- Tíðindi, mentan og ítróttur
Vitan
Islam er næststórsti átrúnaður í heiminum, umleið 1,6 milliardir fólk venda sær hvønn dag ímóti Mekka og biðja til Allah.
Eins og kristindómur er islam ein heimsreligión. Fleiri enn ein milliard fólk eru muslimar og tað eru bara kristindómurin og islam, ið eru í milliardaflokkinum, hóast hinduisman er tætt við.
Islam er næststørsti átrúnaður av teimum fimm størstu átrúnaðunum í heiminum; umleið 1,6 milliardir fólk eru muslimar, bert kristindómurin hevur fleiri viðhaldsfólk við sínum umleið 2,3 milliardum. Muslimar finnast um allan heimin og nýggjastu uppgerðirnar siga, at tey gerast fleiri og fleiri.
Nakrar líkheitir eru millum islam og kristindómin. Báðar milliarda-religiónirnar er monoteistiskar, tað vil siga trúgva á ein og bara ein Gud.
Báðar religiónirnar byggja víðari á Gamla Testamentið, sum er halgabók hjá jødum, men hesin yvirbygningurin, um ein so kann siga, ávíkavist Nýggja Testamentið og Koranin er rættiliga ymiskur, og somuleiðis er áskoðanin á jødar og teirra trúgv.
Báðar religónirnar hava sín uppruna í einum persóni, Jesus og Muhammed.
Eitt annað, sum líkist í islam og kristindóminum, tá ið hugsað verður í alheims høpi, er, at muslimar eins og kristin missionera og breiða sína trúgv um allan heimin. Báðar religiónirnar hava sostatt ta sjálvsfatan, at allur heimurin átti at tikið við júst síni trúgv og tilhoyrandi praksis.
Islam er ikki ein einvorðin skipan. Eins og tað í kristindóminum eru fleiri ymiskar kirkjur og samkomur, eru eisini fleiri ymsar samkomur í islam.
Í islam eru tveir aðalrætningar, sunni (umleið 80%) og shia (umleið 20%). Í nógvum islamskum londum eru hesir báðir rætningar ofta andstøðingar. Harumframt finnast smærri bólkar sum ahmadiyyar og aleviar. Hesir bólkar verða ofta mettir sum sjálvstøðug trúarsamfeløg, men hava sína rót í islam.
Gunnar Isfeldt, sum er søgufrøðingur við religión sum síðufak, greiðir í sendingini frá um Islam.
Lurta eftir sendingini her.