Byggifelag áhugað at byggja SALT

13.07.2013 - 14:15
AktueltSamfelag
Byggifelag áhugað at byggja SALT
Mánadagin verður byggifundur, har støða verður tikin til, um samráðast skal við byggifelag, sum er áhugað at gera mentanarhúsið
Tá tilboðini upp á mentanarhúsið vórðu latin upp á øðrum sinni, vísti tað seg, at eingin tá hevði boðið upp á stóru arbeiðini í SALT-verkætlanini.
Mynd: © Savnsmynd.  
 

Byggifundur um Salt-verkætlanina verður fyrrapartin mánadagin, skrivar Suðuroyarportalurin. Støða skal takast til samráðingar við byggifyritøku, sum er sinnað at gera arbeiðið.

Tað upplýsti Ólavur Rasmussen, stigtakari til Salt-verkætlanina, í SALT hølunum hjá Suðuroyar Sparikassa á Tvøroyri mentanarnáttina.

Eingin áhugi

Tá tilboðini upp á mentanarhúsið vórðu latin upp á øðrum sinni, vísti tað seg, at eingin tá hevði boðið upp á stóru arbeiðini í SALT-verkætlanini.

- Tí varð gjørt av at royna annan leist, og í hesum sambandi verður byggifundur mánadagin, har støða skal takast til samráðingar við áhugaða byggifyritøku, upplýsti Ólavur Rasmussen.

Byrja í august

Um samráðingarnar við byggifyritøkuna eydnast, byrjar arbeiðið upp á mentanarhúsið sum ætlað í august, sigur hann.

Ólavur Rasmussen varð eisini spurdur, hvussu er við rakstrinum av einum tílíkum mentanarhúsi. Til hetta svaraði hann, at raksturin varð tryggjaður, tá peningurin varð játtaður til verkætlanina, skrivar Suðuroyarportalurin.

 
Nýggjastu sendingar í ÚV
Fríggjadag 15. november
Pressan: Nær eru duldar myndir neyðugar
101097
Fríggjadag 15. november
Morgunlesturin fríggjamorgunin 15. november 2019
100638
Hósdag 14. november
Breddin
101068
Hósdag 14. november
Nón - 14. nov. 2019
101065
Hósdag 14. november
Mono: Litir í tónleikinum - Vinalag
101054
Nýggjastu sendingar í SV
Mánadag 11. november
3-2
100936
Sunnudag 10. november
Andakt við Jákup Eli Østerø
100878
Sunnudag 10. november
Stórmøti í Høllini á Hálsi
100880