Gull til Valborg

16.07.2013 - 00:45
AktueltSamfelag
Gull til Valborg
Valborg Heinesen hevur vunnið gull á 10.000 metrum hjá kvinnum, og Marnar Djurhuus bronsu hjá monnum
Valborg Heinesen tryggjaði frælsum ítrótti fyrsta gullmerkið síðani oyggjaleikirnar í 2003
 

Finalan í 10.000 metrum í frælsum ítrótti hevur verið í kvøld, og úrslitið bleiv, at Valborg Heinesen vann gull. Hetta er fyrstu ferð, síðani oyggjaleikirnar í Guernsey í 2003, at eitt gullmerki er vunnið í frælsum ítrótti.

Valborg legði varliga út og helt seg nakað aftanfyri fyrstu løtuna, men tá tað restaðu einir tveir umgangir í, setti hon ferð á og rann fram um og frá sínum kappingarneytum. Tíðin hjá Valborg var 38.01.20 minuttir.

Nummar tvey bleiv Gail Griffith úr Ynis Mon og nummar trý bleiv Ashley Estwanik úr Bermuda. 

Hjá monnum fekk Marnar Djurhuus bronsu á 10.000 metrum. 

Samanumtikið hevur hetta verið ein góður dagur hjá frælsum ítrótti, sum hevur fingið trý heiðursmerki í dag. Øssur Debes Eiriksfoss fekk silvur í hæddarlopi, Valborg Heinesen gull á 10.000 metrum og Marnar Djurhuus bronsu somuleiðis á 10.000 metrum.

 
Nýggjastu sendingar í ÚV
Leygardag 20. juli
Frítíð og náttúra
96938
Fríggjadag 19. juli
Minibarrin 19. juli 2019
96870
Fríggjadag 19. juli
Summartímin hósdagin 18. juli
96921
Nýggjastu sendingar í SV
Leygardag 13. juli
Video: 5mf kvinnur, vestanstevna 2019
96751
Leygardag 13. juli
Video: 10mf, vestanstevna 2019
96750
Leygardag 13. juli
Video: 8mf, vestanstevna 2019
96749
Leygardag 13. juli
Video: 5mf gentur, vestanstevna 2019
96747