- Tíðindi, mentan og ítróttur
Húsa kommuna samtykt kommunusamanlegging
<div>Bygdarráðið í Húsa kommunu samtykti í gjárkvøldið, at kommunan leggur saman við Klaksvíkar kommunu 1. januar næsta ár. Tveir bygdarráðslimir atkvøddu fyri og ein ímóti sáttmálanum millum tær báðar kommunurnar. </div><div><br></div><div>Kristian Hansen, borgarstjóri í Húsa kommunu, sigur við Útvarpið, at hesin sáttmálin líkist nógv sáttmálanum, sum Klaksvíkar kommuna gjørdi við Mikladals kommunu og Svínoyar kommunu, tá tær fyri nøkrum árum síðani fóru upp í Klaksvíkar kommunu. Uppskotið hevur verið til góðkenningar í Innlendismálaráðnum. </div><div><br></div><div><b>Ímóti samanlegging á fólkaatkvøðu</b></div><div><br></div><div>Tá fólkaatkvøðan var í kommununum fyrr í ár, atkvøddi ein greiður meiriluti í Húsa ommunu ímóti samanlegging. </div><div><br></div><div>Óvanliga stórur áhugi var fyri bygdarráðsfundinum í gjárkvøldið. Vanliga eru fundirnir á skrivstovuni hjá kommununi, men í gjárkvøldið varð neyðugt at flyta fundin í skúlan á Húsum, og skúlastovan í bygdini var fullsett, frættir Útvarpið vit av Húsum. </div><div><br></div><div>Í kvøld fer hin parturin, Klaksvíkar býráð, at taka støðu til sáttmálan.</div><div><br></div>
