.flokki hava gjørt smáttur úti á Frælsinum í Havn.

0-flokkur í dagstovninum við Margáir, hevur sent okkum bræv. Tey hava verið við í verkætlan, tá ið mentanarvika var í kommununi. Tey gjørdu framførslur og listaframsýning útfrá sanginum - Kvøða til sóknina. Vøggustovubørn, barnagarðsbørn og skúlabørn, hava havt eitt sera gott og stuttligt samstarv.

Vit hava fingið bræv frá Elinborg og Sigrid, sum búgva í Hoyvík. Tær eru BFF, tað vil siga allarbestu vinkonur, sum dáma væl at lesa, spæla borðspøl og at sova saman.

Vit vitja vón sum er 6 ár

Maria og Ludvík eru systkinabørn og tey spæla badminton. Tey halda badminton eru ein góð ítróttargrein og tað halda systkin teirra eisini.

Mira gongur til skótar í KFUM. Hon hevur boðið barnaútvarpinum við á skótafund og fer at greiða fra.

Næmingar í frískúlanum í Havn syngja og kvøða til morgunløtu.

Natasja seymar føstulávintsbúnar. Hon hevur verið á skeið saman við mammuni og systrini.

Tá ið næmmingar í 3.flokki í skúlanum á Fløtum vóru lidnir í skúlanum og fóru oman í Steinatún at bíða eftir bussinum, sóu teir ein mann liggja inni í kioskini í Steinatúni. Teir ringdu so 112. Eisini fara vit á politistøðina at spyrja, hvussu vit skulu gera, tá ið onkur er í neyð og vit skulu ringja 112.

Tað er stuttligt at ganga til bogaskjóting, siga Óli, Natasja og Gunnar Lukas. Tey ganga til bogaskjóting í felagnum, sum eitur - Vágaskot

Vit eru í musikkskúlanum á Giljanesi. Tey fara skjótt til Íslands at ferðast og tey spæla fleiri konsertir.

Vit eru í Klaksvíkar Tónlistaskúla, tá ið Helena, Maja, Hjørdis, Louisa venja í orkestri.

Vit eru á vitjan hjá Randarsól, sum býr í Bø. Hon eigur fleiri djór og dugir sera væl at ansa teimum og at greiða frá.

Vit hava fingið bræv frá 1.flokki í skúlanum við Løgmannabreyt. Tey eru so heppin at sleppa at rógva við teinaringinum Royður.

Hvønn morgun til føstulávint dansa næmingar í skúlanum á Giljanesi. Tey hittast við trappuna í stásiliga skúlanum, hvønn morgun klokkan 11.05. Í ár kvøða tey - Seyðamaðurin á Sondum.

Maria og Andrias eiga lomb. Tey búgva á Skála og tey bjóða okkum við at marka.

Sirið, Randi og Angela savna sær lummapening, tí tær ætlar sær til Danmarkar ein túr.

Vit hava fingið bræv og eru bodnar umborð á sluppina - Westward Ho.

Í dagstovninum á Hamrinum hava tey gjørt eitt cruiseskip við vælverustovu,. matstovu og mongum øðrum. Tey hava sent okkum bræv og bjóðað við. Vit eru í skúlabólkinum - Spírar.

Vit eru á tekniskeið í skúlanum við Løkin í Runavík, saman við 4. og 5. flokki. Barbara Hilduberg frá Listaleypinum er lærari.

Vivian Sjóðklett og Rógvi Dam hava seinastu tíðina verið í 4.flokkunum í skúlanum á Fløtum. Endamálið var at trívast og at basa happing.

Næmingar í Sankta Frans skúla í Havn, hava havt evnisarbeiði við yvirskriftini - Umhvørvið og vit. Vit hava fingið bræv og eru bodnar við.

Í Frískúlanum á Velbastað hava tey um víkingar.

Tey í miðdeildini í skúlanum á Fløtum hava vísindaviku. Tey hava granska mong spennandi og fjølbroytt evni.

Nóam hevur sent okkum bræv og hevur bjóðað okkum við til fótbóltsvenjing í FC Hoyvík.