- Tíðindi, mentan og ítróttur
Minni botnfiskur verður landaður
<div>Minni botnfiskur kom upp á land í Føroyum í januar og februar enn somu mánaðir undanfarin ár, upplýsir Hagstovan. </div><div><br></div><div>Góð 12.200 tons av toski, hýsu, upsa og øðrum botnfiski vórðu fiskað frá 1.januar til 29.februar. </div><div><br></div><div>Ikki ber til at samanbera við 2011, tí tá legði eitt verkbann flotan fyrst í árinum, og trolararnir, sum vóru knýttir at Faroe Seafood, fóru ikki at fiska aftur fyrr enn síðst í februar. </div><div><br></div><div>Men frá 2006 til 2010 var botnfiskaveiðan størri enn í ár. Ikki minst í 2006, tá hon var meira enn tvær ferðir so stór. Men hon er síðani minkað nógv, og í 2010 var hon knappliga 3.500 tons størri enn í ár. </div><div><br></div>
