Leita eftir fornum trøum í Føroyum

12.07.2013 - 13:45
AktueltSamfelag
Leita eftir fornum trøum í Føroyum
Í summar hava fýra fólk frá lærda háskúlanum í Wien og náttúrugripasavninum í Stokkhólmi gjørt kanningar av fornum plantuleivdum í Føroyum
Væl nøgdir granskarar, tá onkrar spennandi plantuleivdir verða funnar í leirlindunum millum basaltfláirnar. Úr vinstru: Guido Grimm, Christian Pott og Friðgeir Grímsson.
 

Endamálið við kanningunum er at lýsa plantuumhvørvið, sum var á Norðuratlantsmótinum fyri góðum 55 milliónum árum síðani, skrivar Jarðfeingi í tíðindabrævi.

- Roynt verður at greina, hvussu gróðurin mentist og spjaddist her um leiðir. Í hesum sambandi hava Føroyar ligið landafrøðiliga í eini lyklastøðu á eini “landbrúgv” millum Norðuramerika/Grønland og Evropa, verður sagt í tíðindabrævinum.

Saman við fólki av Jarðfeingi hava vísindafólkini hugt at kolalindini og millum basaltfláirnar í Suðuroy, Gásadali, Tindhólmi og Mykinesi. Millum annað hava tey vitjað nýggja kolanámið hjá hvalbingum í Prestfjalli.

Steinrenningar í Mykinesi
Í Mykinesi eru knapt tveyhundrað steinrenningar funnar í einum øki á 5 ferðmetrum. Talan er um træleivdir so sum bløð, nálir, greinar og konglar. Millum steinrenningarnar eru fleiri sløg av trøum, sum ikki hava verið skrásett í Føroyum fyrr.

Leiðarin av verkætlanini, íslendingurin, Friðgeir Grímsson, letur væl at tí, sum er funnið higartil. Næsta stigi verður at leita eftir blómusáði (pollen) í leirmolum, sum fara at geva eina gjølligari mynd av gróðrinum og umhvørvinum sum heild her á leiðini tá í tíðini, og fer vónandi eisini varpa ljós á, hvussu gróðurin hevur ment seg og fjølgast millum heimspartarnar fram gjøgnum jarðfrøðiliga tíð.

Steinrenningarnar eru avmyndaðar á Fornminnissavninum og eru í varðveitslu á Jarðfeingi.
Komandi ár verða líknandi kanningar gjørdar í Diskofjørðinum í Vesturgrønlandi, og síðani verða tey fyrstu úrslitini frá kanningunum almannakunngjørd í vísindaligum tíðarritum.

 
Nýggjastu sendingar í ÚV
Týsdag 29. september
Danmark skal hava nýggjan uttanríkispolitikk
114133
Týsdag 29. september
Tempo: Lion of Judah
114120
Týsdag 29. september
LEITISSTEIN 28.09.2020
114112
Týsdag 29. september
Morgunlestur týsdagur 29. september 2020
113940
Mánadag 28. september
Við Tórði á túri í Kinnalund
114070
Nýggjastu sendingar í SV
Mánadag 28. september
3-2
114081
Sunnudag 27. september
Guðstænasta úr Kollafjarðar kirkju
114003
Sunnudag 27. september
Andaktin
114007
Mikudag 23. september
Drúgt sjónvarp
113851
Mikudag 23. september
Myndir fyri sologuitar eftir Kára Bæk
113720