- Tíðindi, mentan og ítróttur
Johan Dahl gevst í politikki, tá valskeiðið er av
<p>Ein av profilunum í Sambandsflokkinum, Johan Dahl, hevur avgjørt, at hann ikki stillar uppaftur, tá hetta valskeiðið er av. Tað váttar Johan Dahl fyri Sosialinum.</p><div>Við blaðið sigur hann, at tað ongan týdning hevur, júst nær næsta løgtingsvalið verður. Avgerðin er tikin, og hann stillar ikki uppaftur, um so løgtingsval skuldi verið í næstum ella um tað verður, tá hetta valskeiðið er úti í 2015.</div><div><br></div><div><b>Hevur fyrr umhugsað at gevast</b></div><div><br></div><div>Hetta er kortini ikki fyrstu ferð, at Johan Dahl hevur spælt sær við tankan um at gevast í politikki. Til løgtingsvalið í oktober 2011, umhugsaði hann somuleiðis, hvørt hann skuldi taka seg úr politikki.</div><div><br></div><div>TaJohan Dahl valdi kortini at taka eitt tørn afturat, millum annað fyri at halda fram og royna og fáa arbeiðir liðug, sum hann hevur verið við til at stinga út í kortið sum politikari, sigur hann við Sosialin.</div><div><br></div><div>- Eg føli, at tá hetta valskeiðið er av, havi eg vónandi gjørt tað, eg skal í politikki og í Sambandsflokkinum, sigur hann við blaðið. Johan Dahl kom í politik í 2002 og hevur verið løgtingsmaður og landsstýrismaður síðani.</div>
